Wij conrart van scoenvorst he(re) van elsloe en(de) van zittert doen cond en(de) kenlec alle luden/ dat ghestaen voe(r) ons en(de) voe(r) onse ma(n)ne van leene hier nae ghenoemt streyne van honsb(er)ghe/ wijf wilen daems diemen hiet ketele(re) met enen momboe(r) hae(r) toten zaken hier na bescreven/ met den rechte verleent heeft op ghedraghen met [bij] mae(n)nissen van ons en(de) vo(n)nisse ons(er) ma(n)ne/ van leene hier nae ghenoemt in onse hande nae recht en(de) usage ons hoefs metten halve v(er)tiende/ass alsoe dat sculdech was te ghesciene nae recht en(de) usage onss hoefs tot orbore en(de) p(ro)fijt meest(er)/ jan lonijs canonic en(de) custer der kerken van ludic daer jeghenwordich wesende en(de) ontfaende mette(n) [naden]/ selven rechte en(de) usage onss hoefs voers(creven) al haer deel en(de) alle dat recht dat sij hadde ocht hebbe(n)/. mochte in en(de) aen vijftien dachmale of daer omtrent lands leen goeds gheleghen ter stede/ gheheten int lu(m)mersdal tusschen lant der he(re)n van pitsemborch in deen side en(de) jans berwouts/ beemt en(de) henrics lant vanden putte van elst dat voertijts was stevens sijns sweers in dand(er) syden [dijs?]