Cont sij alle(n) lieden dat h(er) laur(eys) van heelene es canonic regulier/ en(de) p(ri)oer des cloest(er)s van heyleshe(m) es come(n) in jeg(enwordicheit) en(de) heeft/ geg(even) en(de) bekent dat hi gegeve(n) heeft inde(n) name vande(n) vors(creven) cloeste(r)/ philipse egghenoy van s(int) jans gheest de goede [thof] des selfs cloest(er)s/ gelege(n) te s(int) jans gheest mett(er) woeninge(n) huyse(n) hove(n) [wy(n)ne(n)den lande(n)] en(de) met/ alle(n) sine(n) toebehoirte(n) dair toe hoe(re)nde gelijc dat arndt hagarts hou/[voertijts] gehoude(n) heeft Te houden te hebbe(n) ende te wy(n)ne(n) van halfm(er)te/ nu naestcome(n)de [lest leden] ene(n) t(er)mij(n) van ix jae(re)n lang deen na dand(er)/ d(aer) nae staph(ants) volgende elx jairs dae(re)n bynne(n) o(m)me xlii mudde/ harts core(n)ns [goet en(de) payabel] met wa(n)ne en(de) met vede(re)n wel ber(eidt) alsulx core(n)s/ als op tvors(creven) lant jairlex wassen sal d(er) mate(n) van thiene(n) [te wete(n) vi halst(er) d(er) selv(en) maten voe(r) een mudde ger(sten)] te s(int)/ andr(ies) misse apost(els) te betale(n) en(de) x mudde d(aer) af by(n)ne(n) den selve(n)/ cloeste(r) te leve(re)n ende dande(r) xlx [ende] [te leve(re)n en(de) dander] xxxii mudde d(aer) af int vors(creven)/ hof te leve(re)n alle jae(re) den vors(creven) t(er)mijn duer(ende) en(de) telke(n) t(er)mine als/ vervolghde schout Ite(m) es vorwerde dat de vors(creven) wy(n)ne allet caf/ en(de) stroe vande(n) vors(creven) goede(n) come(n)de gekeert [beke(re)n] sal werde(n)[te mesten en(de) dat vuere(n) op dlant] in p orbe(re)/ en(de) p(ro)fijte vande(n) vors(creven) lande en(de) nerghens eld(ers) Ite(m) sal de vors(creven)/ wy(n)ne de vors(creven) goede en(de) lande [jaerl(ix) mesten] wy(n)ne(n) en(de) w(er)ve(n) gelijc sine(n) reengh(enoten)/ bove(n) en(de) benede(n) Ite(m) es vorwerde dat de vors(creven) wy(n)ne [den] deckeren/ en(de) plecke(re)n en(de) [oic] ande(re)n wercliede(n) die int vors(creven) goet werke(n) soele(n)/ den cost geve(n) [sal] also dicwile alse te [als te] doen es sij(n) sal van eten(e)/ en(de) van drinckene en(de) m(ijn) he(r) sal de dach(ueren) betale(n) It(em) sal de/ vors(creven) wy(n)ne jairlex leve(re)n den vors(creven) t(er)mij(n) dur(ende) leve(re)n iiii[c] walme(re)/te verdeckene op de vors(creven) huyse [mede te decke(n) en(de) als men die d(aer) v(er)dect dat de wy(n)ne den cost geve(n) en(de) m(ijn) he(re) de dachueren] en(de) op coste en(de) expe(n)sen gelijc/vors(creven) es Ite(m) sal de vors(creven) wy(n)ne jairlex leve(re)n en(de) betale(n) vii/sist(er) [halster] evene(n) iiii oude grote ii cap(uynen) en(de) ii pe(n)ninge goets gelts/sonder cost en(de) last vo m(ijn) he(re)n vors(creven) dair mijn he(re) den vors(creven) wy(n)ne/ dat condige(n) en(de) bevele(n) sal te betalne [sond(er) afslach vande(n) vors(creven) pachte] Ite(m) sal de wy(n)ne allet/ caf en(de) stroe vand(en) vors(creven) wy(n)ninge(n) come(n)de laeten int tvors(creven) hof/ ten leste(n) jaire van sine(n) vors(creven) t(er)mine ende hi sal oic alle de vors(creven)/ lande in sine(n) leste(n) jae(re) geackert late(n) met v getidege(n) voren/ uutgenome(n) dairt somer core(n) gestaen sal hebbe(n) dat dat/ geheel blive(n) sal ende ongheackert Ite(m) sal m(ijn) he(re) vors(creven) den/ vors(creven) wy(n)ne leene(n) te sine(n) income(n) xxvii holl(andsche) guld(en) ii cr(onen) vrancr(ijx)/ voir drie gu d(er) selv(er) guld(en) gerekent oft andere haeflike goede/ inde werde(n) dair af van xxvii guld(en) holl(ants) gelijc goede knape(n)/derv die have taxe(re)n sele(n) en(de) die sal de wy(n)ne m(ijn) he(re) vors(creven)
//
wed(er)geve(n) en(de) betale(n) inden lesten jae(r) van sine(n) vors(creven) t(er)mine Item es/ te weten dat den vors(creven) wy(n)ne tcoren getaxert es in sine(n) income(n)/ elc boender voe(r) ix mudde cor(ens) thiensch(er) mate(n) ende waert dat/ in des wy(n)nen lesten jae(re) elc boend(er) bet(er) vonde(n) vorden [d(aer) af] dat sal tvors(creven)/ cloeste(r) den wy(n)ne rastoir doen en(de) w(er)t oic argher [vonden] soe sal de vors(creven)/ wynne den vors(creven) godsh(uys) d(aer) af rastoir doen en(de) want es vorwerde/ dat de vors(creven) wy(n)ne van nyemande scape houden en sal moge(n) dan/ van mine(n) he(re) war en(de) w(er)t dat m(ijn) he(re) hem die leverde soe sal [genuechde op dat m(ijn) he(re) ghenuechde hem die te leve(re)n en(de)]/ die soude me(n) die deyle(n) te gewoenlicken tide [te twee jae(re)n m(ijn) en ghenueget m(ijn) he(re) niet soe mach hise houden van wien hi wilt] En(de) alle dese vorwerde(n) vorscr(even)/ sohebbe(n) geloeft beide de vors(creven) p(ar)tie(n) malcande(re)n vaste en(de) gested(ich)/ te houde(n) en(de) deen den ande(re)n d(aer) af altoes te voldoen hieraf sijn/ borge(n) des vors(creven) wy(n)nen als p(ri)ncip(ael) sculd(ere) (ende) henr(ic) eggeno ende jan/ eggenoy brued(er)s des vors(creven) wy(n)ne(n) et p(rim)[(us)] borch(oven) linden jul(ii) xiii/