Van janne weyns/ It(em) amelijs hosteden wonende te casterle en(de) jan gastman/ soen wilen arnts oec van casterle in jeg(ewordicheit) d(er) scepen(en) van/ loven gestaen hebben geloeft op huer lijf en(de) goet dat/ sij om egeenrande zaken wille die gesciet sijn tusschen/ hen in deen zijde en(de) ja(n)ne weyns wonen(de) te cassterle in/ dande(r) den selven janne no(m)mermeer waengonst hatide/ vede vyantscap dragen noch doen en sulle(n) crincken noch/ hynde(re)n aen sijn lijf oft aen sijn goede buyten lants dagen/ noch te camp eysschen bij henselve(n) noch bij yemande anders/ Beken(nende) en(de) v(er)lijdende de voirs(creven) ii p(er)sone(n) so waer sij hier/ jegen daden dat sij sijn soude(n) peysbrekers en(de) zoenbrekers/ en(de) verbuert hebben huer lijf en(de) huer goet ond(er) wat/ hee(re) oft gerichte sij bevonde(n) werde(n) [behoudelic dien hebben sij malc ande(re)n yet aentespreke(n) dat mogen zij doen mette(n) rechte] cor(am) lomb(ar)t abs(oloens) juni/ s(ecund)[a]