Cond sij allen liede(n) want stoet en(de) tebat gheweest heeft en(de) es tusschen arnde en(de)/ goessen(en) van zelke gebruede(re) sone he(re)n arnts wilen van zelke ridd(er)s in deen side katline(n)/ vande(n) driessche dame katline(n) en(de) (christ)ine(n) hoe(re)n naturleke kinde(re)n die sij hadde van adame/ wilen [van] loe in dande(r) [side] van hond(er)t en(de) viventwintich oude(re) schilden die de voirs(creven) katline/ vande(n) driessche en(de) hoe(re) kynde(re) den voirs(creven) arnde en(de) goess(en) eysschende wae(re)n de welke/ de selve katline en(de) hoe(re) kynde(re) meynen dat de voirs(creven) wilen daem van loe voer den/ voirs(creven) he(re)n arnde wilen van zelke betaelt soude hebben [daer af dat de voirs(creven) p(ar)tien in rechte gheweest hebben beyde voir scepen(en) van loven(e) en(de) elde(re)] Soe sijn beyde de voirs(creven)/ de selve p(ar)tien come(n) voer scepen(en) van loven(e) en(de) sijn vande(n) voirs(creven) stoete en(de) van alle(n) saken/ daer uut porrende en(de) voert meer [des gelijx] van allen [ande(re)n] sake en(de) stucke die beyde de voirs(creven)/ p(ar)tien deen tot den ande(re)n te segghen moeghen hebben tot op van wat sake/ dat sij tot op den dach van hede(n) bleve(n) [samentlic] in segghe(re)n en(de) in vriendeleke iffene(re)n te/ weten in wille(m)me vand(er) bruggen arnde van rode en(de) maesse van guylke/ in alsulker voeghen dat de voirs(creven) drie segghe(re)n hoer segghen tusschen de voirs(creven)/ p(ar)tien segghen en(de) utene(n) selen bynne(n) xiiii nachten naest comende Ende hebben/ gheloeft beyde de voirs(creven) p(ar)tien vaste en(de) gestedich te houden soe wes de voirs(creven)/ drie segghe(re)n vande(n) voirs(creven) stucke eendrechtichlec t(er)mine(re)n en(de) segghen selen/ en(de) elc van hen op ene(n) banduyn van c vrancr(ijx) crone(n) tot behoef m(ijns) genedichs/ he(re)n van brabant borch(oven) oppendorp m(ar)tii xii