It(em) de [jan de roeve(r) ende wille(m) de draye(r)] mo(m)boe(re)n [der capelle(n)] van s(in)[te] berbele(n) [te loeve(n)] in deen zijde ende goert bosschart ende/ machtelt van nyele sijn wijf in dande(r) hebben hen vande(n) stoete/ die sij met malcande(re)n uutstaende hebbe(n) gehadt tot opde(n) dach/ van heden van hue(re)n erve bij een gelege(n) opde merct te loeven(en)/ inder stad geswoe(re)n werckliede d(er) stad van loeve(n) te wete(n) me(r)ste(re)n/ lodewijke van hortbeke meester janne keld(er)ma(n) en(de) meester janne/ vand(er) brugge(n) in sulker vuege(n) dat de selve meeste(re)n de plaetse/ yerst gevisenteert huer segge(n) en(de) uutsprake va(n) rechte/ d(aer) af doen sulle(n) tussche(n) dit en(de) merge(n) avont meett(er) so(n)ne(n)/ Geloven(de) vast en(de) gesteetich te houde(n) (et)c(etera) lomb(ar)t vynck dec(embris)/ xxi

Ende es d(er) selv(er) drie meest(ere)n uutsprake dat de vors(creven) momboe(re)n opt/ tplaetsken daer douwe erfbrieve af me(n)sie make(n) dat jan vanden putte/ voertijde(n) jege(n) wout(ere)n van winghe v(er)creech ty(m)mere(n) en(de) stichte(n) sulle(n) moge(n)/ also v(er)re als hem tselve plaetsken int vierkant strect Bij also dat/ dwat(er) dat de vors(creven) p(ar)tijen op huerd(er) beid(er) gemeind(er) cost tot heer [toe] geleyt/ hebben vallen(de) opt selve staelgiken nu de vors(creven) momboe(re)n en(de) huer naecomel(inge)/ leiden sullen vande(n) scheide(n) d(er) twee oud(er) huyse doe(n) een hoze die de/ selve momboe(re)n daer hangen sullen inden hoeck d(er) selv(er) twee oud(er)/ huyse en(de) dwat(er) d(er) nuw(er) tymmeri(n)gen oft de(n) mo(m)boe(re)n d(aer) enige geliefde/ te make(n) sal sine(n) loep hebbe(n) inde vors(creven) loete(n) hoze hangen(de) inden/ vors(creven) hoeck en(de) also voert ov(er) tvors(creven) plaetsken te hue(re)n scoenste(n)/ en(de) ten eynde vanden selv(en) plaetske(n) sulle(n)t de vors(creven) gehuyssche/ moete(n) leiden acht(er) uut tot crabbendijck welk hoese en(de) loep de/ vors(creven) mo(m)boe(re)n becustige(n) sulle(n) op hue(re)n cost en(de) voerdaen houden/ vanden dake d(er) vors(creven) oud(er) huyse totte(n) afsceiden des vors(creven) plaetskens/ m(er) de gote liggen(de) tusscen douwe huyse liggen(de) tot aende hoze/ voirg(enoemd) sullen de vors(creven) mo(m)boe(re)n en(de) gehuysscen tot huerd(er) beider/ geliker cost houden also douwe brieve vanden vors(creven) erve/ gemaect d(aer) af gb beg(ri)pen Oec en sulle(n) de vors(creven) mo(m)boe(re)n gheene(n)/ wat(er)steen hoedanich hij sij moge(n) leggen opt vors(creven) plaetsken/ waer sijt beti(m)mere(n) oft niet eisd(em)