Het sijn comen in rechte voe(r) den meye(r) en(de) scepen(en) van lovene jan fockart / sone jans dassoneville van p(ar)weys als wittich man en(de) momboir joffr(ouwe) / gnede die wijf wile(n) was denijs de mont in deen side en(de) henrart de / mont brueder des vors(creven) wile(n) denijs de mont in dande(re) side dair de vors(creven) jan / fockart met sine(n) ghelev(er)den aensprake dede ten vors(creven) henrart w(er)t seggende / dat hi der vors(creven) joffr(ouwe) gnede(n) ghetruwet hadde nae staet der heileg(er) kerken / woude hem dat yemant ontky(n)nen dat boet hi te thoene(n) etc(etera) voert soude de / selve jan dat de vors(creven) gnede voe(r) hem ghetruwet hadde den vors(creven) wilen denijs / de mont en(de) dat boet hi oic te thoene(n) en(de) dat de selve denijs de mont ter tijt / dien hi lijfde en(de) leefde vercochte ix mudde corens erfflecs pachts die / comen wae(re)n vand(er) siden der selver [joffr(ouwe)] gneden elc mudde d(aer) af voe(r) xx gul(den) / die quame(n) op c en(de) lxxx gul(den) en(de) dat denijs wilen de mont tot den / selve(n) c en(de) lxxx gul(den) noch leyde xx gul(den) die maecten ii[c] gul(den) welke / ii[c] gul(den) de vors(creven) denijs doen hi trac ten stride w(er)t die te ludeke en(de) dair hi / daer bleef gaf te houden den vors(creven) henrart sinen brued(er) in alsulker / voeghe(n) w(er)t dat hi weder quame w(er)den stride dat hi dan sijn voirs(creven) ghelt / wederhebben soude en(de) w(er)t dat hi niet wed(er) en quame en(de) dair bleve dat / dan de voirs(creven) henrart sijn brued(er) de vors(creven) ii[c] gul(den) gheve(n) der vors(creven) joffr(ouwe) / gneden sinen wive en(de) dat dit waer was en(de) aldus geschiede dat boet / de voirs(creven) jan fockart te thoene(n) mette(n) ghene(n) die d(aer) bi en(de) aen wae(re)n dair / dat geschiede en(de) soe wair hi dat ghethoene(n) conste soe meynde hi dat hem / vande(n) vors(creven) henrart de vors(creven) ii[c] gul(den) worden souden en(de) des ghenueghde / hem wail srechs hier op antw(er)de de vors(creven) henrart seggende dat hem / see(re) verwond(er)de dat vand(er) aensprake(n) die de vors(creven) jan fockart als mo(m)boe(r) / joffr(ouwe) gnede(n) sijns wijfs te hem w(er)t dede want omtrent x jair leden wae(re) / dat denijs de mont sijn brued(er) van live ter doet quam en(de) dat hi d(er) selver / joffr(ouwe) gneden langhe jae(re) gehadt hadde en(de) hier af hem niet aengesproken en / hadde en(de) dede voert de selve henrart lesen ene(n) scepen(en) brief besegelt / mette(n) scepen(en) van p(ar)weys voe(r) den meye(r) en(de) scep(enen) van loven(en) inhoudende / van ene(n) accorde dat vortijts mids enen segghene tusschen den vors(creven)/ janne fockart en(de) hem als man en(de) mo(m)boir der vors(creven) joffr(ouwe) gneden [in deen side] ende / henrart de mont [in dande(r) side] bi ja(n)ne vand(er) porten thiry de rentair? godefrin / p(er)sant en(de) renchon p(er)sant als segghe(re)n ghecoren en(de) ghenome(n) bide(n) vors(creven) / p(ar)tien gheseeght en(de) uutgedraghen w(er)t dair af dat de tenuer van woerde / te woerde gescr(even) steet ind(er) cedulen hier doe(r) gesteken welke segge(n) beide de / p(ar)tien voe(r) goet hielden also dat de scepen(en) va(n) lov(en) ghemaent vande(n) / meye(r) van lov(en) wijsden voe(r) een vo(n)nisse en(de) voir een recht dat alsulke(n) / aensprake als de vors(creven) jan fockart te henrart de mont w(er)t gedaen / hadde dat die den selven henrart gheen onstade doen en soude hier / wae(re)n over jan de witte jan vande(n) tymple jan va(n) nethene(n) henric va(n) / wenczele henr(ic) va(n) mulke goessen ouderogghe en(de) arnt bone scep(enen) va(n) lov(en)/ int jaer ons he(re)n m iiii[c] en(de) xviii f(er)ia t(erti)[a] p(ost) q(uasi) mo(do) //