Item want jan de briede(re) die geleidt es totten haefleecke(n) goeden henrix/ box hadde doen bescriven(en) gielise van n molle van lichtert voe(r) ii mudde rox/ die de voirs(creven) jan seide dat de voirs(creven) gielijs henricke voirg(enoemt) geloeft hadde te/ betalen op dat de voirs(creven) henric box gethoene(n) conste dat vurwerde wae(re)/ tuschen claesse messijs en(de) henricke dat de selve henric noch twee [ja(re)] sculdich/ wae(re) te behouden tspapen block nadat hem claes sijn gelt wed(er)geven soude/ Daer jegen de voirs(creven) gielijs seide en(de) alligeerde dat claes messijs vanden/ selven tween jae(re)n den voirs(creven) henricke box vernueght hadde en(de) hem daer/ voe(r) twee mudden rox betaelt also de selve henric gekynt en(de) gelijt hadde/ dwelc hij met scepen(en) boet te thoene(n) So heeft de voirs(creven) jan de briede(re)/ o(m)me der mynster moeyten en(de) coste wille den voirs(creven) gielise toegeg(even)/ eest dat de selve gielijs met scepen(en) gethoene(n) kan dat henric box/ gekent heeft dat hem de voirs(creven) claes vanden selven tween mudde/ rox betaalt heeft dat hij hem daer af voertaen ongemoeyt laten/ sall En(de) oft hij des niet en kan gethoene(n) so heeft gielijs janne/ voirs(creven) de voirs(creven) ii mudde t(er) stont tsijnre manissen geloeft te betalen/ En(de) dit te doen te lichtert hebben sij dach genome(n) op in goe(n)sdage/ neestcomen(de) te mistide cor(am) abs(oloens) loco burgimag(ist)ris no(vembris) xxvii/