Inder saken van geschille geport voir den raide/ vander stad tusschen reyne(re)n vande(n) putte ae(n)legge(re)
//
ter eender zijden ende arnde scrijne verweerde(re) ter ande(re)/ aldair de voirs(creven) aenlegge(r) doende sijne(n) eysch ende/ peticie heeft geseet dat sij beyde ende met hen (christ)iaen/ boone tsamen voirtijts hebben verpacht aen de stad drie/ assijsen oft leden te weten(e) de vischassijse dyndeghelt/ ende vetterassijse Dat sij alle drie tsamen dair nae/ vergadert sijn geweest ten huyse jacops eveloege om/ de voirs(creven) assijsen te deylen ende dat de voirs(creven) (christ)iaen/ voir eene(n) sedtpe(n)ninck van zesse ryns guld(en) die de/ voirs(creven) aenlegge(r) en(de) verweerde(r) hem betalen souden de/ voirg(enoemde) assijsen gesedt heeft ende gedeylt in twee/ deelen te weten(e) de vischassijse voe(r) een deel en(de)/ dande(r) twee assijsen oick voir een deel Ende dat op/ conditie die de voirs(creven) (christ)iaen int setten verclaerde/ dat soe wie de vischassijse hebben ende behouden soude/ te baten hebben soude vand(en) ande(re)n die de twee ande(r)/ assijsen souden behouden alle weken eene(n) postulat(us) guld(en)/ van xiii(½) st(uvers) Ten ande(re)n male dat de settinge in/ manie(re)n voirs(creven) gedaen ende gesedt sijnde de voirs(creven)/ arnt scrijne gecosen heeft voir hem ende den voirscr(even)/ reyne(re)n de twee assijsen dyndeghelt en(de) de vetterassijse/ Ten derden dat de voirs(creven) reyne(r) dair nae sitten(de) over/ tafle ten huyse henricx appelmans heeft beg(eer)t aende(n)/ voirs(creven) arnde scrijne dat hij den voirs(creven) (christ)iane soude/ willen betale(n) ende contente(re)n van tghene dat de/ voirs(creven) (christ)iaen opde voirs(creven) twee assijsen hadde gesedt/ ende dit van alsulken pe(n)ning(en) als de voirs(creven) arnt/ scrijne gehanteert en(de) ontfangen hadde vand(en) voirs(creven)/ twee assijsen ende dat deselve arnt d(aer)op antwoirde/ dat hijs niet doen en soude want aen de voirs(creven) twee/ assijsen groot verlies was hem des gedragen(de) totte(n)/ clerck Ten vierden dat nae dien amelrijck vander/ coevoirt ende jan vander hoeve(n) gesproken hadde(n) den/ voirs(creven) clerck vand(en) wy(n)ni(n)g(e) oft verliese d(er) voirs(creven) twee/ assijsen deselve clerck hen doen antwerde dat hij den/ voirs(creven) arnde niet en soude gestaen bij eede dat/ vanden voirs(creven) twee ass(ijsen) niet meer ontf(anc) en wae(r)
//
dan hij in sijnen boeck gescreve(n) hadde ende dat mits/ dien want peeter neve des voirs(creven) arnts scrijne vele/ hantering(en) hadde gehadt van ontfange en(de) uitgeven(e)/ der selver twee assijsen in absentie(n) vand(en) clerc Ten/ v[en] dat deselve twee p(er)soenen amelrijck ende jan/ dair nae seyden den voirs(creven) arnde scrijne aldus siet/ arnt wij hebben uwen clerck gesproken om u beyden/ te veraccorde(re)n ende dat hij hen hadde geantwert dat/ hij hem niet en soude gestaen bij eede van e(n)nig(er) verliese/ oft wy(n)ni(n)gen der voirs(creven) twee assijsen mits d(er) hanteri(n)g(en)/ des voirs(creven) peet(er)s neve desselfs arnts Ten vi[en] male/ dat sij sitten(de) ter taflen ter p(rese)ntien van vele goede(n)/ ma(n)nen deselve goede ma(n)nen hadden beg(eer)t dat de/ voirs(creven) arnt he(m) in hen verbinden soude dat hij dat/ weygerde seggen(de) ic en wille niet geve(n) dair ic gheen/ bate af en hebbe ende dat sij alsoe op stonde(n) vand(er) taflen/ in meyni(n)g(e) de p(ar)tien te dier instancie(n) te veraccorde(re)n/ Ten vii[en] dat als de tafle opgedaen was de voirs(creven) arnt/ staende aen een scrijne seyde tot den voirs(creven) reyne(re)n/ scheet van beyde den voirs(creven) assijsen alsoe wel vander/ baten als vanden verliese om den voirs(creven) twist te scouwe(n)/ ic sal u d(aer)af geheelijc en(de) al ontheffe(n) costelos ende scadeloes/ Ten viii[en] dat de voirs(creven) reyne(r) dair op antwoirde seggen(de)/ hoirt ghij hee(re)n verstaet wel wat arnt scrijne seet/ seggen(de) voirt ic hebbe den voirs(creven) (christ)iane boone van/ setghelde gegeve(n) ende betaelt drie ryns guld(en) die/ en wille ic aen mijn been niet binden die moeste hij mij/ wederke(re)n Ten ix[en] dat de voirs(creven) arnt d(aer)op antw(er)de/ wat de voirs(creven) reyne(r) gegeve(n) hadde dat hij hem/ dat soude wederke(r)en ende hem dair af costeloes en(de)/ schadeloes houden hoe wel nochtan alsoe hij seyde dat/ hij wel soude dorren sweren dat aen de voirs(creven) twee/ assijsen verlore(n) sijn [wa(r)en] wel xviii guld(en) Ten x[en] dat/ de voirs(creven) reyne(r) dat ae(n)nemende d(aer)op weder antw(er)de/ vaert dair wel mede en(de) dat hij gheene(n) twist meer/ hebben en woude noch eedt dair om laten swere(n) Ten/ xi[en] ende lesten dat sij noch eens op eenen tijt
//
ter p(rese)ntien van goede(n) ma(n)nen vergadert sijn geweest ten/ huyse des voirs(creven) jacops eveloege omtrint der noenen/ om hen te veraccorde(re)n ende dat ten versueke vander/ huysvrouwe(n) des voirs(creven) arnts scrijne mits dat deselve/ reyne(r) den voirs(creven) arnde hadde doen dagen voe(r) den/ rade vander stad ende dat deselve goede ma(n)nen ten/ selve(n) tijde seyden naevolgen(de) der p(rese)ntatie(n) voirtijts bijde(n)/ voirs(creven) arnde gep(rese)nteert dat hij den voirs(creven) reyne(re)n costeloes/ en(de) schadeloes houden soude vand(en) voirs(creven) twee assijsen/ en(de) tot dien den selve(n) reyne(re)n restitue(re)n tghene dat/ de voirs(creven) reyne(r) gegeve(n) hadde Alle welke pointe(n) en(de)/ feyten voirs(creven) de voirs(creven) reyne(r) offerde en(de) p(rese)nteerde te/ thoene(n) soe verre hem die wordde(n) ontkint hopen(de) voir/ sijne conclusie die bekint oft gethoont dat de voirs(creven)/ arnt hem sculd(ich) soude sijn costeloes en(de) scadeloes te houde(n)/ en(de) te ontheffen vand(en) voirs(creven) twee assijsen en(de) dat doen(de)/ den voirs(creven) (christ)iane boone vernuege(n) en(de) betale(n) va(n) tghene/ desmen hem tachter en(de) sculd(ich) mocht sijn vand(en) voirs(creven) postulat(us)/ guld(en) de weeke bij reden(en) vand(en) selve(n) twee assijsen/ en(de) den setten in dien gebuert alsoe dat reyne(r) sone/ des voirs(creven) reyners die als borghe dair voe(r) inder/ hachten is soude dair af wordden ontslage(n) hem des/ gedragen(de) tot den rechte Dair op de voirs(creven) arnt/ antwerden(de) heeft geseet dat hij wel gelooft ende/ bekint dinhouden vande(n) twee yerste(n) pointe(n) warachtich/ ende geschiet te zijne ende dat tusschen hen te diversen/ stonden diverse co(mmun)icatie(n) ende vergadering(en) gehouden/ hebben geweest dat hij oic de voirs(creven) twee assijsen/ overgenome(n) hadde en(de) dat hij den selve(n) reyne(re)n d(aer)af/ soude ontlasten mair ontkinde den voirs(creven) reyne(re)n dat/ hij hem costeloes ende schadeloes houde(n) soude ende dat/ hij reyne(r) ne(m)mermeer dat en soude conne(n) gethoenen/ besundert dat hij den voirs(creven) postulat(us) guld(en) de weke/ soude betalen hopen(de) mits dien vand(er) voirs(creven) eyssche en(de)/ aenspraken ongehouden te sijne Den voirs(creven) reyne(re)n/ replice(re)nde heeft gep(er)sisteert in sijnder conclusien/ mits den reden(en) voirs(creven) en(de) den thoone bij he(m) geoffert/ en(de) tot dien verclae(re)nde dat hij sundert sijne(n) overgeven(e)
//
ende den overnemen(e) des voirs(creven) arnts gheen bewint/ van ontfange noch uutgeven(e) vand(en) voirs(creven) twee ass(ijsen)/ en heeft gehadt mits den welken hij dair af niet en/ behoirt e(n)nige(n) last te dragen dat oic ope(n)bair wae(r)/d soe verre hij dair inne e(n)nichssins soude sijn belast/ soude hij dan last hebbe(n) dair hij gheen profijt en heeft/ gehadt contrarie den overgeven(e) ende overnemen(e) voirs(creven)/ ende den voirs(creven) arnde duplice(re)nde heeft oic gep(er)sisteert/ in sijnder conclusien mits den reden(en) bij hem geallig(eer)t/ besundert dat reyne(r) ne(m)mermeer en soude conne(n) gethoene(n)/ dat hij toegeseet soude hebbe(n) den last vanden voirs(creven)/ postulat(us) de weeke alleene te dragen en(de) den voirs(creven)/ reyne(re)n dair af te ontheffen Partien int lange gehoirt/ heeft den voirs(creven) raet den voirs(creven) reyne(re)n gewesen/ tot sijne(n) thoene die hij tot diversen dagen heeft geleyt/ inder vuegen ende manie(re)n hier nae volgen(de) Te weten(e)/ tderde van sijnen pointe(n) hebben jan vander hoeve(n) jacop/ eveloege ende jan van overbeke bij eede geheelijck/ geaffirmeert warachtich te sijne en(de) amelrijck vander/ coevoirt heeft dair op geclairt bij eede dat de voirs(creven)/ p(ar)tien aldair vergadert wa(r)en mair wes dair vermaent/ wert en staet hem niet voe(r) Opt iiii[e] hebben getuycht/ ende geclaert bij eede te weten(e) amelrijck dat dinhoude(n)/ van dien warachtich is ende jan vander hoeve(n) dat/ hij dair af niet en weet Opt v[te] hebbe(n) de voirscr(even)/ amelrijc ende jan getuygen verclairt bij eede dat zij/ vanden inhouden van dien niet en weten Opt vi[e]/ hebben alle de voirs(creven) getuygen dinhoude(n) van dien/ volcomelijck verclairt en(de) geaffirmeert alsoe geschiet/ te sijne Opt vii[e] alle de voirs(creven) getuygen bij eede/ geexamineert hebben getuycht ende geclaert te/ weten(e) amelrijc jan ende jan dat dinhoude(n) va(n)dien/ warachtich is en(de) alsoe geschiet en(de) dat reyne(r) alsoe/ ae(n)nam ende jacop eveloege dat hij d(aer)af niet en weet/ Opt viii[e] alle de voirs(creven) getuygen bij eede als voe(r)/ geexamineert hebben de voirs(creven) amelrijck jan ende/ jan dinhouden van dien geaffirmeert mair art seyde
//
dat die drie ryns guld(en) dair inne geruert souden/ berusten totter compst van (christ)iane ende dat sij soude(n)/ veraccorde(re)n vand(en) assijsen die sij djair dair te vore(n)/ gehoude(n) hadden ende dat sij dair mede te vrede(n) wa(r)en/ ende de voirs(creven) jacop dat hij dair af niet en weet/ Opt ix[e] hebbe(n) jan ende jan dat geheelijc geaffirmeert/ desgelijcx oic de voirs(creven) amelrijc behalve(n) dat de drie/ rins guld(en) soude(n) berusten totter compst van (christ)iane/ soe hij opt voirgaen(de) ar(tic)[le] heeft gedeponeert Tuygen(de)/ voirt dat arnt seyde dat hij wel soude dorre(n) sweren/ dat aende voirs(creven) twee assijsen verlore(n) wa(r)en wel/ xviii r(ins) g(ulden) ende jacop eveloege heeft getuycht bij/ eede dat hij vanden inhoude(n) van dien niet en weet/ Dinhouden vanden voirs(creven) thienste(n) ar(tic)[le] hebbe(n) de voirs(creven)/ amelrijc jan ende jan geaffirmeert en(de) jacop dat hij/ dair af niet en weet Opt xi[e] ende leste hebbe(n) alle/ de voirs(creven) getuygen bij eede als voe(r) geexamineert/ getuycht ende geclairt dat dinhouden van dien verhaelt/ werdde ende dat arnt bekinde alsoe geschiet te zijne/ mair seyde doen dat hij den last vanden postulat(us)/ de weke niet alleene dragen en woude Welken/ thoon inder manie(re)n als voe(r) geleyt zijnde de voirs(creven)/ p(ar)tien gesalveert en(de) gereprocheert hebben(de) hebbe(n)/ sij gep(er)sisteert in huer(er) voirs(creven) conclusien ende voirt/ recht dair op begheert Es bijden voirs(creven) raide/ p(ar)tien compare(re)nde te weten(e) de voirs(creven) reyne(r) in/ p(er)soene ende de voirs(creven) arnt bij robbeerde loenijs/ sijnen p(ro)cur(eur) uuytgesproken ende getermineert/ dat arnt scrijne sculdich sal sijn ende gehouden den/ voirs(creven) reyne(re)n costeloes ende schadeloes te houden/ ende te ontheffen vanden twee assijsen dair questie/ om es ende den selve(n) reyne(re)n te restitue(re)n tghene/ des hij bij reden(en) van dien verleet ende gegeve(n)/ heeft nae dat de waerheyt gedragen heeft/ in (con)silio augusti xxvi