Cond sij allen lieden dat jacob leesens es come(n) in jeg(enwordicheit) d(er) scepen(en) van lovene/ en(de) heeft ghenome(n) en(de) bekendt dat hi ghenome(n) heeft vande(n) deken en(de) cap(it)le/ van sinte peters te loven(en) de goede d(er) selve(n) cap(it)len gelege(n) teegenhove(n) mette(n)/ huysen hove(n) wy(n)nende lande(n) beemden eeusselen en(de) met ene(n) bosschelke(n) daer toe/ hoe(re)nde en(de) met allen hoe(re)n toebehoerten gelijc meester jan lonijs wile(n) de/ voirs(creven) goede ald(aer) te houden plach Te houden te hebben en(de) te wy(n)nen van/ halfm(er)te dat sijn sal int jaer ons he(re)n dusent vierhond(er)t en(de) neghenthiene/ enen t(er)mijn van neghen jae(re)n lang deen na dand(er) d(aer) nae staphans volghende/ ind(er) manie(re)n hier na bescreve(n) te weten de voirs(creven) huyse hove en(de) wy(n)nende lande/ te same(n) [elx jaers dae(re)n by(n)ne(n)] o(m)me xxiii mudde(n) en(de) mudden [xii mol(evate)] rogs goet en(de) payabel met wa(n)ne en(de) met/ vloghele wel bereydt d(er) maten van loven(en) alle jae(re) te sente andr(ies) misse apost(el)/ te betalen en(de) te loven(en) te leve(re)n den voirs(creven) t(er)mijn due(re)nde en(de) telke(n) t(er)mine als/ v(er)volghde schout It(em) noch sal de voirs(creven) henric [jacob] alle jae(re) betalen vande(n) voirs(creven)/ goeden den p(ro)chiaen van egenhove(n) vijftalfmol(evate) rogs en(de) des sal de voirs(creven)/henric [jacob] heffen alle jae(re) aen henricke van walschb(er)ge vijf mol(evate) rogs die hi d(en) voirs(creven)/ cap(it)len sculdich es Ende de cap(it)le sal jaerlex betale(n) alle den ande(re)n tsijns ende/ co(m)mer dieme(n) vande(n) voirscr(even) goeden sculdich es It(em) sal de voirs(creven) jacob d(en) voirs(creven)/ cap(it)len alle jae(re) gheve(n) vande(n) beemde(n) en(de) eeussele(n) voirs(creven) derthien holl(antsche) guld(en)/[van goude goet en(de) gheve] te sente m(er)tens misse apost te bet(alen) alle jae(re) den voirs(creven) t(er)mijn due(re)nde en(de) telken t(er)mine/ als v(er)volghde schout Item es vorw(er)de dat de voirs(creven) jacob de voirs(creven) lande sal wy(n)nen/ en(de) w(er)ven wel en(de) loflec met sine(n) getidegen voe(re)n gelijc sine(n) reengenoete(n) boven/ en(de) beneden en(de) met goeden sade bezayen Ende allet stroe dat vande(n) voirs(creven) lande
//
comen sal dat sal de win voirs(creven) int voirs(creven) hof b(re)nghen en(de) te meste/ make(n) en(de) wed(er) op dlant vue(re)n slants meesten p(ro)fite It(em) sal de voirs(creven)/ wy(n)ne de voirs(creven) lande laten ten eynde vande(n) voirs(creven) t(er)mine alsoe hise/ vant tsine(n) income(n) te weten achtalf boend(er) en(de) derthien roede(n) bezait/ met rogghe op vier getidege voe(re)n en(de) vijftalf boend(er) lants gestort/ en(de) sesse boend(er) en(de) drie dachmael lants sal hi brake laten It(em) sal de/ voirs(creven) wy(n)ne jaerlex setten op de voirs(creven) goede xxv levend(en) poeten/ goet en(de) costber en(de) waert alsoe dat daer enege(n) oude(n) boem v(er)droeghde/ ocht uut viele daen sal de wy(n)ne hebben en(de) voer elke(n) [boem] wed(er) sette(n) ii/ levende poeten vanden selve(n) arde It(em) sal de [selve] wy(n)ne jaerlex leve(re)n/ xxv ma(n)delen walme(n) de huysingen vande(n) hove ald(aer) mede te decke(n)/ en(de) als men die v(er)deckt sal de wy(n)ne den w(er)clieden hoe(re)n cost gheve(n)/ en(de) de cap(it)le de dachue(re)n betalen It(em) es vorw(er)de dat de cap(it)le be he(re)n/ vand(en) cap(it)len behouden selen hoe(re)n wille mede te doene dlant datmen/ heedt de steenpoel dat men te tsijnse houdt vande(n) he(re)n vande(n) p(er)reke/ Item selen de he(re)n vand(en) cap(it)len voirs(creven) den voirs(creven) win alle jae(re) gheve(n)/ enen roc van hoe(re) levereyen gelijc sij hoe(re)n meyers gheve(n) selen (et) welke/ vorw(er)den en(de) gheloften alle en(de) yeghewelke voirscr(even) de voirs(creven) p(ar)tien hebbe(n)/ gheloeft malcande(re)n vast en(de) gestedich te houden en(de) te vold(oen) tallen tide(n) en(de)/ t(er)mine(n) als sij valle(n) en(de) v(er)schine(n) selen [en(de) telke(n) t(er)m(ine) als v(er)volghe sch(out)] Hier af sijn borghen des/ voirs(creven) wy(n)nen ongesund(er)t [als p(ri)ncipael sculde(re)n en(de) ongesch(eiden) en(de) elc voir al en(de)] jan leesens sijn brued(er) henric de sw(er)te(n)/ de jonghe wijng(er)de(n) [en(de)] jan van assche c(oram) p(rese)nt(ibus) borch(oven) oppendorp febr(uarii) vi/