It(em) michiel ende jan gehete(n) van loke molders gebruede(re)n in jegewor/ dich(eit) der scepen(en) van loven gestaen hebbe(n) genome(n) en(de) bekint/ dat sij genome(n) hebbe(n) ongesund(er)t en(de) omv(er)sceide(n) van janne/ van hazenberge de molen des selfs jans gehete(n) de vliegemole(n)/ gelege(n) te loven inde werfst Te houden en(de) te hebben van s(en)[te]/ jansmisse baptiste(n) neestcomen(de) ene(n) t(er)mijn van sesse jae(re)n/ langc deen na dand(er) sond(er) middel volgen(de) elx jaers dae(re)n/ bynne(n) o(m)me en(de) voe(r) xxii(½) mudde(n) en(de) ii halste(re)n rox xxii(½)/[mudde(n)] en(de) ii halste(re)n terwen beide goet en(de) paiabel met wa(n)ne en(de)/

met vede(re)n wel bereit [alsulc als de vors(creven) molen wynnen sal] d(er) mate(n) van loven Te weten telke(n)/ quartiere vanden voirs(creven) jae(re)n v(½) mudde(n) en(de) i(½) molevate/ rox ende v(½) mudde(n) en(de) i(½) molevate(n) terwe(n) den voirs(creven)/ janne te betalen en(de) [te loven] tot sinen huys te leve(re)n jairlix den voirs(creven)/ t(er)mijn due(re)nde en(de) telke(n) t(er)mijne als v(er)volghde schout dierste/

betalinge daer af inne te gane It(em) want dyserwerck van/ vand(er) voirs(creven) molen gescat es v op xvi g(ri)pe(n) te xl pl(a)c(ken) en(de)/[xxxii pl(a)c(ken)] en(de) desgelijx truerende [thout] werck op mette(n) molenberde(n) en(de)/ wintgatberde(n) op xxvi g(ri)pen [oic] te xl pl(a)c(ken) en(de) den stee de/ iiii molensteene op vierenviertich en(de) een halve dume(n) dicke/ tsamen [gemeten en(de) twee wijnden deen gezeelt stuck op iii(½) gripe gescat te] So es ond(er)sproken dat de voirs(creven) molders tvoirs(creven)/ yserwerck en(de) houtwerck mette(n) steene [en(de) oic de wijnden] also goet en(de) cusbaer/ laten sal [sullen] als boven gescr(even) steet en(de) bevintmen tgeen dat/

voirs(creven) steet dat tvoirs(creven) werck metten steene(n) en(de) wijnden beeter/es [sijn danse de vors(creven) mold(er)s aenverde(n)] dat sal de vors(creven) jan van hazenb(er)ge den vors(creven) [selve(n)] molders/ ten prijse van goeden knape(n) die hen [des] v(er)staen oprichten en(de)/ d(aer) af rastoer doen uutgescheiden vanden steene(n) dar voe(r) af/ de selve jan voe(r) elken duym gheve(n) sal twee oude schilde/ alsulke(n) schilde(n) alsmen den he(re) gheeft en(de) desgelijx sellen/ de selve mold(er)s gheve(n) oic gheve(n) [de(n) selve(n) ja(n)ne] voe(r) elken duym ii/ gelike(n) ge schilden bevynden datsij gemynd(er)t sijn h(ier) af/

sijn borghen d(er) voirs(creven) mold(er)s als p(ri)ncipael sculde(re)n ongesund(er)t/en(de) onv(er)scheiden en(de) elc voe(r) al Item w(er)t also dat dat de vors(creven)/ molen bij faulte en(de) gebreke vande(n) vors(creven) janne van hasenberge
//
stille stonde en(de) de voirs(creven) molders mids dien niet gemale(n) en/ consten Soe es dair af ond(er)sproeken dat de vors(creven) jan van/ hazenb(er)ge den vors(creven) mold(er)s d(aer)voe(r) alsulken rastoer/ doen sal als m(ijn) gened(ichs) he(re) sijne(n) mold(er) vanden geliken/ doet Item so wanner dat de voirs(creven) molders aen d(er)/ voirs(creven) ruymen wille en(de) veeghen dat dan de vors(creven)/ molders in deen sijde en(de) de vors(creven) jan in dande(r) allet/ den cost last en(de) verlette die d(aer)bij ver aen d(er) vors(creven)/ molen verlet mogen sijn half en(de) half dragen sullen/ en(de) de vors(creven) jan sal den vors(creven) molders tghene dat hij d(aer)af/ gehouden sijn mach afslaen en(de) afcorten ten naesten t(er)mine [quartiere] / die na de vors(creven) ruymynge(n) ge comen sal sond(er) argelix/ H(ier) af sijn borge(n) d(er) vors(creven) molders als p(ri)ncip(ael) sculd(eren) onges(undert) en(de)/ onverscheden en(de) elc voe(r) al jan vand(er) biest mulde(re) jacop/ truwants scrijnmake(re) Et duo p(ri)mi abs(oloens) velde maii ult(ima)