It(em) zulle(n) de voirs(creven) brieve ond(er) den scepen(en) van loven(en) blive(n) liggen(de) tot deser/ meyni(n)gen dat so wa(n)neer augustijn vande(n) borch(oven) soen aug(ustijns) wilen vande(n)/ borch(oven) noch ond(er) sijn daghe wesen(de) tot sine(n) mondige(n) dage come(n) sal sijn/ datmen hem dan inde(n) voirs(creven) erfri(n)ten en(de) erfpachten also behoirlic wesen sal/ vestigen sal en(de) oft geboerde dat behoudelic altoes der voirs(creven) joffr(ouwe)/ marien sijnre ouder moeder [also langhe als sij leven sall en(de) na hue(re) doet so also langhe sij leven sall] en(de) joffr(ouwe) marie(n) sijnre moeder oft d(er) lanxter/leven(de) van hen beiden hue(re) tocht inde(n) voirs(creven) rinten en(de) pachte(n) [sond(er) iemants wed(er)segge] en(de) oft/

geboerde dat de voirs(creven) augustijn vanden borch(oven) van live t(er) doet quame sond(er)/ wittege geboerte van sine(n) live acht(er) te late(n) [eer hij totter ouder van xvii jaere comen wae(re)] voer den voirs(creven) joffr(ouwe) marie(n) sijnre/

moeder dat dan dese voirs(creven) guedinge te nieute gedaen sal worden en(de) de/ rinte(n) en(de) pachte(n) voirscr(even) sulle(n) wed(er)keren totte(n) neesten erfgename(n) pet(er)s wile(n)/ van nethen(en) en(de) jof(frouwe) marien sijns wijfs voirscr(even)
//