Alsoe als ten vervolge m(ijns) hee(re)n des p(re)laets va(n) vlierbeke/ geleyt zijnde nae des(er) stad recht voir sijn wettich/ gebreck uuyt crachte van scepen(en) brieve(n) van loeven(e)/ tot alle den goeden beyde have ende erve jans baken/ henricx wijlen zijns vaders ende jans vanden borne soe/ wair die gelegen zijn ende ernstelijck versocht alle/ deselve goeden te leve(re)n ende peyslijck te doen volgen/ den voirs(creven) geleydden oft den bringer ons(er) brieve(n) in zijne(n)/ name Ende den voirs(creven) ja(n)ne baken zijnder huysvrouwe/ en(de) ja(n)ne vand(en) borne dach van rechte te bescheyden(e)/ voir meye(r) ende scepen(en) van loeven(e) op heden dienen(de)/ in gevalle van oppositien aldair zij niet en comp(ar)eerden/ noch p(ro)cur(eur) van hue(re)n wegen den voirs(creven) geleydden te/ weten(e) p(ro)cur(eur) van zijne(n) weg(en) compare(re)nde en(de) trecht/ voirts versueken(de) soe hebben scepen(en) van loeven(e)/ ter maniss(en) smeyers gewesen met vo(n)nisse nae/ dien hen behoirlijck gebleken was bij c(er)tificatien ende/ r(e)scripte zeg(er)s claes meye(r) van halen onder zijn hantteeken/ de leveringe van des(en) en(de) dachbescheydinge behoirlijck/ nae inhoudt sbriefs gedaen te wesen(e) datme(n) den/ geleydden vand(en) voirs(creven) geleverden goeden houden/ sal inde macht van zijnen scepen(en) brieven soe v(er)re/ alst noch voir scepen(en) comen is Eisd(em)