Item h(er) jan boxh(oren) in deen side en(de) willem van udeke(m) in dande(re) / van alsulken stoete als sij und(er)linge hebben van hoye en(de) houte / dat de vors(creven) h(er)jan jegen den vors(creven) wille(m)me ghecocht heeft en(de)/ van allen saken d(aer) af ruerende sijn de vors(creven) p(ar)tien come(n) voe(r) / scepen(en) van loeven(en) en(de) sijn d(aer) af bleve(n) en(de) hebbe(n) hen gekeert in / segge(re)n te wete(n) de vors(creven) h(er)jan in gorde den coc en(de) de vorscr(even) / willem in woute(re)n van wet(er)beke in alsulk(er) voege(n) dat de vors(creven)/ segge(re)n dbescheit vande(n) vors(creven) p(ar)tien ov(er)gehadt of geweten / hoe(re) segge(n) d(aer) af segge(n) selen bi(n)ne(n) xiiii nachte(n) naestcome(n)de / p(ro)mitten(tes) ratu(m) tene(re) mulke bone f(er)ia t(erti)[a] p(ost) q(uas)i mo(do) /