Aldair gecome(n) sijn bijden raide vander stad de gesworen(en)/ vanden vleeschouwers ambachte bynnen der stad van loeven(e)/ aenlegge(r) ter eenre zijden ende vrancke loenkens verweerde(r)/ ter ande(re) hebben de voirs(creven) aenlegge(re)n overgegeve(n) seke(re) ar(tic)[len]/ ende int(er)rogatorien ende beg(eer)t dat de getuygen d(air) inne/ geruert souden wordden dair op behoirlijck bij eede geint(er)rogeert/ en(de) geexamineert Ende de voirs(creven) vrancke verweerde(r)/ heeft beg(eer)t dat de voirs(creven) ar(tic)[len] ende int(er)rogatorie(n) souden/ wordden gelesen Om dat gedaen sijnde dair op ende op/ de getuygen die batte(re)nde te allige(re)n des hem goetduncken/ soude dwelck gebuert is inhouden(de) van woirde te/ woirde alsoe hier nae volcht int(er)rogatorien der gesworen(en)/ vanden vleeschouwers ambachte (et)c(etera) Soe die luyden achter nae/ dese t(er)mi(n)atie et pona(n)tur ende de voirs(creven) int(er)rogatorie(n)/ gelesen sijnde heeft de voirs(creven) vrancke verweerde(r) geseet/ dat de voirs(creven) aenlegge(re)n verdoelt wa(r)en voir den voirs(creven)/ raide alsulken thoon op hem te leyden gemerct dat dien/ soude tende(re)n tot crieme ende dat voir den selve(n) raide/ gheene materien criminele en behoirden geplaidoieert te/ wordden noch en behoirde den selven raidt d(air) af gheene/ kynnesse noch bericht te nemen ende al wa(r)en de voirs(creven)/ aenlegge(re)n dair toe ontfancbair oft dat den voirs(creven) raet/ dair af kynnesse hebben soude Des neen soe en souden/ noch en behoirden de getuygen dair inne geruert oft/ e(m)mers den meesten deel niet gehoirt noch geexamineert/ te wordden overmits diversen reden(en) bij hem gealligeert/ Inden yersten alsoe verre dat aenginge ja(n)ne scrijne en(de)/ jacoppe van muysen(e) bij dien dat zij wae(r)en zijne pri(n)cipale/ ende yerste p(ar)tie hem in desen accuse(re)nde It(em) aengaen(de) hee(re)n/ lodewijke pynnock ridder meye(r) van loeven(e) dat hij als/ officier ons gened(ichs) hee(re)n is in desen te repute(re)n voir p(ar)tie/ aengaen(de) adam van caverson dat die oic niet en soude/ wordde(n) gehooirt want in tghene des tusschen den voirs(creven)/ hee(re)n lodewijke als officier ende hem was gebuert hadde/ hij geweest middele(re) ende de pe(n)ni(n)g(en) van hem ontfang(en)/ bijden welken hij als p(ar)tie is ende behoirt te zijne ger(e)puteert/ It(em) aengaen(de) den surplus vand(er) voirs(creven) getuygen behalve(n)
//
alleene janne lenarts geheete(n) putte(re) dat die oic behoire(n)/ afgeslagen te wordden als niet ontfangbair om e(n)nige/ depositie te doene want sij sijn alle vleeschouwers/ oft dair af comen ende de gemeyne gesellen alsoe wel/ als de voirs(creven) gesworen(en) sijn zijne openba(r)e en(de) formele/ p(ar)tie(n) Ten ande(re)n male sijn zij p(ar)tie in dien soe verre/ de voirs(creven) vrancke die een vand(en) meesten ende meest/ beesten slaende van sijnder eeren ende neringen soude/ wordden gepriveert dair toe alle de vleeschouwers tende(re)n/ soe soude die sijne neringe ende hanteringe op hen comen/ overmits welken reden(en) hij sustineerde ende p(er)siteerde/ dat alle de voirs(creven) p(er)soene(n) als niet ontfangbair om in/ des(er) materien te tuygen souden wordden verclairt ende/ gereicieert hen des gedragen(de) totten rechte Dair op/ de voirs(creven) gesworen(en) aenlegge(re)n hebben gealligeert en(de)/ geseet dat hen vande(n) voirnemen(en) des voirs(creven) verweerders/ niet genoech en can verwonde(re)n ende yerst op tghene des/ hij alligeert dat dese kynnesse inden voirs(creven) raidt niet/ en soude behoire(n) (et)c(etera) dat de (contra)rie dair af es warachtich/ ende heeft altijt voir den raide geweest ende wordt/ dagelijcx gepractiseert dat aengaen(de) den ordinan(cien) van/ ambachten ende oft yema(n)t dat soude hebben verbuert/ oft niet d(air) af de kynnesse ende dbericht behoirt voir den/ voirs(creven) raet Ende al wairt soe dat de kynnesse aldair/ niet en behoirde des ja soude nochtan de voirs(creven) vrancke/ nu als p(ar)tien op hue(re)n thoon gewesen sijn tot der declinatorie(n)/ niet sijn ontfangbair ende dair af sijn vermeert Comen(de)/ op dwederleggen der voirs(creven) getuygen ende yerts van/ ja(n)ne scrijne ende jacoppe sijnen clerck seyden zij dat zij/ sijn geweest te weten(e) jan principael assijsene(re) die/ wel reden(en) hadde als hij bevant dat de voirs(creven) vrancke/ hem gefraudeert hadde int gemeyne goet en(de) dat ontkeert/ dwelc hij hadde verpacht dat met rechte te vervolgen/ ende in dien den voirs(creven) jacoppe die vander selver/ assijsen gesworen clerck was tot sijnder baten te nemen/ om sijn gebreck te verifice(re)n dat zij in desen gheenssins/ en sijn p(ar)tie noch en behoiren dair voe(r) te wordden/ gereputeert Aengaen(de) hee(re)n lodewijke pynnock meye(r)
//
ende adam van caverson dat zij in hue(re)n privaten name/ noch de voirs(creven) h(er) lodewijck als offic(ie)r gheenssins en sijn/ p(ar)tie ende en can hen noch den ande(re)n tween ja(n)ne/ ende jacoppe gheenssins aengegaen oft de voirs(creen)/ vrancke vanden voirs(creven) ambachte afgesneden sal sijn/ oft niet Als vanden voirs(creven) ande(re)n getuygen dat al moegen/ e(n)nige van dien vleeschouwe(re)n sijn dambacht doen(de) ende/ exerce(re)nde zij nochtan niet en behoiren gereicieert te wordden/ oft suspect gealligeert te zijne want zij niet en souden/ wordden geleyt dat opde costumen ende ouden onderhouden(en)/ vanden ambachte dwelc niemant bat en can geweten/ noch der waerheyt getuyge dair op te geven dan de/ ghene die dat hebben sien ende weten hante(re)n en(de) van/ hue(re)n ouders hebben gehoirt hoe dat gehanteert ende/ gecostumeert is te voirde(r) gemerct dat des ambachts rolle/ die zij voirtijts hebben gehadt op donderhouden vand(en)/ selve(n) ambachte ten tijde vand(en) co(m)motien dair af pauwel/ loenkens brueder des voirs(creven) verweerders principael was/ bijden selve(n) pauwele te nyeute gedaen wert Aengaen(de) meest(er) stasse vander hoeven dat hij noyt dambacht vand(en)/ vleeschouwers en heeft gedaen qua(r)e (et)c(etera) al wa(r)en de ande(re)/ te reicie(re)n des neen ja(n)ne beerain ende gheerde van/ thienen aengaen(de) dat jan es vorste(r) ons genad(ichs) hee(re)n/ gheenss(ins) dambacht exerce(re)nde Desgelijcx oic de voirs(creven)/ gheert die gesworen rijden(de) bode vander voirs(creven) stad is/ qua(r)e (et)c(etera) Alle welke reden(en) voirs(creven) aengemerct de/ voirs(creven) aenlegge(re)n hebben geconcludeert dat de voirs(creven)/ getuygen souden wordden gehoirt hen des totte(n) rechte/ gedragen(de) den voirs(creven) verweerde(r) replice(re)nde heeft/ gep(er)sisteert mits den reden(en) voe(r) gealligeert en(de) tot/ dien gevuecht als van meest(er) stasse dat want hij uuyt/ den ambachte gebore(n) is dat hij oft zijne kinde(re)n naemaels/ tselve ambacht soude [oft] souden moegen aenveerden en(de) exerce(re)n/ desgelijcx oick jan beerain als hij gheen vorste(r) en wa(r)e/ alst hem beliefde ende dat de voirs(creven) gheert als hij in/ zijne(n) voirs(creven) dienste niet en es geoccupeert hij dan gewoenlijc/ is dambacht te exerce(re)n de voirs(creven) aenlegge(re)n oick