Cond zij allen lieden dat arnd in gheenbroeck wonen(de) terpse/ in jeg(enwoirdicheit) [jegewoirdich(eit)] der scepen(en) van loeven gestaen heeft genomen en(de) bekint/ dat hij genome(n) heeft van janne van p(ro)tege(m) sone wilen/ jans de goede h(ier) ond(er) bescr(even) Te wete(n) huys en(de) hof met/xiiii [vierthien] dach(mael) lants ii(½) [twee en(de) een half] dach(mael) beempts een eeussel aende/ scrijt beemde en(de) een eeussele aende capelle ald(aer) geleg(en) totte(n)/ selve(n) goeden huyse en(de) hove behorende gelijckerwijs alle de/ vors(creven) goede geleg(en) sijn inde p(ro)chie van erpse te/ houde(n) en(de) te hebbe(n) van half merte lest leden eenen t(er)mijn/ van xii [tweelf] jaren langc [due(re)nde] deen nae dand(er) stappans sonder middel/ volgen(de) elx jaers dae(re)n bynnen te [weten] tvors(creven) huys en(de) hof/ mette(n) bog(ar)de en(de) lande d(aer) toe horende o(m)me en(de) vore/ ix mudden rox goet en(de) paiabel met wanne en(de) met/ vede(re)n wel bereit d(er) maten van loeven alle jare te/ kersmisse te betalen en(de) te bruessel te leve(re)n It(em) es vurw(er)de/ so wa(n)neer de vors(creven) arnd den vors(creven) ja(n)ne de vors(creven) sijn/ ix mudden co rox te bruessel lev(er)t dan sal de selve/ jan den vors(creven) arnde de sijnen montcost geven oft den/ ghenen diet van sijnen wegen ald(aer) leve(re)n sall ende [ende]/ de vors(creven) beemde o(m)me en(de) vore iiii guld(en) schilde d(er)/ mu(n)ten h(er)toge ph(ilip)s van bourg(oig)[nen] en(de) braba(n)t te [wete(n)] xiiii stuv(er)s/[d(er) mu(n)te(n) vors(creven) voir elke(n) schilt gereke(nt)] It(em) deeussel aende scrijt beemde o(m)me en(de) vore xx pl(a)c(ken)/ en(de) deeussel aende capelle o(m)me en(de) jege(n) ii schilde/ d(er) mu(n)ten vors(creven) te [wete(n)] xiiii st(uvers) als voe(r) [voir elke(n) schilt gereke(n)t gelijc vors(creven) steet] alle jare te/ s(en)te m(er)tensmisse inden wynter te betalen den voirs(creven)/ ja(n)ne [jarlix] den vors(creven) t(er)mijn due(re)nde en(de) telke(n) t(er)mijne als/ v(er)volghde schout It(em) es vurwerde dat de vors(creven) arnd/ de vors(creven) lande den vors(creven) sijnen t(er)mijn duerende wael/ en loflic wynnen en(de) werven sall gelijc sijnen reengenote(n)/ / boven en(de) beneden en(de) desgelijx sal de vors(creven) arnd de/ vors(creven) beemde en(de) eeussele beheymen en(de) bevreden gelijc/ sijne(n) reengenoten gelijc vors(creven) steet en(de) des sal de vors(creven)/ jan [jarlix] den vors(creven) arnde de lueke o(m)me de selve eeussele/ en(de) beemde te beheymen leve(re)n It(em) es noch vurw(er)de/ dat de vors(creven) jan op sijnen cost tvors(creven) huys en(de) hof des/ vors(creven) arnds t(er)mijn due(re)nde wel en(de) loflic houden sall van/ wande en(de) van dake It(em) es noch vurw(er)de dat de/ vors(creven) arnd alle de vors(creven) lande te sijne(n) afsceiden late(n)/ sall albloet uutgenomen iii(½) dach(mael) lants geleg(en) opden/ zuere(n)driesch eens geerijt En(de) alle dese vors(creven) vurw(er)den/gelufte(n) en(de) condicien hebben geloeft de vors(creven) arnd in deen/ zijde en(de) de vors(creven) jan in dande(re) malcande(re)n vast en(de)/ gested(ich) te houden en(de) te voldoen tallen tijde(n) en(de) t(er)mijnen/ als sij vallen en(de) v(er)schijne(n) sulle(n) q(u)[o](libet) ass(ecutu)[m] vynck(enbosch) willem(air)/ oct(obris) xxiii