Allen den ghenen (et)c(etera) dat arnoldus spaens als p(ro)cur(eur)/ en(de) gemechticht vande(n) p(er)soene(n) naebescreve(n) macht hebben(de)/ ende sunderling bevel eene(n) oft meer voirt te moegen/ substitue(re)n gelijc ons dat gebleken heeft bij brieve(n) van/ constitutie(n) voir wet van mechelen gepasseert ende/ metten zegel ten saken der selver stad van mechlen/ besegelt Te weten(e) van h(er) steven(en) van duffle priest(er)/ en(de) ad(ri)ane vande(n) broeke diemen heet mussche als mo(m)boe(re)n/ ende inden name van cecilien ende katlijne(n) van duffle/ wijlen jans van duffle kinde(re)n onder hue(r) dag(en) sijnde/ vander daet xiiii[c] xcii junii xviii It(em) van meest(er)/ peete(re)n van cruybeke en(de) jorijse coesairt als mo(m)boe(re)n/ en(de) inden name van cornel(ise) katlijne(n) ende a(n)ne(n) vranx/ wettige ombejairde kinde(re)n van joes vranx vander/ daet xiiii[c] xciii ja(nua)[rii] xviii It(em) ende van ja(n)ne arens/ diemen heet spyerinck alle inwoenen(de) poirte(re)n van/ mechelen vander daet xiiii[c] xciii ap(ri)lis xv Heeft uuyt/ / crachte vander voirs(creven) clausulen van substitutie(n) voirt/ gesubstitueert en(de) in zijne stede gestelt (christ)iane de/ coni(n)ck om alle der voirs(creven) p(er)soene(n) saken en(de) elc besunder/ te verwaren te bescudde(n) te bedingen te wynne(n) en(de) te/ verliesen tallen plaetsen voir alle gerichten gheestelijc/ en(de) weerlijck en(de) tegen eene(n)yegelijken dair des behoeve(n)/ en(de) te doene sal moegen wesen getuygenisse inder/ saken te leyden der wederp(ar)tien getuygen te sien swe(re)n/ die te batte(re)n te replice(re)n ende te duplice(re)n alsoe wel/ int pri(n)cipael als int accessoir ende voirt g(e)n(er)alit(er) (et)c(etera)/ Promitt(ens) ratum salvo iusto calculo cor(am) buetsele/ baets junii xxvii