It(em) want inder cedullen dair op de voirs(creven) goede op / hoogen sijn vercocht onder dande(re) co(m)me(re)n gespecificeert/ staet dat uuyt desen goeden gaen souden vijf r(yns) g(ulden)/ erflijck aen de distributie vand(er) cappellane(n) van sinte/ peeters te loeven(e) diemen naemaels bevonden heeft/ geypotheceert staende opt huys des voirs(creven) wijlen/ anthonis inde coestrate ende dat dese goede gheenss(ins)
//
dair voe(r) verobligeert oft verbonden en staen soe/ es vorweerde ende heeft geloeft de voirs(creven) henrick/ de hey(m)momez dat hij de hootpe(n)ning(en) vanden voirs(creven)/ vijf r(yns) g(ulden) erflijck uuytreycken ende betalen sal / den voirs(creven) willem(me) van gheele in mi(n)derniss(e) ende/ afslage van zijnder schult in alsulken prijse ende/ value(re) als de stad termine(re)n sal Oft soe sij des metter/ mynnen anderssins sullen overcome(n) des heeft ter/ ande(r) zijden de voirs(creven) willem geloeft dair voe(r)/ inne te stane ende warant te zijne dat den voirs(creven)/ henricke de hey(m)momez noch zijnen goeden gheenen/ stoot oft calangie van wegen der voirs(creven) capellane(n)/ uuyt saken vand(en) selve(n) vijf r(yns) g(ulden) erflijck gedaen/ en sal wordden in e(n)niger manie(re)n Cor(am) eisd(em)