It(em) hee(re)n gielys de porte(re) coremeest(er) ende jan [pet(er)] van aken/ chijsmeest(er) prieste(re)n r(e)ligieusen gep(ro)fessijt des goidsh(uyse) vand(en)/ p(re)dicke(re)n te loven(e) hebben(de) tot des naebescr(even) es vand(en)/ voirs(creven) goidsh(uyse) ende conve(n)te spe(ci)ale p(ro)cu(r)a(ti)[e] ende mach/ tichscap met brieve(n) bezegelt mette(n) zegelen vand(en)/ selve(n) goidsh(uyse) ende conve(n)te ter eenre ende arndt/ barts sone wijlen gords barts brieders ter ande(r) zijden/ in p(rese)ntia hebben gekint ende geleden dat zij vanden/ twiste ende geschillen die zij hadden ter causen van/ dien drie clinckarts erflic die tvoirs(creven) goidsh(uys) heeft/ op seke(re) goede des voirs(creven) arnts wijlen andries hellinck/ ond(er) libbeke gelegen mi(n)lijck ov(er)comen ende ee(n)swordden/ sijn opde cond(iti)[en] ende voirw(er)den hie(r) nae volgen(de) Te/ weten(e) dat de voirs(creven) arndt sal quijt hebben den rinte/pacht lest v(er)schenen ende dat hij ende sijn naeco/ melingen besitte(re)n vanden voirs(creven) goeden altijt sulle(n)/ gestaen met twee clinckaerde en(de) met twelf/ stuv(er)s ende [dat] oic die vanden voirs(creven) goidsh(uyse) ter/ manissen vanden voirs(creven) arnde oft vanden ghene(n)/ hebben(de) zijne actie vanden voirs(creven) goeden sullen/ moete(n) volgen opde ande(re) pande begrepen in/ hue(re) brieven om den selven arnde en(de) zijne(n)/ nacomelinge(n) d(air)inne te baten te comen behalve(n)/ dat de selve arndt oft zijne actie in dien hebben(de)/ alle costen ende lasten van dien v(er)volge sullen/ moete(n) betalen ende den goidsh(uyse) d(air)af los ende/ quijt houden Ende dat ter ande(r) zijden de voirs(creven)/ rinte des voirs(creven) goidsh(uyse) opde voirs(creven) goede sal/ voirgaen p(re)cede(re)n ende wesen van oude(re)n date/ ende ind(er) jairlijcscher betalinge(n) dan de actie/ ende trecht dat de voirs(creven) arndt oft zijn vad(er)/ hebbe(n) inde voirs(creven) goede dwelck de selve arndt/ heeft gekint geleden en(de) geconsenteert/ promitten(tes) ratu(m) d(i)c(t)i d(omi)ni renu(n)c(iantes) en(de) de/ selve hee(re)n opde twee stuv(er)s voirs(creven) behoirlijck/ v(er)thijen(e) tot behoef des voirs(creven) arnts p(ro)ut ...? (et)c(etera)/ Cor(am) borch buetsele ap(ri)lis viii