It(em) villic(us) lovan(iensis) med(iantibus) scabinis lovan(iensibus) add(uxi)[t] rad(ulphum) vand(er) elst iuniore(m)/ ad do(mu)[m] et curte(m) cu(m) p(ar)va domo att(inenta) (et) suis p(er)t(inentiis) univ(er)s(is) att(inentis) nycholai/ de hoethe(m) sit(is) in dorpstrate int(er) bona joh(annis) q(uon)d(am) de cimiterio/ secretar(ii) op(idi) lov(aniensis) (et) bo(na) jacobi de stertbeke P(ro) c(er)t(is) rec(ognitionibus) (et) p(ro)miss(ionibus)/(con)sc(ri)pt(is) in l(itte)ris scabinor(um) lov(aniensium) quaru(m) te(n)or sequi(tur) in h(ec) verba Cont/ sij allen lieden dat want henric merre in tijden voirleden thuys gehete(n)/ de jacht van wildere met sijnd(er) toebehoerten gelegen inde dorpstrate opden/ hoec vand(er) coestraten en(de) een cleynhuysken dair acht(er) gelege(n) met sijnd(er) toe/ behoerten comende inde coestrate met meer ande(re)n goeden aen seke(re)n p(er)sone(n) belast/ en(de) beco(m)mert heeft met vijftich capuyne(n) sesse gulden rijders twee gulden/ peteers twe gulden schilde erfsijs ende met vier peters lijfpensien ten live/ jans zeedele(re)n ter quitinghen staende In welken huysen roelof vand(er) elst de/ jonghe voe(r) meye(r) en(de) scepen(en) van loven(en) gegoet en(de) geerft es gelijc de scepen(en)/ brieven dair op gemaect volcomelijc inhoude(n) en(de) begrijpen Soe eest/ dat mids zeke(re)n condicie(n) en(de) vorwerden vande(n) goede(n) voirs(creven) tusschen den voirs(creven)/ roeloven in deen zijde en(de) clase van hoethe(m) in dande(re) geschiet sijnde de/ voirs(creven) claes in jegewordicheit der scepen(en) van loven(en) staende oppenbaerlijc/ heeft geloeft den voirs(creven) roelove en(de) sijnen voirs(creven) huysinghe vande(n) voirs(creven)/ co(m)me(re) co(m)merloes en(de) scadeloes te lossen en(de) bynne(n) drie jaren naestcomende/ af te quiten(e) aenden p(er)sone(n) hiernae genoempt den erfsijs en(de) renten/ h(ier) nae bescreve(n) die de voirs(creven) p(er)sone aende voirg(eruerde) goeden houdende sijn/ Inden iersten aen henricken colve viventwintich capuyne vanden vijftich/ capuyne(n) erfsijs den capuyn dair af met eene(n) guldene(n) rider Noch aende(n)/ selven henricken eene(n) gulden(en) rider van dien tween riders met achthien/ geliken pe(n)ni(n)gen Aen janne roysart eene(n) gulden(en) rider vande(n) tween/ gulden riders met vijfthien geliken pe(n)ni(n)gen Aen den selve(n) janne twee/ lichte crone(n) der munte(n) sconincx van vranck(rijc) met sessendertich/ gulden peters d(er) mu(n)ten ons genedichs he(re)n ts(er)toge(n) van bou[r]go(i)n(g)[ne(n)] en(de)/ van brabant Ende o(m)me te meerd(er) vestich(eit) den voirs(creven) roelove/ van des voirs(creven) es te doene de voirs(creven) claes sijn huys en(de) hof met eene(n)/ cleyne(n) huysken dair toe hoerende en(de) met allen sine(n) toebehoirten/ gelijc dat de voirs(creven) goede gelegen sijn inde dorpstrate tussche(n) de goede/ jannes wilen vanden kerchove en(de) jacops van stertbeke in tytele(n)/ van wetteghen ond(er)pande heeft gheobligeert en(de) te pande geset H(ier)/ waren ov(er) v arnd van vynkenbosch en(de) everaert va(n) wynghe/ scepen(en) te loven(en) Gegeve(n) xxi daghe in januario int jaer/ ons h(ere)n duysent vierhond(er)t en(de) vertich Et habuit q(ue)relas hiis/ int(er)fueru(n)t abs(oloens) linthris no(n) ad mobilia ap(ri)lis xxi anno xlv