De termi(n)atie tusschen de bedeheffers van waenrode ende / henricke wouters es dat henr(ick) wout(er)s tonrechte de bedesetters/ van waenrode alh(ier) bescreven heeft ende dat de voirs(creven)/ henr(icke) sculdich sal sijn te betalen(e) de bede op hem gesedt/ soe verre de bedesetters clee(re)n bij eede dat zij hem niet gesedt/ en hebben uut hate ende nijde dan naevolgen(de) hue(re)n eede/ nae qualiteyt van zijnen goeden Ende heeft henr(ick) e(n)nich/ gebreck van salar(is) pijne ende arbeyde die hij verdient/ soude hebben aen de bede inne te halen(e) dat zij hem d(air) af/ sculdich sijn sullen te betalen(e) ter taxatien vander wet van/ waenrode in (con)s(ili)[o] opidi dece(m)br(is) xii