Compare(re)nde voir den raide vander stad henrick pynnock/ sone wijlen amelrijcx ter ander zijden lod(ewijc) vander borch/ jan boxhoren natuurlijck henri(ck) van nyvele henrick vand(er)/ horst als mo(m)boe(re)n en(de) symoen de decke(re) als clerck/ vander taflen des heyl(ig)gheest der kercke(n) van s(in)t mychiels/ te loeven(e) ter ande(r) exhibeerde de voirs(creven) henrick pyn(n)ock/ tregist(er) in des(er) came(re)n vander daet xiii dagen in meye/ int jaer lxxxix maken(de) mentie van seven rins guld(en)/ te lx pl(a)c(ken) tstuck erflijc die de voirs(creven) henr(ic) met seke(re)n/ sijne borgen bekint heeft den voirs(creven) heylige(n) gheeste/ Seyde de voirs(creven) henr(ic) al eest soe dat aldair/ geloeft is en(de) besproken dat die rinte soude staen/ te lossen in alsulken value(r) van pe(n)ni(n)gen als jan wijle(n)/ pynnock die de voirs(creven) vii r(ins) g(ulden) der voirs(creven) taflen/ sculd(ich) was en(de) hadde bekint junii ix a(n)no lxxxvii/ te voe(re)n dair uuyt dese rinte gespruyt is sculd(ich)/ soude sijn te doen(e) nae recht oft deselve rinte noch/ scoude dat hij oft zijne borghen nochtan de lossinge/ en(de) afquit(in)ge souden moegen doen in weerde(n) van
//
pe(n)i(n)gen alsoe die cours hadden ten tijde van zijnen/ bekynne want hij de pe(n)i(n)g(en) nae dier weerden hadde/ ontfang(en) Alsoe hij dede blijken met eender cedullen/ gescr(even) bij ja(n)nes heyms doen tertijt wijsele(r) zijnde/ d(aer) inne de pe(n)i(n)gen stonden bescreve(n) ende de voirs(creven)/ heyl(ig) gheest meest(er)s antwerden(de) seyden dat dese rinte/ van vii r(ins) g(ulden) was eene oude rinte over lang/ gepasseert voir ende eer de voirs(creven) wijle(n) jan py(n)noc/ die bekinde Hopen(de) mits dien dat de voirs(creven) henrick/ oft sijn borgen soe verre sij de afquiti(n)ge doen woude(n) sculd(ich)/ souden sijn te doene in swae(re)n ghelde es bijden raide/ vander stad notabelijck vergadert ierst oversien hebben(de) de/ contracten vand(er) voirs(creven) rinten bijden voirs(creven) wijle(n) ja(n)ne/ voe(r) en(de) bijden voirs(creven) henr(ic) nae bekint en(de) gelet op alle/ tghene des ter materien mocht dienen uutgesproken/ en(de) get(er)mineert dat de voirs(creven) henr(ic) pynnock oft zijne/ borgen doende de voirs(creven) afquitinge die soude(n) sculd(ich)/ sijn te doene achtervolgen(de) den inhouden vand(er) contracte(n)/ en(de) der publicatien gedaen int jair xci in alsulker weerde(n)/ van pe(n)n(in)gen als bij ordinan(cien) vanden prince en(de) der staten/ cours ende loop hadden opden ix[en] dach van junio/ int jair lxxxvii voirs(creven) dat de voirs(creven) wijlen jan py(n)noc/ de voirs(creven) rinte bekinde en(de) dair mede gestaen in (con)s(ili)[o]/ febr(uarii) p(ri)ma