Cond sij allen lieden dat henric gheerts van tieldonc es come(n) / in jegewordich(eit) der scepen(en) van loven(en) en(de) heeft genome(n) en(de) bekendt dat hi / genomen heeft jegen de momboe(re)n en(de) meest(er)ssen vande(n) godshuyse vander banc / bi loven(en) inde name en(de) van weghen des selfs godshuys de voirs(creven) godshuys goede / gelegen te tyeldonc te houden ter hebben en(de) te wynne(n) van halfm(er)te lest leden / enen termijn van twelf jae(re)n lang deen nae dand(er) daer nae / staphans volgende op de vorwerden en(de) conditien hier nae bescreve(n) dats te wete(n) / inden iersten dat de voirs(creven) henric hebben sal alle lande beemde en(de) eeussele den voirs(creven) / godshuyse ald(aer) toebehoe(re)nde metten huysinge(n) alsoe sij daer belegen sijn houdende / te gade(re) xliii boende(re) en(de) drie dachmael of daer omtrent uutgescheide(n) den elsbroec / die tvoirs(creven) godshuys behoude(n) sal tot hoe(re)n p(ro)fite den voirs(creven) t(er)mijn due(re)nde o(m)me vijftich / mudde rogs goet en(de) payabel pacht core(n) wel bereidt met wa(n)ne en(de) met vede(re)n / alle jae(re) dae(re)n bynne(n) te s(ente) andries misse te betale(n) en(de) te loven(en) te leve(re)n en(de) l pont / payments alle jae(re) te s(ente) m(er)tens misse te betale(n) der voirs(creven) meest(er)ssen tot behoef des / godshuys vand(er) banc voirs(creven) It(em) sal noch de voirs(creven) henric gheve(n) en(de) leve(re)n d(er) voirs(creven) / meest(er)ssen [tot behoef des godsh(uys) vand(er) banc] alle jae(re) vande(n) voirs(creven) goede(n) den voirs(creven) t(er)mijn due(re)nde hond(er)t caese en(de) / tweenvijfftich l(i)b(ra) bote(re)n It(em) sal de voirs(creven) henric de huysinge(n) den voirs(crev en) goeden / aldaer toebehoe(re)nde houden in goede(n) state van wande en(de) van dake en(de) gheviele / daer aen yet te make(n) of te ty(m)me(re)n van ouden werke daer af soude henric voirs(creven) / de wercliede vueden en(de) m(ijn) vrouwe voirs(creven) soude de dachue(re)n betalen mar soe waer / m(ijn) vrouwe voirs(creven) daer yet van nuwes woude doen ty(m)me(re)n daer af soude / de voirs(creven) henric altemael ongehouden sijn sond(er) enegen cost daer toe te doen
//
Item sal de voirs(creven) henric alle jae(re) moghen steke(n) en(de) hebben een half / last torve op mijnre vrouwen voirs(creven) moere te kerb(er)ge en(de) daer bove(n) sal / hi m(ijn) vrouwen voirs(creven) elx jaers b(ri)ngen ter banc een half last torve dat / sij sal hebben doen make(n) op hoe(re)n moere voirs(creven) It(em) waert dat sake dat den / voirs(creven) henric enige schade geschiede van gemeyne(n) orloge ocht van gemeyne(n)/ tempeesten daer af sal hem m(ijn) vrouwe afslach doen gelijc ande(re) heren/ald(aer) en(de) reengenoeten aldaer bove(n) en(de) benede(n) gemeynlec hoe(re)n pachte(re)n / doen selen It(em) es vorw(er)de dat de voirs(creven) henric de voirs(creven) lande wel en(de) / loflec wy(n)nen sal gelijc sine(n) reengenoete(n) en(de) ten lesten jae(r) late(n) besayt / twelf boe(n)de(re) lants en(de) een haf met wyntercorne en(de) den ande(re)n art gestort / en(de) den derden art brake en(de) ten lesten jae(r) gheen lant hoervuruchten / It(em) allet stroe dat vande(n) voirs(creven) goede(n) comen sal dat sal altoes int / hof blive(n) en(de) in p(ro)fite vande(n) voirs(creven) goeden bekeert worden It(em) sal de selve / henric delsbroec dat m(ijn) vroude aldaer behoudt op dierste jaer alst / gehouwe(n) sijn sal wel bevrede(n) alsoe dat m(ijn) vrouwe aen de schote(n) vande(n) / voirs(creven) elsbroeke gheen schade en lyde en(de) daer voe(r) sal hi damn voertaen alle / de weyde vande(n) voirs(creven) elsbroeke hebben It(em) sal noch de selve henric m(ijn) / vrouwen gheve(n) alle jae(re) te paesschen vijf caese en(de) ii[c] eye(re) It(em) sal / de voirs(creven) henric m(ijn) vrouwe(n) vand(er) banc gheve(n) jaerlex te cinxen een / pont bote(re)n en(de) een ghelte goed(er) zanen en(de) oec elke(n) van acht [thien] joffr(ouwe) / vande(n) selve(n) godshuyse een pont bote(re)n en(de) een waelput zane(n) It(em) sal / de voirs(creven) henric ten lesten jae(r) vande(n) voirs(creven) t(er)mine laeten int voirs(creven) / hof allet caf en(de) stroe dat hi daer in bracht sal hebben van wat goede(n) / dat daer in come(n) sijn sal/[Item sal m(ijn) vrouwe vors(creven) hebbe(n) half doeft inden bog(ar)t ald(aer) wasse(n)de en(de) de wy(n)ne saelt al ter erde(n) levere(n) en(de) m(ijn) vrouwe(n) hoe(re) helcht t(er) banc vuere(n)] / It(em) sal noch en(de) vorw(er)de alle en(de) elc sund(er)linge heeft / geloeft de voirs(creven) henric wel en(de) volcomelec te houde(n) en(de) te voldoen in / alle d(er) voeghen en(de) manie(re)n voirs(creven) en(de) telke(n) t(er)mine als v(er)volghde schout / Ende hier af sijn borghen des voirs(creven) henrix als p(ri)ncipael sculde(re)n / ongesund(er)t en(de) ongescheide(n) en(de) elc voer al jan en(de) willem gheerts geb / brued(er)s des voirs(creven) wy(n)nen Et p(ri)m[(us)] mulke ouder(ogghe) nove(m)br(is) ix[a] /