Cond sij allen lieden dat arnt yden vand(er) bueke(n) es come(n) in jegewordicheide(n) der/ scepen(en) van loven(e) en(de) heeft genomen en(de) bekendt dat hi genome(n) heeft jegen gorde roelants/ tof des selfs gorde gelegen te meerbeke bi ev(er)sb(er)ge met huysen hove(n) wy(n)nende lande/ beemden eeuselen en(de) allen hoe(re)n toebehoerte(n) met xxix boende(re)n lants lxxxvii roeden/ min en(de) metten beemden tot den voirs(creven) hove hoe(re)nde te houden te hebben en(de) te wy(n)ne(n)/ van halfm(er)te naest come(n)de dat sijn sal int jaer ons he(re)n m cccc en(de) xviii enen/ t(er)mijn van xii jae(re)n lang deen nae dand(er) daer nae staphans volgende elx jaers/ dae(re)n by(n)ne(n) de voirs(creven) wy(n)nende lande o(m)me dats te wete(n) elc boend(er) daer af o(m)me i(½)/ mudde rogs goet en(de) payabel met wa(n)ne en(de) vlegele wel bereydt der maten/ van loven(e) alle jae(re) te s(ente) andries misse te betale(n) en(de) te loven(e) te leve(re)n den voirs(creven)/ t(er)mijn due(re)nde en(de) telke(n) t(er)mine als vervolghde schout It(em) sal de voirs(creven) wy(n)ne hebbe(n)/[den voirs(creven) t(er)min due(re)nde] alle de beemde tot den voirs(creven) hove hoe(re)nde o(m)me xxxi rinsche gulden(en) [tsjaers] van goude/goet en(de) gheve dats te wete(n) xl pl(acken) voer den gulden gerekent alle jae(re) te s(ente) m(er)tens/ misse inde(n) wynter te betalen den voirs(creven) t(er)mijn due(re)nde en(de) telke(n) t(er)mine als v(er)volghde/ schout It(em) es vorw(er)de dat de voirs(creven) wy(n)ne de wy(n)nende lande laten sal ten eynde/ van sine(n) voirs(creven) t(er)mine alsoe hise vindt in sine(n) incom(en) It(em) sal de voirs(creven) wy(n)ne alle/ stroe en(de) voesteringe vande(n) voirs(creven) goede(n) comende b(ri)ngen int voirs(creven) hof en(de) dat/ ald(aer) etten en(de) v(er)te(re)n met sine(n) beeste(n) en(de) te meste make(n) en(de) dmest vue(re)n op tvoirs(creven)/ lant slants meesten p(ro)fite It(em) de voirs(creven) wy(n)ne en sal bynne(n) den [leste(n)] drien lesten jae(re)n/ gheen lant moghen hoervrochten mar ten lesten jae(re) sond(er) een sal hi sijn mest/ uutvue(re)n op de brake It(em) sal de voirs(creven) wy(n)ne alle jae(re) leve(re)n xxxv mandelen/ walme(re) de huysinge(n) ald(aer) mede te decke(n) en(de) als men die verdect sal de wy(n)ne/ den wercliede(n) hoe(re)n cost gheve(n) en(de) gord sal de dachue(re)n betale(n) en(de) waert alsoe/ dat aen de voirs(creven) huyse enige gate gebroke(n) worde(n) bi swy(n)nen toedoene ocht/ van sine(n) beesten vand(er) ond(er)sten rikelen ned(er)w(er)t dat soude de wy(n)ne wede(r) doen/ make(n) sond(er) godev(ar)ts cost ende w(er)t dat dae(re)n bynne(n) enige [oude] ty(m)meringe gebrake/ aen de voirs(creven) huyse dat soude godev(ar)t doen ty(m)me(re)n op sine(n) cost m(ar) de wy(n)ne/ soude den wercliede(n) hoe(re)n cost gheve(n) It(em) de wy(n)ne sal godev(ar)ts uu knape(n) hoe(re)n/ cost gheve(n) als sij [hem] int voirs(creven) hof come(n) [seyndt] gelijc hem selve(n) It(em) sal de voirs(creven) wy(n)ne/ alle jae(re) betalen den tsijs uut den voirs(creven) goede(n) gaende uutgescheide(n) xx mol(evaten)/ corens dieme(n) vande(n) voirs(creven) goede(n) sculdich It(em) sal de voirs(creven) wy(n)ne den voirs(creven) gorde/ alle jae(re) betalen een half mol(evat) [mudde] witter erweten It(em) selen de voirs(creven) gord en(de)/ de wy(n)ne hebbe(n) alle jae(re) half en(de) half alle doeft inde(n) bog(ar)t aldaer wassende/ en(de) de wy(n)ne sal gords helcht te loven(e) leve(re)n It(em) sal de voirs(creven) wy(n)ne alle jae(re)/ setten op de voirs(creven) goede xxv levend(er) poeten en(de) gevielt alsoe dat daer/ enige(n) oude(n) boem uut w uut viele ocht v(er)droeghde die soude de wy(n)ne hebben/ en(de) voer elke(n) boem wed(er) setten ii levende poten vanden selven arde/ / It(em) sal de voirs(creven) gord hebben tot sine(n) p(ro)fite de porte en(de) tduyfhuys metten/ stalle daer ond(er) staende mar de wy(n)ne sal de duyve(n) half hebben(e) en(de) oec allet/ duve(n) mest en(de) daer voe(r) sal de voirs(creven) wy(n)ne den duve(n) te wynte(re) teten gheve(n)/ It(em) es vorw(er)de dat de voirs(creven) wy(n)ne alle jae(re) vaeghen en(de) ruyme(n) sal alle de/ ryoelen en(de) wat(er)leyen staende aen de voirs(creven) goede It(em) es vorw(er)de dat de voirs(creven)/

wy(n)ne sal moghen houde(n) en(de) wynne(n) drie boend(er) lants ten arde van ande(re)n liede(n)/[d(aer) omtrent] op dat hijs aencomt sond(er) wed(er)segge(n) vande(n) voirs(creven) gorde en(de) dat lant meste(n) uut/

gords messien gelijc des voirs(creven) gords lant op alsoe dat de selve wy(n)ne allet stroe/

en(de) vrucht dat van dien lande comen [comt] sal b(ri)nghen sal int voirs(creven) hof en(de) dat ald(aer)/

etten en(de) v(er)te(re)n met sine(n) beesten It(em) sal de voirs(creven) wy(n)ne laten in tvoirs(creven) hof te/ halfm(er)te als hi uut den voirs(creven) goede(n) scheedt xxx mandele(n) stroes half een half/ and(er) It(em) gevielt dat de voirs(creven) wynne by(n)ne(n) den voirs(creven) t(er)mine inde voirs(creven) goede/ enige schade hadde of lede van temp[e]este och gemeyne(n) orloge dat hem de/ voirs(creven) gord daer af rastoer doen sal gelijc ande(re) he(re)n hoe(re)n wy(n)ne(n) en(de) pachtene(re)n/ bove(n) en(de) benede(n) doen sele(n) Hier af sijn borghen des voirs(creven) wy(n)ne(n) als pri(n)cipael/ sculde(re)n ongesund(er)t en(de) ongesch(eiden) en(de) elc voer al jan yde(n) vand(er) bueke(n) gord henric/ willem yden alle vand(er) bueke(n) gebruede(re) des voirs(creven) wy(n)ne(n) brued(er)s en(de) henric/ yde(n) des voirs(creven) wynne(n) sone Et p(ri)m[(us)] en(de) peter en(de) roelof de leeu van wencsele/ Et p(ri)m[(us)] It(em) es vorw(er)de dat de voirs(creven) gord en(de) de wy(n)ne te halve(n) tide vande(n)/ voirs(creven) t(er)mine sele(n) moghen scheyde(n) op dat enich van hen beyde(n) genueght en(de)/ dat sij dat deen den ande(re)n een jaer te voe(re)n seggen selen It(em) soe en mach/ de voirs(creven) wy(n)ne bynne(n) tween jae(re)n naest come(n)de gheen lant neme(n) te/ wy(n)ne(n) van ande(re)n liede(n) Mar waert dat de voirs(creven) gord enich lant v(er)crege of/ name jegen ande(re) liede tot xii boende(re)n toe dat lant soude de voirs(creven) wy(n)ne hebbe(n)/ op alsulke(n) pacht als hi gords lant genome(n) heeft boend(er) boend(er) gelike en(de) waert/ dat de voirs(creven) gord bynne(n) den voirs(creven) tween jae(re)n gheen lant en cochte noch/ en name soe mach de voirs(creven) wy(n)ne de voirs(creven) twee jaer leden sijnde neme(n) lant/ van ande(re)n liede(n) tot ix boende(re)n toe den voirs(creven) t(er)mijn due(re)nde en(de) allet stroe/ dat daer af come(n) sal sal de voirs(creven) wy(n)ne b(ri)nghe(n) int voirs(creven) hof en(de) dat ald(aer) te/ meste make(n) en(de) op gords lant vue(re)n slants meesten p(ro)fite tymple wencs(ele)/ ja(nuarii) x