Dits die comenscap die ghesciede sand[e]rdachs na jaers dach thussche(n) [woute(re)n corsboude] den r(entmeester)? va(n) lov(en) en(de) jan [henric] de(n) coninc/ en(de) jan fire fire henri(c) fics sone [den coni(n)c sinen sinen sone] va(n) ...? va(n) lov(en) moele(n) die steet te heyste int jaer xcv[o] in de p(ro)chie van [lovenjoel]/ Inden yersten dat sij die moelen hebbe(n) sulen metten lande en(de) metten beemde(n) op l mudde corens alle ja(r)e Dats te wete/ ne xvi mudde tarwe(n) en(de) xxxiiii mudde rogx en(de) dat coren sulen sij woute(re)n corsboude r(entmeester) te lov(en) levere(n) op ha(r)en/ cost te lov(en) in corne oft in mele tot wout(er)s wille voirs(creven) va(n) weken te weken/ It(em) sulen die voirs(creven) jan [henr(ic)] die coninc en(de) jan fice [en(de) jan sijn sone voers(creven)] die molen voirs(creven) houde(n) va(n) kammen en(de) [va(n)] spillen op ha(r)en cost/ It(em) sulen die voirs(creven) p(er)soene ghelde(n) en(de) betaelen die cost en(de) dachure(n) van viii daeghen aende moel(en) werkende i man [telken iii maenden van elken jare van den voers(creven) t(er)mine]/ It(em) sulen die voirs(creven) p(er)sone houden dmoelen huys en(de) die scure op ha(r)en cost va(n) alle(n) werke sonder van houte tymm(er)/ houte en(de) dat sal wout(er) vors(creven) levere(n) selve onghebracht/ It(em) sulen die vors(creven) p(er)soenen die beke houden ghelijc gielisse va(n) hoelaer en(de) colen va(n) uudekeem op ha(r)en cost/ It(em) en sal woute(r) voirs(creven) den voirs(creven) p(er)soenen en ghene(n) afslach doen va(n) tempeeste(n) noch va(n) orloeghe/ It(em) sulen die voirs(creven) p(er)soene hebben droch hout dat d(aer) v(er)drocht en(de) voir elc stuck dat d(aer) verdrocht ii pou poete/ wed(er) setten/ It(em) en sulen die voirs(creven) p(er)soene niet hebbe(n) van eghene(n) houte dat mette(n) winde veelt ocht af wayt/ ocht ontwie wayt/ It(em) sal wout(er) w? voirs(creven) gheve(n) den stathoede(r) ocht en... enich va(n) hen die jan [henr(ic)] ocht jan voirs(creven) kiese(n) alle ja(r)e/ te kerss(misse) iii ellen woellens lakens tot enen rocke/ It(em) sulen die ii voirs(creven) p(er)soene woute(re)n voirs(creven) gheven alle ja(r)e te kerss(misse) ii mudde ghersten en(de) iiii moel(evate)/ groender eyerten erriten? en(de) te lov(en) levere(n) op ha(r)en cost/ It(em) sulen [hebben] die voirs(creven) p(er)soene v(er)boerghen en(de) gheloeven [gheloeft] soe waer dat wout(er) voirs(creven) enich scade ghesciede aende moel(en)/ moelen huys scure aenden dam ocht aen daerken ocht aenden voirslach va(n) groeten waete(re) ocht va(n) bran/ de ocht van egherande werke saken dat mits ha(r)en ocsune toeq(ua)me ocht vanden ha(r)en dat si ocht die ha(r)e/ wel v(er)hoeden souden ocht mochten en(de) dat d(aer) bove(n) woute(re)n scade q(ua)me dat daen die voirs(creven) p(er)soene en(de) borge(n)/ oprichten en(de) ghelden souden voirs(creven) wout(er)en voirs(creven) ochte sinen also v(er)re als me(n) dat bevondt ter wettigher waerheit/ It(em) soe waer dat die voirs(creven) ii p(er)soene v(er)naemen ocht wisten dat aen die moelen yet te werke(n) q(ua)me va(n)/ enegherande [groven] werke dat si [dat] wout(er)en voirs(creven) te weten sulen doen i maent te voere(n) als men voende dat me(n)/ niet lang(er) staen en mochte en(de) dat dan woute(r) voirs(creven) alle gherescap sal doen maeke(n) binnen d(er) voirs(creven) maent/ o(m)me binne(n) d(er) maent ocht ten ynde vand(er) maent dat voirs(creven) werc gaen doen te maekene en(de) dan [en sal] woute(r) den voirs(creven)/ p(er)soen ghenen afslach doen en sal vanden stilstaene het en ware dat wout(er) voirs(creven) dat voirs(creven) werc [niet en] dede begi(n)ne(n) te/ maekene ten ynde vand(er) maent en(de) dat tinden een doen te volmaekene en(de) vaert dat niet volmact en ware/ tynden een soe soude die voirs(creven) woute(r) den voirs(creven) p(er)soenen afslach doen vanden stilstaene en(de) d(aer) af sal dit/ sulen die voirs(creven) p(er)sone de(n) wercliede(n) ha(r)en cost doen en(de) woute(r) voirs(creven) sal die dachure(n) betaelen wat bove(n) viii dachure(n)/ es i man ...? ut sup(ra) in ...?
//
It(em) sulen die voirs(creven) p(er)sone en(de) ha(r)e ghelove(n) en(de) seke(re)n woute(re)n voirs(creven) sin scade te v(er)hoedene aen moel(en) en(de) aen moel(en)stene/ en(de) al dat woute(re)n te lovenjoel tolle behoert datt(er) moel(en) tolle behoert/ It(em) sulen die ii voirs(creven) p(er)sone dlant laete(n) als soe sijt vinden dats te wetene besayt met somerecorne [ghersten] eriten en(de) bonen en(de) daer af selen/[sij te haren inde van den twelf jaren half de voers(creven) vrocht hebben en(de) wout(er) voers(creven) dand(er) helecht met alde(n) stroe [en(de) oeft?] vander voers(creven) vrocht]/ It(em) sulen alle dese poente en(de) den tijt in ghaen te sente janss(misse) xcvi en(de) sal dure(n) xii jaer lanc tinde(n) een/ It(em) sal wout(er) voirs(creven) den vors(creven) p(er)soenen levere(n) vi belen mette(n) ghewichte en(de) [si] sulese houde(n) op ha(r)en cost en(de) ten ynde/ vanden xii ja(r)en sulen sijse woute(re)n weder levere(n) al soe swaer als hise hen leverde/ boxhoren grute(re) martii xxi