Compare(re)nde voir den raide vander stad de gedeputeerde/ vander vryheyt van turnhout bringen(de) met hen d(er) selver/ vrijheyt besloten(en) brieve(n) bijden inhouden(en) vanden welken/ en(de) den reden(en) bij hen mondelinge geproponeert sij/ versochten renvoy van des zij met brieve(n) van des(er)/ stad alhier bescreve(n) sijn ter instan(cien) van woute(re)n bacx/ poirte(r) van des(er) stad Want alsoe bleec bijder narratie(n)/ van sijnder impetratie(n) die materie haer fondeert op/ contributie van beden ons gened(ichs) hee(re)n ende ande(re)n/ gebuerlijken lasten ter eender zijden ende de voirs(creven)/ wouter ter ande(re) die antwerden(de) seyde dat hij sindert/ der impetratie(n) vand(en) voirs(creven) brieve(n) hem nairde(r) hadde/ beraden ende hadde van ghiste(re)n morgen vroech betaelt/ den o(n)tfangers vander beden tghene dair op hij was/ getaxeert ende gesedt mits den welken noodeloos/ was den voirs(creven) gedeputeerden alhier te comen(e) e(m)mers/ soe vroech te vertrecken Te voirde(r) want den dach/ van rechte op morgen yerst dienen soude hopen(de)/ alsoe van allen costen te zijne ongehoude(n) dair op/ de voirs(creven) gedeputeerde(n) replice(re)nde seyden dat/ op in dijssendage xxviii[e] daichs des(er) tegewoirdig(er)/ maent lestleden de weth(ouder) vand(er) voirs(creven) vrijh(eyt) spade/ op hue(r) raethuys wae(re)n vergadert Alsoe de voirs(creven) wout(er)/ die p(rese)nt was dat genoech wist Aldair overdragen/ wert dat om des(er) stad eere te bewijsen en(de) hue(re)n scriven(en)/ genoech te zijne hoe wel de kynnesse dair af der stad/ gheenssins toe en behoirt en(de) de impetratie es ongefondeert/ de voirs(creven) gedeputeerde des ande(re)n daichs smorgens
//
dwelck ghiste(re)n was trecken souden om alhier goets/ tijts te zijne ende hen met vriende(n) te beraden Ende/ alsoe en wisten zij van gheender betaling(en) p(er)siste(re)nde/ mits dien op tre(n)voy met condampnatie(n) van costen/ Es bij den voirs(creven) raide notabelijck vergadert en(de) p(ar)tien/ int lange gehoirt uutgesproken ende get(er)mineert/ dat soe verre bevonden wort dat de voirs(creven) wouter/ de betalinge gedaen heeft alsoe hij alligeert dat/ hij in dien gevalle dair mede sal gestaen betalen(de)/ den voirs(creven) gedeputeerden half hue(re) costen ende soe/ verre hij dat niet gedaen en heeft dat dan ende/ in dien gevalle den voirs(creven) raidt verseynt ende/ remitteert de sake ende p(ar)tien dair en(de) alsoe dat/ nae der instructien opde bede gemaict behoirt/ den selve(n) woute(re)n in dien gebreke condampne(re)nde/ inde geheele costen der voirs(creven) gedeputeerde(n) in (con)s(ili)[o] aug(us)[ti] penult(ima)