Item want stoet en(de) tebat geport en(de) opv(er)staen es tuschen henricke horen/ in deen zijde en(de) henricke den voeght en(de) janne den jonge die geleidt/ sijn totte(n) goeden jans voeghts in dand(er) zijde spruyten(de) en(de) oerspronc nemen(de)/ van zeke(re)n goeden die bleve(n) sijn na de doet katline(n) die wijf was henrix/ wilen van lye(re) So sijn de vors(creven) p(ar)tijen come(n) voe(r) scepen(en) van lov(en) en(de) hebbe(n) he(n) vain dien/ stoete en(de) al des d(aer)aen cleve(n) mach eendrechtelic gesubmitteert en(de) verbonde(n) in segge(re)n/ en(de) vruntlike yffene(re)n h(ier) ond(er) genoemt Te wete(n) in daneele van lye(re) wout(ere)n maes/ joh(ann)es vliege en(de) janne de haze op also dat de voirs(creven) segge(re)n hue(r) segge(n) hieraf/ segge(n) en(de) uuten(en) sulle(n) by(n)ne(n) vi dage(n) neestcomen(de) mett(er) so(n)ne(n) opdat sij oft de drie/ van hen des eens sijn en(de) oft sijs niet eens en sijn dat sij dan trecke(n) sulle(n) voe(r)/ scepen(en) van lov(en) en(de) hale(n) d(aer)af een segge(n) van rechte gelijc oft de zake na vorme(n) van/ rechte bedinct wa(r)e Geloven(de) vast (et)c(etera) calstr(is) hug(ar)d(en) julii xxviii