Wij conrart van scoenvorst he(re) van elsloe en(de) van zittert doen cond en(de) kenlec alle(n) luden/ dat comen es voe(r) ons en(de) voe(r) onse ma(n)ne van leene hier nae ghenoemt streyne van honsberghe/ wijf wilen daems diemen hiet ketele(re) met enen mombore hae(r) toten zaken hier nae bescreven metden/ rechte verleent en(de) heeft opghehouden en(de) ontfanghen van ons bij mae(n)nisse van ons en(de) vo(n)nisse onser/ ma(n)ne van leene hier nae ghenoemt alsulke(n) derdeel en(de) alle dat recht dat hae(r) verstorven en(de) bleven/ was ocht toe horen mochte vand(er) doet wilen wout(er)s vanden bossche van ov(er)ysche/ aen en(de) in vijftien dachmale of daer omtrent lants leengoets gheleghen [ond(er) ons] ter stede diemen heet int lu(m)mer/ dal ond tusschen lant der heren van pitsemborch op deen [syde] en(de) jan berwouts beemt en(de) henrics lant vande(n)/ putte van elst dat voertijts was robeerts stevens sijns sweers op dand(er) [drie] siden en(de) ghesciede daer toe altemae(l)/ datter nae recht en(de) usage onss hoefs sculdech toe was te gheschiene En(de) alse de voers(creven) streyne daer toe/ comen was en(de) inghedaen met den rechte soe droech si weder op met haren ghelev(er)den momboire voers(creven)
//
in onse(n) handen met enen halve vortijende tvoers(creven) derdeel en(de) alle dat recht dat sij hadde inden voers(creven)/leengoede Soe kende en(de) lyde de voers(creven) streyne voer ons en(de) onse ma(n)ne van leene hier nae ghenoemt/ dat sij wettelec hedde vercocht enen eerbaren he(re) meester janne lonijs canonic en(de) custer ind(er) kerken/ van ludic copende voe(r) hem en(de) voe(r) sine nacomelinghe tvoers(creven) haer derdeel en(de) alle dat recht dat sij hadde/ inden leengoede voers(creven) Welc haer derdeel en(de) alle recht vanden voers(creven) leengoede de voers(creven) streyne heeft/ oec met mae(n)nissen van ons en(de) ons(er) alle ma(n)ne van vo(n)nisse ons(er) ma(n)ne van leene opghedraghen noch nae/ recht en(de) usage onss hoefs in onse hande met enen halme en(de) des selfs haers derdeels en(de) alles rechts leengoets/ voers(creven) gansselec verteghen tot orbore en(de) p(ro)fijt meester jan lonijs voers(creven) daer jeghenwordech en(de) ontfaende/ voer he(m) en(de) voer sine nacomelinghe en(de) heeft daer af den selven meest(er) ja(n)ne ghenoech en(de) alle hofrecht ghedae(n)/ nae recht en(de) ghewoenlecheit onss hoefs daer toe sculdech en(de) behoerlec te ghesciene En(de) alse de voers(creven) streyne/daer behoudelec hier in yegheliken sinen rechte Gheen poent van rechte ocht van v(er)sagen onss hoefs sculdech/ en(de) behoerlec te ghesciene ten zaken voers(creven) acht(er) ghelaten In ke(n)nessen der waerheit va(n) welken dinghen voers(creven)/wij conrart van scoenvorst he(re) van elsloe en(de) van zittert voers(creven) also he(re) vanden voers(creven) leene En(de)/wij wout(er) kemerlinc hen En(de) want alle dese dinghen en(de) saken voers(creven) ghedaen en(de) ghesciet/ sijn [alsoe sij metten rechte sculdech waren te ghesciene] bij orlove en(de) mae(n)nisse van ons conrarde van scoenvorst he(re) van elsloe en(de) van zittert/ alse he(re) vande(n) leene voers(creven) En(de) bij vo(n)nisse en(de) wijsdo(m)me van ons henric vanden putte ridde(r)/ wouter kemerlinc willem van ro(m)melsheem en(de) willem taverniers alse ma(n)ne van leene onss/ liefs he(re)n des he(re)n h(er) conrarts van scoenvorst he(re) van elsloe en(de) van zittert voers(creven)/ Soe hebben wij in vesticheide(n) en(de) ghetughenisse der dinghen voers(creven) onse seghelle aen dese/ l(ette)ren ghehanghen Ghegheven int jaer onss he(re)n doemen screef m ccc xcviii opten/ heylighen kerssavont