Tvonnisse tusschen clase de smet vander sluysen die/ nae den rechte der stad van loeven come(n) en(de) geleit es/ tot allen den goeden have en(de) erve wout(er)s oliviers/ van meld(er)t in deen zijde en(de) den selven wout(er)s oliviers/ in dande(r) alse van alrehande(n) gebreke(n) die de voirs(creven) claes/ opden voirs(creven) wout(ere)n hadde spruytende uut zeke(re)n scepen(en)/ brieve(n) van loeven ende naedien dat de selve p(ar)tijen/ tot hue(re)n thonesse gewijst wae(re)n en(de) dat geleit/ hadden waest gewijst mette(n) woirde(n) so waer de voirs(creven)/ claes sine(n) eedt dede gelijc hij geboden hadde dat/ dan de voirs(creven) wout(er) gehouden sal sijn int gebrec vand(er)/ geheelder so(m)men nae dat de waerh(eit) gedrage(n) hadde/ behouwelic dien dat den voirs(creven) wout(ere)n come(n) sullen/ te baten de ii halster corens ende de beteringe/ vanden meste p(rese)nt(ibus) scab(inis) ex(iste)n(tibus) in scampno oct(obris) xxix
//