Cont sij allen lieden dat vrouwe marie abdisse en(de) covent scloest(er)s van/ vrouwen p(ar)ke sijn come(n) in jegewordich(eit) der scepen(en) van loven(en) en(de) hebben gegeve(n)/ en(de) bekendt dat sij gegeve(n) hebbe(n) inde(n) name en(de) van weghen des selfs cloesters/ janne vand(er) heyden van stertbeke neghen boend(er) lants een half dachmael mijn/ge toebehoe(re)nde den voirs(creven) cloeste(re) gelege(n) te stertbeke en(de) daer omtrent in alrehande(n) / stucke(n) Te houden te hebben en(de) te wynne(n) van halfm(er)te lestlede(n) ene(n) t(er)mijn/ van neghen jae(re)n deen nae dand(er) daer nae staphans volgende elx jaers/ dae(re)n bynne(n) o(m)me seve(n) mudde roegs en(de) een half [alse pacht van stertbeke] goet en(de) payabel der mate(n)/ van loven(en) met wa(n)ne en(de) met vede(re)n wael bereidt alle jae(re) te s(ente) andr(ies) misse/ apostels te betale(n) en(de) vijf mudde vande(n) voirs(creven) pachte te leve(re)n int hof ten eyken/ des voirs(creven) cloest(er)s en(de) dand(er) ii(½) mudde te stertbeke jaerlex den voirs(creven) t(er)mijn/ due(re)nde en(de) telken t(er)mine als v(er)volghde schout It(em) es voirs(creven) vorw(er)de dat de/ voirs(creven) jan bynne(n) den sesse lesten jae(re)n den wynt(er) art [ii boend(er) lants op den molenwech gelege(n)] bezaeit sal laten met/ wynt(er)corne wael gemest en(de) gewonne(n) op vier getidege voe(re)n gelijc sinen/ reengenoete(n) boven en(de) beneden en(de) den zom(er)art gestordt en(de) en(de) iii boend(er)/ iii(½) dach(mael) en eens o(m)me gedaen en(de) iii boend(er) brake ende es vorw(er)de dat/ datmen den voirs(creven) janne ten lesten jae(r) vande(n) voirs(creven) t(er)mine vijf mudde/ rogs afslaen sal vande(n) voirs(creven) pachte