It(em) vander have(n) die jannes symoens van oplynthe(re) inde hove aldaer met rechte/ gevolgt hadde seke(re) have de welke magriete oudgheerts acht(er) nae huer doet/ gelate(n) heeft voe(r) seke(re) huyshue(re) te wete(n) de huyshue(re) van s(en)[ter] vyven/ huyse inde(n) voirs(creven) dorpe en(de) dander vanden huyse des voirs(creven) jannes/ ald(aer) naest de(n) voirs(creven) s(en)[ter] vyve(n) gelege(n) welck s(en)[ter] vyve(n) huys de voirs(creven)/ jannes jege(n) de kerckmeesters der voirs(creven) kercke(n) van s(en)[ter] vyve(n) gehuert/ hadde en(de) voerts der voirs(creven) magriete(n) verhuert De welke laureys/ vander ca(m)me(n) met sijne(n) beleyde d(aer) met hij come(n) was totte(n) haeflike(n)/ goeden der voirs(creven) magriete(n) meynde dat he(m) en(de) sijne(n) beleyde sculdich/ was te volgen bij velerehande reden(en) die de voirs(creven) laureys d(aer) toe/ segge(n) dede w(er)t gewijst bide(n) he(re)n tscepen(en) van loeve(n) t(er) manissen/ smeyers nae aensprake verantwerden en(de) thonisse van beyde(n) p(ar)tije(n)/ dat de voirs(creven) jannes [op] de voirs(creven) have volge(n) sal de sijn huyshue(re)/ van beyde(n) huysen en(de) mette(n) rechte vervolge(n) niet wed(er)staende de(n)/ voirs(creven) beleyde cor(am) o(mn)ib(us) scab(inis) maii xxv/