Alsoe als ten vervolghe hee(re)n jans pynnock ridders/ geleydt zijnde nae deser stad recht voir zijn/ wettich gebreck uut crachte van scepen(en) brieve(n) van/ loeven(e) tot allen den goeden beyde have en(de) erve/ alarts vander eycken zoe waer die gelegen zijn/ met brieven van deser stad es gescreven geweest/ aen(de) meye(r) van herent oft zijne(n) stadhoude(r) tot/ cortbeke ov(er)dijle ende ernstelijck versocht alle/ de selve goede te doen leve(re)n en(de) peyslijck te/ doen volgen den voirs(creven) geleydden oft den bringe(r)/ ons(er) brieve(n) in zijn(en) name ende den selve(n) alarde/ en(de) zijne wynnen in gevalle van opposicie(n) dach va(n)/ rechte bescheyden(de) op heden dienen(de) Aldair zij niet/ en zij gecomparert noch procur(eur) van hue(re)n wegen/ den voirs(creven) compareren(de) en(de) trecht voort versueken(de)/ soe hebben de hee(re)n scepen(en) van loeven(e) t(er) maniss(en)/ smeye(r)s gewesen met vo(n)nisse nae dat hen be/ hoirlijck gebleken was bij claernissen jans drijdoens/ bode dat de diene(r) smeye(r)s van hee(re)nt tot/ cortbeke ov(er)dijle de leveringe gedaen hadde en(de)/ p(ar)tien dach bescheyden nae inhouden sbriefs datme(n)/ den geleydde(n) vand(en) gelev(er)den goeden houden sal/ inde macht van zijn(en) scepen(en) brieve(n) soe verre dat/ noch voir scepen(en) come(n) is In sca(m)pno Eisdem