Cond sij allen lieden dat dierick van zanthoven in jegewordich(eiden) d(er) scepen(en)/ van loven gestaen heeft gegheven en(de) bekent dat hij gegheven heeft arnde/ de jonghe sone jans de jonghe wonende te pulderbosch sijn hof gehete(n)/ van mulstede gelege(n) ind(en) p(ro)ch(ien) van zanthove(n) met den huysen hove(n)/ wynnend(en) land(en) beemden eeusselen e met [allen] sijne(n) toebeh(oirten) gelijkerwijs/ de selve dierick de voirs(creven) goede aldair liggende heeft Te houden/ te hebben en(de) te wynnen van halfmerte nu naestcomen(de) enen/ termijn van twelf jae(re)n lang deen nae dand(er) sond(er) middel volgende/ elx jaers dae(re)n bynnen Te weten de vors(creven) lande om de helcht/ vande(n) vruchte(n) jairlijx opde vors(creven) goede wassende Ende de vors(creven)/ beemde en(de) eeussele om en(de) voe(r) sevenentwi(n)tich holl(andsche) guld(en)/ te weten veertich pl(a)c(ken) nu gemeynlic in borse(n) gaende voe(r) elke(n) d(er)/ voirs(creven) gulden gereekent te kersmesse te betalen den vors(creven) diericken alle/ jae(re) den vors(creven) termijn duerende ende telken termijn als vervolghde schout/ Item de es vorweerde dat de vors(creven) wyn de vors(creven) lande den vors(creven) t(er)mijn due(re)nde/ wel en(de) loflic wynnen en(de) werven sal gelijc reengenoeten boven en(de) benede(n)/ Item es vorweerde dat de vors(creven) wyn de vors(creven) lande ten eynde van sijnen/ vors(creven) t(er)mine laten sal gelijc dat hijse aenveerden sal It(em) es vurweerde/ dat de vors(creven) wyn jairlijx des vors(creven) diericx helcht d(er) vors(creven) vruchte hem/ toebehoe(re)nde leve(re)n sal te loven oft te dieste dairt de(n) vors(creven) [dierick] best genuegen/ sall Item es noch ond(er)sproken dat de vors(creven) dierick en(de) de wyn deen/ vanden ande(re)n scheiden mogen van sess jae(re)n te sess jae(re)n op alsoe dat/ de ghene die also scheiden wilt den ande(re)n dat seggen [moet] oft doen condige(n)/ een jaer te voe(re) en(de) anders niet Item es vorweerde dat de vors(creven) wyn den/ vors(creven) t(er)mijn due(re)nde de vors(creven) huysinge houden sal in goede(n) state van wende/ en(de) van daken en(de) wae(re) dat sake datmen aende vors(creven) huysinge yet van nuws/ tymmerde d(aer) inne en soude de vors(creven) wyn niet gehouden sijn dan allene den/ werclieden den montcost te gheven en(de) de vors(creven) dierick soude den selven/ werclieden hue(re)n dachue(re)n betalen en(de) oft men oic ald(aer) van nuwen werck
//
en(de) de vors(creven) wyn soude dat nuwe wert allene op sijnen cost moeten doen/ plecken Item want de vors(creven) dierick den vors(creven) wyn toeghste naestcomen(de)/ op de vors(creven) goede leve(re)n en(de) doen sal i½ [c] hope stroes soe es vorw(er)de/ dat de vors(creven) wyn ten eynde van sijnen vors(creven) t(er)mi(n)ne inde vors(creven) goede laten/ sal alsoe vele stroes als vors(creven) es Item es vorweerde dat de vors(creven) wyn/ de vors(creven) goede beemde en(de) eeusselle sijnen termijn duerende wel en(de) costbarlic/ beheymen sal en(de) die laten also beheymt ten eynde van sijne(n) vors(creven) t(er)mij(n)ne/ tot goeden mans goetduncke Item es noch vorweerde dat de vors(creven) wyn/ de grechte vanden [vors(creven)] beemde(n) en(de) eeusselen wel en(de) loflijc ruymen en(de)/ vaghen sall alst te doen van noede sijn sal de vors(creven) t(er)mijn due(re)nde/ Item es noch verweerde dat de vors(creven) wyn jairlijx den vors(creven) t(er)mijn due(re)nde/ betalen sal den tsijs uut den vors(creven) goede(n) gaende sond(er) [hem e(n)nich] afslach hem/

dair af te done aen sijn weyghelt En(de) alse alle dese vorweerden/ geloften en(de) (con)dicien hebben geloeft de vors(creven) dieric in deen sijde en(de) de wyn/ in dand(er) malcande(re)n vast en(de) gestedich te houden en(de) te voldone tallen/ tijden en(de) termi(n)ne(n) als sij vallen en(de) verschijne(n) sullen en(de) telken t(er)mijn als/ vervolghde schout H(ier)af es boghe des vors(creven) wyn als p(ri)ncipael sculde(re)/ en(de) elc voe(r) al peter vranc wonende te zanthove(n) et p(ri)m(us) abs(oloens) hug(ar)den/ oct(obris) xxix/