Om te comen(e) tott(er) zoene(n) vanden dootslage/ geschiet bij henricke de becke(re) sone jans/ inden p(er)soon wouters wijlen van landene(n)/ sone gorts soe sijn jan van lantwijck/ brued(er) des voirs(creven) aflivige(n) en(de) gordt/ sijn vad(er) inden name ende van wege(n)/ jans van landene(n) sone des voirs(creven)/ aflivige(n) ond(er) sijn dage(n) zijnde van/ svaders zijden ende jan vanden ynde/ oudervad(er) ende claes vanden ynde/ sijn brued(er) oude oom desselfs kints vand(er)/ moed(er) zijden ende jan de becke(re) mette(n)/ voirs(creven) henricke zijne(n) sone p(ri)us ema(ncipa)[t(us)]/ ter ande(r) zijden overcome(n) en(de) eenswordde(n)/ ind(er) manie(re)n nae v(er)claert Ende/ ierst dat de voirs(creven) henrick ter salich(eit)/ vand(er) zielen des voirs(creven) aflivige(n) ende/ ter bet(er)nissen vand(en) selve(n) sal doen/ doen tgebet van derdalf hondert cloost(er)s/ It(em) sal hij sculdich sijn te doen stellen
//
een houte(n) cruyce ter plaetsen daer de vriende/ vanden aflivige(n) hen dat bewijsen sullen/ op yemants erve die zij d(air)toe v(er)bidden sulle(n)/ conne(n) It(em) sal de selve henrick afdoen en(de)/ betalen den meest(er) die over den selven/ wijlen woute(re)n gegaen heeft gedragen(de)/ xxx st(uvers) Ende dat hij vort ter bet(er)nissen ter sto(n)t/ gheven en(de) betalen sal de so(m)me van/ veertich soe(n)gulden(en) en(de)? xx rinschgulden(en)/ die tot behoef vanden kinde(re)n vande(n)/ aflivige(n) t(er)stont aengeleet sulle(n) wordde(n)/ aen lijfrinte(n) met raide vand(er) moed(er)/ ende vanden vriende(n) voirs(creven) die der/ moed(er) en(de) hue(re)n kinde(re)n terstont volge(n)/ sullen behalve(n) dat de voirs(creven) sone als hij/ tot zijne(n) dage come(n) sal sijn kuese sal/ hebben om dese soene te ae(n)veerden(e) oft/ de veede te kiesen(e) Ende oft hij de veede/ kiest sal hij dat xl dage(n) te voe(re)n moete(n)/ cundige(n) den voirs(creven) henricke en(de) sulle(n)/ de voirs(creven) xl soe(n)gulden(en) alsdan den voirs(creven) / henricke wordden gerestitueert sond(er) meer/ Ende hier op heeft de voirs(creven) jan van la(n)twijck/ met zijne(n) voirs(creven) vriende(n) den voirs(creven)/ henricke ter zoene(n) o(n)tfange(n) en(de) de doot/ van zijne(n) brued(er) om gods wille v(er)gheve(n)/ Ende allet des voirs(creven) es hebben p(ar)tien malcande(re)n/ geloeft tonderhouden(e) ende te voldoen(e)/ ta(m)q(uam) ass(ecutu)[m] Ende voir de voirs(creven) restitucie/ sijn borghe bleven ind(ivisim) de voirs(creven) gordt/ van landene(n) jan sijn sone jan vanden/ ynde ende claes sijn brued(er) Cor(am) butsele/ boech(out) julii xiii