Vander questien die eene wijle tijts/ geresen ende opverstaen is yerst inde banck/ voir meye(r) ende scepen(en) van loven(e)/ d(aer)nae voir den raide vand(er) stadt tusschen/ janne vand(er) donct weert inde st(er)re inde/ stee(n)strate aenlegge(r) ter eenre en(de) jacoppe/ vande(n) tymple verweerde(r) ter ande(r) zijden/ Aldair de voirs(creven) aenlegge(r) yerst dede lesen/ eene cedulle met desselfs jacops hantteeken/ geteekent d(air)mede de selve jacop bekint/ heeft sculdich te sijne den voirs(creven) ja(n)ne vand(er)/ donck en(de) sijnd(er) huysvr(ouw)[en] som van mo(n)tcoste/ en(de) som van geleenden gelde de so(m)me van/ hondert en(de) vive en(de) tsestich rinschgulden(en)/ die [hij] hen tot huerer manissen of des eens/ van hen geloeft heeft te betalen(e) opde obligatie/ van allen zijne(n) goede(n) ind(er) maten de/ selve cedulle vand(er) daet duyse(n)t en(de)/ vijfhondert opden xxiiii[en] dach van janua(r)io/ stilo braban(tie) dat nairde(r) inhoudt en(de) begrijpt/ Dede vorts segge(n) dat de selve jacop hem/ buyten en(de) boven de selve cedullen noch/ sculdich bleven was oic soe van geleende(n)/ gelde soe van div(er)sen gelagen de so(m)me van/ seve(n)thien rinschgulden(en) d(air)af hij egheene/ betalinge gecrige(n) en conste wat guetelijc/ v(er)mane(n) hij d(air)o(m)me aen den voirs(creven) jacoppe/ gedaen hadde sustine(re)nde voir zijne co(n)clusie/ dat de voirs(creven) jacop vand(en) voirs(creven) yerst(en) so(m)men/ acht(er)volgen(de) der voirs(creven) cedullen en(de) gelufte(n)/ d(air)af bij hem gedaen ond(er) sijn hantteeken/ sculdich soude sijn te betalen(e) en(de) desgelijcx/ oic vand(en) ande(re) voirs(creven) so(m)men bij hem/ geeyscht te vorde(r) want hij alse eenen/ yegelijken wel kinlijck en(de) openbaer is/ een openbaer tavernier is wijnv(er)coope(r)/ en(de) gasterie van theringe(n) eten(en) ende dri(n)cken(en)
//
dagelijcx houden(de) dwelc deselve jan p(rese)nteerde/ te thoonen soe v(er)re hem dat bijden voirs(creven)/ jacoppe ontkint wordde en(de) p(rese)nteerde/ d(air)toe zijne(n) duechdelijken eedt en(de) oic den/ eedt van zijnd(er) huysvr(ouw)[en] gelijc en(de) als/ tavernie(re)n van gelijken sculdich sijn te doen(e)/ D(air)tegen de voirs(creven) jacop hem v(er)antweerden(de)/dede bekinde de voirs(creven) cedulle ond(er) met/ zijnen name geteekent te hebben(e) mair/ seyde dat hij de principale cedulle noyt/ gescreven en hadde noch bevel d(air)af/ gegeve(n) om die te scriven en(de) dat ten/ tijde als hij die teekende hij was verscuert/ en(de) de selve cedulle noyt en hadde gelesen/ mair hadde die ten v(er)sueke en(de) beg(er)ten/ vand(er) huysvr(ouw)[en] des voirs(creven) jans geteeke(n)t/ niet weten(de) hem alsoe diepe d(air)inne/ v(er)bonden te hebben(e) P(rese)nte(ren)de te thoonen/ dat die bij stasse rabs in zijnd(er) absentie(n)/ gescreven was alsoe de voirs(creven) huysvr(ouw)[e]/ des voirs(creven) jans dat aen hem beg(er)t hadde/ P(rese)nteerde vorts te thoonen dat dijcwijle en(de)/ te meer stonden als hij daer met goede(n)/ manne(n) geteert hadde en(de) tgelach ge(re)ke(n)t/ was den man op eenen stoot(er) oft iii st(uvers)/ de jouffr(ouw)[e] op g hem gescreve(n) hadde v st(uvers)/ oft vi st(uvers) ende screef op hem dat zij wilde/ mits dat hij borchde dat oic onlancx led(en)/ de voirs(creven) jan vand(er) donck voir eene so(m)me/ van x r(insch)g(ulden) erflic die de voirs(creven) jacop/ hem vortijts heeft bekint op hoogen v(er)cocht/ heeft sijn huys inde mi(n)derbrued(er)strate/ hem toecomen en(de) v(er)storven bijd(er) doot/ en(de) aflivich(eit) jans wijlen van winxele/ dwelc al uuyt gelagen en(de) van gelagen/ spruyten(de) quam dat een o(n)mogelijke sake/ wae(r) dat een man in een huys soude/ hebbe(n) v(er)teert beg(er)de d(air)o(m)me rekeni(n)ge/ en(de) nairde(re) claernisse en(de) specificatie te/ hebben(e) vanden geleende penni(n)gen en(de)/ oic vanden dagen dat hij ald(air) geteert/ soude mogen hebben sustine(re)nde dat
//
dat voir al behoude en(de) sculdich wae(r) te/ geschien(e) Ende nae dien bijd(er) wet beg(er)t/ is geweest te meer stonden dat p(ar)tien/ bij een gaen souden rekene(n) en(de) met/ malcande(re)n ov(er)comen en(de) zij des nyet/ eens gewordden en zijn heeft de voirs(creven)/ jacop bijd(er) voirs(creven) wet gestelt geweest op/ sijnen thoon d(air)toe hij div(er)se dagen van rechte/ heeft gehadt en(de) heeft genoech gethoont/ mette(n) voirs(creven) stasse rabs dat hij de cedulle/ in absen(cien) van jacoppe gescreven hadde/ en(de) dat hij daer nyet bij en was doen/ jacop die teekende Thoonde vorts met/ vie(r) goede manne(n) die dicwijle aldair/ met hem geteert hadden dat te meer/ stonden als vele geselscaps [va(n) buyten] ald(air) met/ hem geteert hadde en(de) tgelach gestelt/ was somtijts op v opt somtijts op vi st(uvers)/ de jouffr(ouw)[e] ond(er)wijlen als zij croonde(n)/ die dagelijcx quame(n) seyde tot hen/ geeft ghij dat ghij wilt mair des de/ jouffr(ouw)[e] jacoppe reke(n)de oft screef dat/ en wisten zij nyet Welken thoon ald(us)/ geleydt zijnde p(er)sisteerde elc in zijnder/ conclusien Es d(air)op bijden voirs(creven) raide/ rijpelijc op al gelet hebben(de) get(er)mineert en(de)/ uuytgesproken voir recht dat de voirs(creven)/ jacop vand(en) so(m)men van hondert lxv r(insch)g(ulden)/ ind(en) cedulle begrepen sculdich sal sijn te/ voldoen(e) janne vand(er) donckt oft d(air)af te/ hebben(e) zijne(n) goeden moet en(de) ae(n)gaen(de)/ den eysch van xvii rinschgulden(en) buyten/ der cedullen geeyscht bege(re)n zij nairde(r)/ claernisse oft specificatie d(air)af te doen(e)/ behalve(n) dat de hee(re)n bege(re)n dat jan hem/ d(air)af redelijke dage geve en(de) dat jacoppe/ oic d(air)aen cortten sal soe v(er)re hij e(n)nige/ bewijssenisse van betalinge(n) d(air)op gedoen/ can In (con)s(ili)[o] opidi julii ix