Tvo(n)nisse tusschen janne molevoet en(de) janne willems in deen zijde en(de) machiel/ tuylinx sijne(n) swage(re)n die met henr(icke) willems sijne(n) swag(er) nae den rechte/den rech d(er) stad van loeve(n) come(n) en(de) geleyt sijn tot allen den haeflike(n)/ goede(n) henrix willen willems vad(er) des vors(creven) henrix en(de) sweer des/ vors(creven) jans en(de) machiels in dande(re) alse vande(n) hafelike(n) goede(n) die den/ selve(n) p(er)sone(n) bleve(n) sijn nae de doet henr(ix) wilen willems vade(r) en(de)/ zweer vors(creven) daer inne de vors(creven) jan molevoet en(de) henr(ick) willems vorde...?
//
meynde gericht te sine dan de vors(creven) machiel midts dien dat de selve wile(n)/ henrix willems als hij sijnd(er) docht(er) huwelijcte aen janne molevoet den selve(n)/ janne en(de) henricke geloefde in huwelik(er) vorw(er)den dat sij in hue(re)n hande(n)/ hebbe(n) en(de) gebruyke(n) soude(n) alle de have des vors(creven) henr(ix) willems svaders en(de)/ daer met wy(n)ne(n) en(de) werve(n) en(de) allet tgheen des sij d(aer) op veranere(n)? conste(n) dat hen/ dat volge(n) soude en(de) dat sij den vors(creven) janne willems d(aer) op wel en(de) tamelijc vuede(n)/ en(de) houde(n) soude(n) va(n) des he(re)? gebrake en(de) want ald(aer) twe p(er)de ware(n) waer af dat/ sij deen v(er)coepe(n) soude(n) en(de) in die stad wed(er) een coepen om de goede mede te/ wy(n)ne(n) en(de) te vercoepe(n) oec hadde de vors(creven) machiel tuylinx vande(n) vors(creven) sijne(n)/ zweer gehadt jaerlijx te huwelijc xxx mottoene en(de) alrehande have/ daer af dat de selve jan molevoet en(de) henric noit een hadden meer/ dan sij gewy(n)ne(n) conste(n) p(rese)nteerende voe(r) al want te dien tijt daer wae(re)n/ p(er)de coye en(de) meer have(n) dat sij die bringe(n) woude(n) en(de) dan daer af/ hoegelijke deylinge doen en(de) dat de selve voorw(er)de vande(n) vors(creven) huwe/ huwelike alsoe geschiede dat boden de vors(creven) jan molevoet en(de) henr(ic) wille(m)s/ te thone(n) mette(n) ghene(n) die d(aer) bij en(de) ov(er) wae(re)n oft want deen van hen/ gestorve(n) wae(re)n metten registe(r) vand(er) stad daer dat tande(re)n tijden als de/ selve swage(re)n jege(n) den vors(creven) machiele dingde(n) geristeret geregistereert/ w(er)t en(de) altoes mette(n) mynste(n) hoepe(n) waer sij dat gethone(n) conste(n) dat hen/ dov(er)bate vande(n) selve(n) goede(n) volge(n) soude opde p(re)sentacie die sij p(rese)nteerde(n)/ en(de) des genuegde hen wael vo(n)nisse en(de) recht etc(etera) daer op de vors(creven) mach/ iel hem verantw(er)den(de) de segge(n) dat waer was te(n) tijde(n) alhij als hij te/ huwelijc track met lijsbette(n) sijne(n) wive docht(er) des vors(creven) henr(ix) de selve/ henr(ic) sijn zweer hem toeseyde en(de) geloefde in huweliker vorw(er)den/ dat hij deylen soude hoegelijc en(de) sijn kinsgedeelte hebbe(n) in allet/ tgheen des de vors(creven) henr(ic) acht(er) hem liete en(de) nae sijn doet soude blive(n)/ en(de) almochte(n) de vors(creven) jan en(de) henr(ic) sijn zwage(re)n seggen(de) dat hij dertich/ mottoene jaerlix te huwelike gehadt hadden soe hadden he(m) dat sijn vors(creven) sweer/ wel geant? hoepte d(aer)om dat he(m) dat gheen onstade doen en soude hem en soude/ volge(n) sijns wijfs kinsgedeelte inde vors(creven) have en(de) des genuegde hem wael/ tvo(n)nisse nae thonisse dat hij boet de he(re)n scepen(en) van loeve(ne)n gemae(n)t vande(n) meye(r)/ wijsden voe(r) een vo(n)nisse want hen beyde(n) p(ar)tije(n) thonisse v(er)mete(n) hadde(n) dat sij dat/ beg(er)de(n) taenhoere(n) en(de) dae(re)nty(n)den recht ten dage van thonisse v(er)mete(n) hadde(n)/

dat sij deede(n) de vors(creven) jan molevoet en(de) jan willems lese(n) tvo(n)nisse dat/ geregistreert stont den xxiii[ste(n)] dach van julio int jaer van xl daer/ inne verhaelt stont hoe de vors(creven) henr(ic) wilen willems de(n) vors(creven) janne molevoet/ en(de) janne willems sijne(n) sone in hande(n) sette en(de) gaf alle sijn goede die hij t(er) te dier/ tijt hadde die te wy(n)ne(n)e(n) en(de) te werve(n) en(de) allet tgheen des sij d(aer) op verovere(n)/con conste(n) dat hen dat volge(n) soude gelijc tselve regist(er) clae claerlijc beg(ri)pt/ en(de) ind(er) manie(re)n de selve p(er)soene hen dat poent v(er)mete(n) hadde(n) p(rese)ntere(n)de/ altijt den selve(n) machiele te deylen de have de voir geruyrt steet ind(er)/ manie(re)n sijr in huerd(er) aenspraken deden de vors(creven) machiel thoende ald(aer)/ ten selve(n) dage hoe hij getruwet hadde de wettige docht(er) henrix wilen/ willems en(de) hoe de selve wile(n) henric sijn zweer hem toeseyde/ en(de) geloefde(n) in huwelik(er) vorw(er)den en(de) gehelen stole dat hij hoegelijc/ deylen soude en(de) sijn kinsgedeelte hebben in allet tgheen des blive(n) soude
//
soude nae de doet van hem bij alsoe dat hij inbringe(n) soude de vors(creven) dertich/ mottone tsjaers die hij hem ald(aer) gaf p(rese)ntere(n)de die oec inne te bringe(n) op dat hij/ hoegelijc deyle(n) mochte met meer worde(n) etc(etera) daer naemaels de vors(creven) jan molevoet/ en(de) jan willems op alligeerde(n) dat sij goede danckten en(de) hue(re)n goede rechte/ dat de selve wille(n) henr(ic) wile(n) henr(ic) huer vad(er) en(de) zweer niet meer/ gegeve(n) en hadde(n) dan nae hem blive(n) soude want hadde hijt voe(r) ewech gegeve(n)/ soe en waert he(m) niet acht(er)bleve(n) alsoe dat nae aensprake v(er)antwerde(n) en(de)/ thonisse va(n) beyde(n) p(ar)tije(n) de he(re)n scepenen van lov(en) gemae(n)t vande(n) meye(r) gewijst/ hebbe(n) voe(r) een vo(n)nisse dat sij blive(n) bij alsulke(n) vo(n)nisse als vortijts gewijst was/ opde p(rese)ntacie die de vors(creven) jan en(de) henr(ic) gep(rese)nteert hadde p(rese)nt(ibus) o(mn)ib[(us)] scab(inis)/ februarii xiiii[a]/