Cond sij allen lieden dat geschiet en(de) gemaect een deylinge/ en(de) scheydinghe tuschen diericken woute(re)n en(de) anthonise van/ langrode gebruede(re) arnde vynck goessen vanden poele ende/ anne uuten hove geheten zedele(re) den jonghen zwage(re)n der voirs(creven)/ gebruede(re) met consente ende wille katlinen clemencien en(de)/ gheertruyden haerrer wettiger wive zuste(re)n der voirg(enoemde)/ ghebruede(re) van allen den onberuerleecken goeden die/ hen bleven en(de) aengestorven sijn bij doede wilen anthonijs/ van langrode vaders der voirs(creven) gebruede(re) en(de) zuste(r) en(de) toecomen/ en(de) vallen zullen na der doet ende afsceiden katlinen zas/ weduwe des voirs(creven) wilen anthonijs en(de) moeder der voirs(creven)/ gebruede(re) en(de) zuste(r) te deylen der voirs(creven) katlinen der moeder/ de selve deylinghe consente(re)nde willecoe(re)nde en(de) approbe(re)nde/ So es gevallen ende behoert den voirs(creven) diericke van langrode/ in sijn deylinghe tgheent des hier na volght yerst xxxiii/ roeden wijngarts also die gelegen sijn opte bollartslaghe tuschen/ de goede [vacat]/ Item vijf gulden peters der munten van namen h(er)toge philips/ h(er)toge van bourg(oign)[en] ende van brabant voer dat(um) des briefs/ gemunte goet en(de) gheeve erfrenten te kersmisse te betalen erflic/ aen ende op een huys en(de) hof met allen sijnen toebehoirten/ daer inne de voirs(creven) wilen anthonijs te woenen plach gelegen/ inde proefstrate jegen de halle over dwelc nu janne uuten/ hove en(de) g(er)truden sinen wive in huer deylinghe gevallen/ es Item tvijfste deel van eenen gulden(en) rider der mu(n)ten/ h(er)toge philips h(er)toge van bourg(oign)[en] en(de) van brabant voer/ dat(um) des briefs gemunt goet en(de) gheeve erfrenten te kersmisse/ te betalen erflic aen en(de) op een stucke wijngarts antho/ nijs sijns brueders gelegen opten vogelsanck tuschen de goede/ des godshuys vander banck en(de) de goede des selfs anthonijs
//
Item v gulden peters der mu(n)ten van namen alzulken als voirscr(even)/staen lijfpensien ten live katlinen weduwe des voirs(creven)/wilen anthonijs te kersmisse te betalen den voirs(creven) diericke/alle jare also langhe als de voirs(creven) sijn moeder leven sall/ende niet lang(er) aen en(de) op tvoirs(creven) huys en(de) hof met/sinen toebehoirten gelegen inde proefstrate dwelc ja(n)ne/uuten hove voirs(creven) en(de) g(er)truden sinen wive in huerre/deylinghe gevallen es Item tvijfste deel van allen den/ erfchijnse in capuynen oudenchijnse en(de) borsegelde/ alsomen dien den voirs(creven) wilen anthonijse den vader/ bynnen loven sculdich was te behoirliken tide te betalen erflic/ Item sall dyerste betalinghe vanden voirs(creven) x[v] peters en(de)/ vijfste deele van eene(n) gulden(en) rider voirg(enoemd) van kersmisse/ neestcomen(de) bynnen eenen jae(re) daer neest volgende en(de)/ niet eer inne gaen Item es vurwerde dat de voirs(creven)/ jan uuten hove de jonge de voirs(creven) v gulden peters erfre(n)ten/ en(de) de voirs(creven) anthonijs tvijfste deel vanden voirs(creven) gulden(en)/ rider erfrenten na de doet en(de) n der voirs(creven) katlinen der/ moeder zullen moghen lossen en(de) afquiten wanneer hen/ dat gelieft te weten de voirs(creven) jan elken vanden voirs(creven)/ gulden(en) peteren met xx geliken pete(re)n en(de) de voirs(creven) anthonijs/ tvijfste deel vanden voirs(creven) gulden(en) rider met iiii gulden(en)/ ride(re)n der weerden voirg(enoemd) en(de) all met vollen renten/ na ghelande vander afquitingen Behoudelic der voirs(creven)/ katlinen weduwe des voirs(creven) wilen anthonijs huerre tocht/ in alle des voirscr(even) es huerre leeven langc due(re)nde en(de)/ niet langher Item sall voert hebben de voirs(creven) a dieric/ in sijn deylinghe de goede hier na gescreven inden yersten/ thof metten huysen hoven schueren stallen bogarden wynnen(de)/ landen beemden eeusselen tsijnsen renten erfpachten ende/ metter heerlich(eit) van laten totten selven hove behoe(re)nde/
//
also verre de voirs(creven) goede geheellic en(de) all tsijsgoede en(de) eygen/ goede sijn ende gelijc de selve goede anthonijs wilen van/ langrode vader der voirs(creven) bruede(re) en(de) zuste(r) inde prochien van/ meerbeke ende eversberghe te houden plach op alle/ den last ende commer daer uutgaende te behoirleecken/ ende gewoenleecken tide te betalen erflic ende/ vortaen op xxxii mudde rox goet ende payabel met/ wanne ende met veede(re)n wel bereyt der maten van loven/ erfspachts tsente andries misse appostels te betalen ende/ te loven te leve(re)n te weten tvierdedeel daer af arnde/ vynck ende katlinen sinen wive tvierdedeel daer af goessen/ vanden poele ende clemencien sinen wive tvierdedeel/ daer af anthonise van langrode ende tvierdedeel daer aff/ janne uuten hove den jonghen ende gertruden sinen wive/ en(de) huerren nacomelinghen erflic h(ier) na volgen(de) [en(de) oec op viii mudde rox d(er) mate(n) voirs(creven) lijfpensien ten live katline(n) sijnre moeder ts(en)[te] andries misse appostels ut sup(ra) also la(n)ge etc(etera)]dierste beta/linge vanden voirs(creven) xxxii xl mudden rox erflic van sente/andries misse naestcomen(de) over een jair d(aer) naest volgen(de)/en(de) niet eer inne te gaen Item een half dachmael/ wijngarts alsoet gelegen es opte calchovenstrate tuschen/ de kynde(re) henrix wilen vanden borchoven ende de/ goede gielijs wilen van rotselaer op den last ende/ co(m)mer daer voer uutgaende te behoerleecken tide te/ betalen erflic ende vortaen op vier gulden riders der/ mu(n)ten h(er)toge philips h(er)toge van bourg(oign)[en] en(de) van brabant/ voer dat(um) des briefs gemunt goet en(de) gheeve erfrenten/ te kersmisse te betalen [erflic] te weten tvierdeel daer af gelijc/ vanden rogge voirs(creven) es te betalen en(de) oec op eenen gulden(en)/ rid(er) der weerden voirs(creven) lijfpensien ten live katlinen sijnre/ moed(er) te kersmisse te betalen alle jae(re) also langhe als sij/ leven sall en(de) niet langer dyerste betalinghe vander/ voirs(creven) v riders van kersmisse neestcomen(de) bynnen eene(n) jae(re)/ daer naest volgen(de) ende niet eer inne te gaen [met vurw(er)den dat de voirs(creven) dieric de voirs(creven) xxxii mudde rox ende de voirs(creven) iiii gulden riders erfpachts va(n) renten na de doet katlinen sijnre moed(er) lossen en(de) quiten sall moghen ...? wa(n)neer hij wilt te weten elc mudde rox met xxv gulden(en) rid(er)s en(de) elken rider met twintich gulden rid(er)s en(de) met vollen pachte en(de) renten] Item
//
(½)l(i)b(ra) gr(ooten) erfrenten aen en(de) op de stat van thienen te/ behoirleecken tide te betalen erflic/ Item es gevallen en(de) gebleven den voirs(creven) anthonise van langrode/ in sijn deylinghe tgheen des hier na volght yerst viii mudde/ rox goet en(de) payabel met wanne en(de) veede(re)n wel bereyt d(er)/ maten van loven erfspachts tsente andries misse appostels te/ betalen en(de) te loven te leve(re)n erflic h(ier) na volgende aend en(de)/ op thof gelijc dat diericke sinen brued(er) in sijn deylinghe/ gevallen es dyerste betalinghe daer af inne te gaen/van s(en)[te] andries misse neestcomen(de) over een jaer ende/niet eer met zulker vurw(er)den dat de voirs(creven) dieric/ van langrode de voirs(creven) viii mudde rox erflic na de doet/ der voirs(creven) katlinen sijnre moeder sall moghen quiten/ wa(n)neer hij wilt te weten elc mudde daer af met/ xxv gulden riders d(er) mu(n)ten etc(etera) ende met vollen/ pachte Item eenen gulden(en) rider der mu(n)ten h(er)toge philips/ h(er)toge van bourg(oign)[en] en(de) van brabant voe(r) dat(um) des/ briefs gemu(n)t goet en(de) gheene erfrenten te kersmisse/ te betalen erflic aen en(de) op een half dachmael wijngarts/ gelegen opte calchovenstrate dwelc diericken voirs(creven)/ in sijn deylinghe gevallen es dierste betalinge vanden/ voirs(creven) gulden(en) rider van kersmisse neestcomen(de) bynnen eene(n)/ jare daer naest volgen(de) en(de) niet eer inne te gaen Met/ vurw(er)den dat de voirs(creven) dieric na der doet van katlinen sijnre/
//
moeder den voirs(creven) gulden(en) rider so wa(n)neer hem dat genuegen sall/ sal moghen afquiten met twintich geliken pe(n)ninghen ende/ met vollen renten Item unum florenu(m) hungarien(sem) aureu(m) bonu(m)/ et leg(alem) he(re)d(itarii) census et redd(itus) t(er)minis debit(is) p(er)solvend(um) in futu(rum) ad/ et sup(ra) domum cum suis p(er)tinen(tiis) nu(n)cupat(um) blauwenhout/ sit(am) in p(re)positistrata Item tvijfste deel van allen den/ erfchijnse in cappuynen ouden chijnse en(de) borse gelde/ alsomen dien den voirs(creven) wilen anthonise den vader bynnen/ loven sculdich was te behoirliken tide te betalen erflic Item/ vijf gulden peters der mu(n)ten ut sup(ra) aen ende op thuys/ met sinen toebehoirten gelegen inde proefstrate dwelc janne/ uuten hove in sijn deylinghe gevallen es [dierste betalinghe etc(etera) en(de)] Item es vurw(er)de/ dat de voirs(creven) jan uuten hove ut in p(ar)tificatione pred(i)c(t)i/ theoderici h(ab)etur [Behoudelic der voirs(creven) katlinen sijnre moeder huerre tocht huer leefdage langc inden voirg(enoemde) goeden en(de) renten] Item een stucke wijngarts gelegen opten/ voghelsanck tuschen de goede des voirs(creven) anthonijs ende/ de goede tsgodshuys vander banck opten last daer uut/ gaende te behoirliken tide te betalen erflic en(de) voert/ op vier vijfste gedeelte van eenen gulde(ne)n rider erfre(n)ten/ te kersmisse te betalen erflic te weten tvierdedeel daer/ af diericke van langrode etc(etera) en(de) op tvijfste deel van eene(n)/ rider lijfpensien ten live katlinen van langrode sijnre moed(er)/ te betalen ut sup(ra) also langhe als sij leven sall en(de) niet/ lang(er) dyerste betalinge vanden voirs(creven) vier vijfste gedeelte/ en(de) van eene(n) vijfste gedeelte van eene(n) rider voirg(enoemd) van/ kersmisse neestcomen(de) bynnen eenen jae(re) daer neest volgen(de)/ en(de) niet eer inne te gaen Met zulker vurw(er)den dat/ de voirs(creven) anthonijs de voirs(creven) vier vijfste gedeelte vanden voirs(creven)/ rider erfrenten sall mogen lossen en(de) quiten na de doot/ der voirs(creven) katlinen sijnre moeder wa(n)neer hij wilt te/ weten elc vijfste gedeelte met vier gulden riders/ met volre renten Item een stucke wijngarts
//
houden(de) xx roeden gelegen opten voirs(creven) voghelsanck tuschen/ arnde van colen ende anthonijse voirg(enoemd) op alle/ den last en(de) commer uutt den voirs(creven) goeden gelijc/ voirs(creven) es gaende ende voert op i (½) mudde rox goet/ en(de) payabel der maten van loven lijfpensien ten live/ wouters van langrode sijns brueders opten twintichste(n)/ dach van julio te betalen en(de) te loven te leve(re)n alle jae(re)/ also lange als de voirs(creven) wouter leven sall en(de) niet/lang(er)/ Item es gevallen den voirs(creven) arnde vynck inden name en(de)/ van weeghen katlinen van langrode sijns wijfs in sijn dey/ linghe tgheent des hier na volght yerst acht mudde/ rox goet en(de) payabel met wanne en(de) met veede(re)n wel bereyt/ d(er) maten van loven erfspachts tsente andries misse appostels/ te betalen en(de) te loven te leve(re)n erflic hier na volgen(de) aen en(de) op/ thof met allen sinen toebehoirten dwelc diericken in/ sijn deylinghe gevallen es Item eenen gulden(en) rider erfrenten/ te kersmisse te betalen erflic aen en(de) op een half dachmael/ wijngaerts gelegen opte calchovenstrate dwelc diericken/ voirg(enoemd) oec in sinen deylinge gevallen es Item vijf gulden/ peters erfrenten te kersmisse te betalen erflic aen en(de) op/ een huys en(de) hof met allen sinen toebehoirten gelegen inde/ proefstrate dwelc janne uuten hove den jonghen in sijn/ deylinghe gevallen es Item tvijfste deel van eenen/ gulden(en) ride(r) erfrenten te kersmisse te betalen erflic/
//
aen en(de) op een stucke wijngarts gelegen opten voghelsanck/ dwelc anthonise van langrode in sijn deylinghe gevallen/ es dyerste betalinge vanden voirs(creven) erfpachte van sente/andries misse en(de) vanden voirs(creven) peters en(de) riders of/ renten van kersmisse beide neestcomen(de) bynnen eene(n) jae(re)/ daer naest volgen(de) en(de) niet eer inne te gaen Met/ alzulker vurwerden dat de voirs(creven) dieric van langrode/ en(de) anthonijs sijn brueder den voirs(creven) erfpacht en(de) renten/ na de doet katlinen hue(re) moeder lossen en(de) quiten mogen/ te weten den voirs(creven) elc mudde vanden voirs(creven) erfpacht/ met xxv gulden riders den voirs(creven) rider met xx/ geliken riders en(de) de voirs(creven) anthonijs tvijfste deel/ vanden voirs(creven) rider met vier gulden(en) riders en(de) met/ vollen pachte en(de) renten [Item tvijfste deel vanden chijnse bynne(n) love(n)] behoudelic der voirs(creven)/ katlinen huerre tocht inden pachten en(de) renten voirg(enoemd)/ hue(re) leven langc due(re)nde en(de) niet lang(er) Item (½) l(i)b(ra) gr(ooten)/ turnoyse erfrenten aen en(de) op de stat van thienen Item/ v mudde en(de) iii molevate rox d(er) maten van loven/ erfspachts op alrehande goede en(de) pande die houden(de)/ sijn de kynde(re) quintens wilen tsvrients de kynde(re) jans/ wilen rubloet en(de) meer ande(re) p(er)soene inde p(ro)chien van/ meerbeke van ev(er)sberghe en(de) van cortenberghe houden(de)/sijn op alle den last en(de) co(m)me(r) uut den voirs(creven) gedeelte/ gaende te behoirleecken tide te betalen erflic En(de) vort/ aen op i(½) mudde rox goet en(de) payabel met wa(n)ne en(de)/ veede(re)n wel bereyt d(er) mate(n) van loven lijfpensien ten/ live wout(er)s van langrode brued(er)s d(er) voirs(creven) gebruede(re) en(de)/ zuste(re) opten xx dach van julio te betalen en(de) te loven/ te leve(re)n alle jae(re) also langhe als hij leven sall en(de) niet/ lang(er)/
//
Item es gevallen en(de) behoert den voirs(creven) goessen vanden poele/ inden name en(de) van weeghen clemencien sijns wijfs in/ sijn deylinghe tgheent des hier na volght en(de) dat sijn v/ pet(er)s ene(n) rid(er) viii mudde rox en(de) tvijfste deel van eene(n)/ rider [en(de) tvijfste deel vanden chijnse bynne(n) loven] gelijc en(de) in alle der manie(re)n dat in arnts vyncks/ deylinghe beg(re)pen es op alle den last en(de) co(m)mer daer voer/ uutgaende te behoirliken tide te betalen En(de) voert op i(½)/ mudde rox goet en(de) payabel met wa(n)ne en(de) vede(re)n wel/ bereyt p(ro)ut etc(etera) h(ab)et(ur) in p(ar)tifi(cati)[o(n)e] ar(noldi) ad vita(m) walt(er)i behoudel(ic)/ der voirs(creven) katlinen der moed(er) hue(re) tocht in tghedeelte des/ voirs(creven) goessens also lange als sij leeft en(de) niet langer/ ov(er)wy(n)ge iunior smet julii xx/ Item es gevallen en(de) gebleven den voirs(creven) janne uuten hove/ inden name en(de) van weeghen gertruden sijns wijfs in/ sijn deylinghe viii mudde rox ut sup(ra) i rider en(de) tvijfste/ deel van eene(n) rider ut sup(ra) en(de) tvijfste deel vanden chijnse/ bynnen loven ut sup(ra) behoudelic katlinen der moeder hue(r)/ tocht inden gedeelte voirg(enoemd) also lange als sij leven sall Item/ thuys metten hove en(de) met allen sinen toebehoirten achter/ en(de) voe(r) daer inne de voirs(creven) wilen anthonijs te woenen plach/ gelegen inde proefstrate jegen de halle over tuschen de/ goede lodewijcs shouts en(de) de goede janne vander basdonck/
//
streckende achterweert uut tot inden [verduldicheit en(de) totten goeden h(er) claes van sente goerix ridders] wande.. op/ alle den last en(de) commer daer voer uutgaende te/ behoirliken tide te betalen erflic en(de) voert op xx/ gulden peters der munten van namen h(er)toge philips/ h(er)toge van bourg(oign)[en] en(de) van brabant goet en(de) gheeve/ erfrenten te kersmisse te betalen erflic h(ier) na volgen(de)/ te weten tvierdeel daer af diericke van langrode/ tvierdeel daer af anthonijse van langrode tvierdeel/ daer af arnde vynck en(de) katlinen sinen wive en(de) tvier/ deel daer af goessen vanden poele en(de) clemencien/ sinen wive en(de) hue(re)n erfgename(n) en(de) nacomelingen eewelic/ h(ier) na volgen(de) en(de) oec op vijf gulden peters der selver/ munten lijfpensien ten live katlinen weduwe(n) des voirs(creven)/ wilen anthonijs te kersmisse te betalen der voirs(creven) katline(n)/ alle jare also langhe als sij leeven sall en(de) niet lang(er)/ dierste betalinghe vanden voirs(creven) xxv gulden pet(er)s/ van kersmisse neestcomen(de) over een jaer en(de) niet/ eer inne te gaen Met zulker vurw(er)den dat de voirs(creven)/ jan uuten hove de voirs(creven) xx gulden peters erfrenten/ lossen en(de) quiten sal moghen na de doet katlinen der/ moed(er) voirs(creven) wa(n)neer hem dat gelieft te weten elken/ peter daer af met xx geliken pete(re)n en(de) met vollen/ renten Item (½) l(i)b(ra) gr(ooten) turnoyse erfrenten [aen en(de)] op de/ stat van thienen op alle den laste en(de) comme(r) uutten/ voirs(creven) gedeelte gaende te behoirliken tide te betalen en(de) vort/ op i(½) mudde rox goet en(de) payabel lijfpens(ien) te wout(er)s/live ut sup(ra) eisd(em)
//
Item dair es gevallen en(de) bleven den voirs(creven) wout(ere)n van/ langrode in sijn deylinghe dleen dat de voirs(creven) wilen/ anthonijs inde p(ro)chie van eversb(er)ge en(de) daer omtrent/ te houden plach also verre men dat houdt te leene/ van janne van ranst Item i(½) mudde rox lijfpensien op/dier anthonijs gedeelte It(em) i(½) mudde rox lijfpensien/ op arnts vyncs gedeelte It(em) i(½) mudde rox lijfpensien/ op goessens vanden poele gedeelte Item i(½) mudde rox/ lijfpensien op jans uuten hove des jonghen gedeelte/ gelijc sij voirscr(even) staen en(de) h(ier) inne es cleerlic/ ondersproken dat de voirs(creven) wouter de voirs(creven) vi mudde/ rox lijfpensien egheenssins en sall moghen v(er)ande(re)n/ noch v(er)coepen en(de) so waer hij dat dade het wae(re) van/ eene(n) mudde oft van meer so souden dan de voirs(creven)/ sijn bruede(re) en(de) zwage(re) en(de) hue(re) goede vanden voirs(creven)/vii vi mudden rox te mael ongehouden [en(de)] onbelast/ sijn en(de) teewigen daghen quijt bliven sond(er) argelist/ Dese deylinge aldus geschiet hebben geloeft de/ voirs(creven) p(er)soene malc ande(re)n vast gestedich en(de) onver/ brekelic te houden en(de) malc opten ande(re)n en(de) sijn gedeelte/ metten halme v(er)tyende ov(er)wynge iunior smet julii xx