Cont zij allen lieden dat willem vander varent geheete(n)/ coels zone jorijs ende lijsbeth smeets sijn huysvrouwe/ in p(rese)ntia hebben genomen ende bekint genomen te/ hebben(e) tegen arnde hanckairt die hen bekint heeft/ uuytgegeve(n) te hebben(e) sijn huys ende hof metten/ wynnen(de) landen beempde boogarde dair toe behoiren(de)/ ende den toebehoirt(en) uuytgenomen den bosch dair/ de wynne gheene(n) sacht inne en behoudt alsoe die/ gelegen sijn te kyesekem Te houden te wynne(n) en(de)/ te werven van half merte lestleden eene(n) termijn/ van zesse ja(r)en lang due(re)nde deen nae dande(r) sonder/ middel vervolgen(de) elx jairs d(air)enbynnen Te weten(e)/ de voirs(creven) wynnen(de) landen om ende voe(r) veerthien sacken/ rogs pag(abilis) cu(m) va(n)no et pe(n)na bene p(re)parate mate va(n) loeven(e)/ alle jae(re) s(in)t andriesmisse ap(oste)ls te betalen(e) ende te loeven(e)/ ten huyse des voirs(creven) arnts hanckairt te leve(re)n jairlijcx den/ voirs(creven) t(er)mijn due(re)nde Ende de voirs(creven) beempde ende/ boogarde jairlijx om ende voe(r) neghen ryns guld(en) te/ xx st(uvers) tstuck ende vijf stuvers jairlijx s(in)t mertens(miss)[e]/ te betalen(e) den selven arde alle jae(re) den voirs(creven) t(er)mijn/ due(re)nde quol(ibe)t ass(ecutu)[m] It(em) es vorweerde dat de voirs(creven)/ wynne de voirs(creven) wynnen(de) landen wel loflijck/ wynnen werven ende mesten sal gelijck regenote(n) bove(n)/ / ende beneden met hue(re)n getidigen voren It(em) es vorweerde/ dat de voirs(creven) wyn de twee p(ar)cheelen oft stucken lants/ voir thof gelegen geheeten thuyers velt tot derthien dach(mael)/ toe die art hem nu wel ende loflijck gemest en(de) met/ wynt(er)coren(en) besaeyt gelevert heeft onder dwelck aert hem/ gelevert heeft sesthien m(ud)[d(en)] duyven mests totte(n) iiii dach(mael)/ inden selven art gelegen tsijnen afscheyden(en) alsoe gemest/ ende met rogge besaeyt laten sal It(em) want de huysing(en)/ nu wel ende loflijck sijn gerepareert dat de voirs(creven)/ wynne de voirs(creven) huysing(en) wel ende loflijck onderhouden/ sal vander onderster rijkelen nederwerts ende als men/ aldair dect oft plect van ouden wercke dan sal/ de wynne dair toe sculdich zijn alle bereetscap aen/ te halen ende den werckluden den montcost te geven/ ende arnt de dachue(re)n te betalen(e) It(em) es vorweerde/ dat de wyn alle de stortte achter thuys geleg(en) tot/ veerthien dach(mael) toe ten afscheyden(en) o(m)medoen sal voe(r)/ den wynter It(em) noch es vorweerde dat de wyn alle/ de pachten ende chijsen uuyt alle den goeden gaende/ in tijts betalen sal ende arnde quitantie dairaf bringen/ om de schade dair af te verhueden op afslach van sijnder/ betalingen It(em) dat de wynne alle ja(r)e den t(er)mijn due(re)nde/ des voirs(creven) arnts pacht voe(r) uuyt sculdich sal sijn te dorsschen/ uuyten tasse als art des aen hem versueken sal eer hij/ voe(r) hem selven sal moegen dersschen It(em) dat de voirs(creven)/ arnt ende de wyn doeft jairlijx opde voirs(creven) goede wassen(de)/ te gelijke sullen doen lesen ende dat alsdan half ende/ half deylen Ende de wynne sal desselfs arnts helicht/ des ande(re)n daichs d(air)nae als dat gedeylt is te loeven(e)/ tsijne(n) huyse sculd(ich) sijn te leve(re)n It(em) es vorweerde dat/ de voirs(creven) wynne de wegen allo(m)me de voirs(creven) goeden/ liggen(de) wel ende loflijck maken ende onderhouden sal/ als dat arde dair bij gheene schade en geschie ende/ deselve goede wel ende loflijck te bevreden en(de) tcoren/ wel en(de) loflijck bevreet laten tsijne(n) afscheyden(en) It(em)/ dat de voirs(creven) wynne jairlijcx scudden sal vijftich/ walms soe dair gewoenlijck is om de huysing(en) dair/ / mede te deckene Ende oft arnde elders walm dair toe/ cochte dien sal de wynne met zijnen wagen(en) ende p(er)den/ sculdich sijn int hof te leve(re)n It(em) dat alle tstroo vand(en)/ voirs(creven) goeden comen(de) te meste bekeert sal wordden ende/ opde voirs(creven) landen gevuert alsoe wel opde verste als/ opde naiste sonder dair af e(n)nich stroo te moege(n) vercoope(n)/ It(em) es insgelijcx vorweerde dat de voirs(creven) arnt ende/ de wynne s(in)t andriesmesse naistc(omende) oft dair omtr(ent) coope(n)/ sullen te gelijker hant vijftich hoopen stroots elken/ hoop te vijf schooven ende dien half ende half te/ betalen(e) ende des sal de wynne dien sculd(ich) zijn te/ halen dair zij dien te samen coopen zullen ende te/ meste bekee(re)n gelijck voe(r) It(em) de voirs(creven) arnt heeft/ den voirs(creven) wynne geleent soe de selve wyn bekinde/ een mudde rogs tweelf halste(re)n have(re)n die hem/ de wyn ten yersten gewasse sal weder geven Ende/ es vorweerde dat de wynne sijne scapen en(de) wolle/ te mey naistcomende sal moegen vercoopen en(de) arnde/ voirs(creven) tghelt laten volgen van zijnen deele oft arndt/ salse selve moegen coopen op afslach van sijnder schult/ It(em) es vorweerde dat alle geschillen tusschen den voirs(creven)/ arnde ende den wyn uuytstaen(de) aengaen(de) der yerster/ pechtingen vanden meswynnen(en) oft meergewonnen(e)/ land(en) ende vand(en) coope vanden stroo dat zij in beyden/ zijden qualijck onderhouden hebben quijt ende te nyeute/ sijn en(de) hebbe(n) malcande(re)n dair af quitgescouwe(n) dies/ sal art den wyn cortten twee r(yns) g(ulden) aende schult/ die de wynne hem sculd(ich) is It(em) de voirs(creven) wyn heeft/ arnde bekint van outs ende van voirleden(en) pechting(en)/ sculdich te zijne ende tachter te bliven bove(n) alle betalinge/ gedaen oick afge(re)kent ende willem(me) gecort alle/ pachten sint andr(iesmiss)[e] ende alle chijsen te kers(miss)[e] lestlede(n)/ verschenen aen die van beckevoirt die willem/ ge(re)kent heeft betaelt te hebben(e) en(de) tsijne(n) laste genome(n)/ seventhien ende eene(n) halve(n) sacken rogs ende sesthien/ ryns guld(en) van weyghelde die hij arnde geloeft/ / heeft ad mo(nicionem) te betalen(e) Ende hier voe(r) sijn borghen/ des voirs(creven) wynnen de voirs(creven) jorijs vander varent/ vader des voirs(creven) wynnen ende arnt de smet sone/ wijlen willems woenen(de) te pellenberch int cattenvelt/ et p(ri)mi duo It(em) de voirs(creven) willem de wyn/ ende sijn huysvr(ouwe) hebben den voirs(creven) arnde bekint/ sculdich te zijne vijftich croone(n) ad mo(nicionem) te betalen(e)/ t(am)q(uam) ass(ecutu)[m] op conditie dat arnt dair mede dinhout/ vander voirs(creven) pechting(en) sal moegen verhalen aen/ hen ende aen hue(re) goede in meliori for(ma) Cor(am) h(er)meys/ buetsele marcii xxv