Vander questien die int jairgedinge lestlede(n) gerees/ tusschen arnde hanckart ter eenre en(de) denijse/ philippart den welken deselve art beclaecht hadde/ ter ande(r) zijden aldair de voirs(creven) art sustineerde den/ selve(n) denijse verreyct te hebben(e) mits dat was vry/ jairgedinge ons gened(ichs) hee(re)n en(de) hij selve in p(er)soene/ niet en compareerde Dair tegen jacop witteman/ als p(ro)cur(eur) desselfs denijs dede seggen dat de voirs(creven)/ denijs was in sulken state van sieckheyde(n) dat hem/ niet moegelijc en was opdien dach te compare(re)n/ p(rese)nte(re)nde dat te thoenen(e) sustineerde mits dien dat/ hij de sake als p(ro)cur(eur) soude moege(n) verantwerden/ in verweerders stad Ende nae dien de verweerde(r)/ d(aer)af tsijne(n) thoone gewesen was en(de) hij ten daghe/ dair toe dienen(de) met c(er)tificatie(n) vand(en) p(ro)chiaen d(aer)/ ond(er) hy gesete(n) was dede blijken de siecheyt desselfs/ denijs die de voirs(creven) arnt sustineerde niet genoech/ te zijne dair af decisie en(de) beslicht gestelt wert/ inder stad handen en(de) totter stad t(er)mi(n)atien Es nae dien/ de scepen(en) den raide vander stad behoirlijck rapport/ gedaen hebben bijden selve(n) raide uuytgesproken/ en(de) get(er)mineert voir recht dat denijs tijts genoech/ comen sal om sijn sake te moegen verantwoirden/ bij p(ro)cur(eur)s in (con)s(ili)[o] opid(i) junii xxviii