Tvonnisse tusschen aelbrechte de punde(r) die nae den rechte d(er) stad van loven/ gegoet ende geerft es in allen den goeden arnds wilen bone sijns sweers/ peteren bone sijne(n) brued(er) ende wille(m)me de naen swag(er) der voirs(creven) twee/ gebruede(re)n in deen zijde ja(n)ne cokart ende arnde blideleven in dande(re) alse/ van zeke(re)n goeden gelege(n) inde p(ro)chie van binckem te weten v dach(mael) lants/ luttel meer oft mijn gelegen opt velt geheten rode tusschen de goede/ jans swijns ende de goede jans rademake(r) van cumptich It(em) een boender/ eeussels geheten delleken luttel mijn oft meer gelegen inde vors(creven) p(ro)chie van/ binckem tusschen de goede jans hagaert ende de goede jans custe(r) van binckem It(em)/ v(½) dach(mael) lants paulo gelegen opt velt geheten lauwenroet tusschen de goede/ henrix van peere ende de goede henrix wilen van brabant welke goede gertruyd/ weduwe joes wilen van watermale inden jare m cccc[o] xv gecregen hadde/ ende daer af gued(inge) genomen uut scepen(en) br(ieve) van lov(en) van beleyde d(aer) met brueder/ alexand(er) wilen van bruynshoerne (com)mendoer van binckem nae den rechte d(er)
//
stad van loven comen ende geleit was totten goeden reyniers corduwaen van/ binckem d(aer) de vors(creven) jan cockart ende arnde blideleve(n) een aensprake dede ten/ vors(creven) goeden wert hen luttel oft niet in hue(re)n rechte dienen(de) ende de vors(creven)/

drie p(er)soenen en(de) nae dat beyde de vors(creven) p(ar)tije(n) tot hue(re)n thonisse gewijst/ waren soe thoende(n) de selve ii drie p(er)sone(n) dat de vors(creven) g(er)truyd van wat(er)male/ wettige sust(er) was goerds wilen boeve en(de) sonder wettige geburte aflivich/ worden en(de) oec lesen dede(n) de scepene(n) brieve d(aer) met sij nae den rechte/ der stad van loeven d(aer) toe come(n) was deden oec de vors(creven) jan en(de) arndt/ alrehande(n) reden(en) allege(re)n dat hen als vors(creven) es weynich dienen(de) en(de)/ ond(er) dande(re) dat sij dese goede een lange wile tijts besete(n) hadde(n)/ Was gewijst met desen voerden nae aensprake v(er)antw(er)de en(de)/ thonisse van beyden p(ar)tijen dat alsulke(n) aensprake als jan cokart/ en(de) arndt blideleve(n) gedaen hadden van desen goeden dat die/ den vors(creven) aeb aelbrechte noch sijnre goedingen gheen onstade/ doen en soude p(rese)nt(ibus) o(mn)ib[(us)] scab(inis) dempto kersmake(re) m(ar)tii vii/