Het sijn come(n) inden rechte voe(r) meye(r) ende scepen(en) van loeven/ inde banck ald(aer) peeter de raet in dee die geleit is totte(n) goede(n) jans/ de raet sijns brueders in deen sijde ende de selve jan de raet in dande(re)/ alse vanden goede(n) h(ier) ond(er) bescr(even) inde p(ro)chien van esschene(n) en(de) van meldert te/ geleg(en) Inden ierste(n) van eend(er) steden mette(n) huyse(n) gelegen te doemont/ aenden groeten driesch It(em) van i dach(mael) bogarts gelege(n) ald(aer) aen tvoirscr(even)/ goet It(em) van ii dach(mael) chijsgoet d(aer) neve(n) geleg(en) It(em) van i dach(mael) erfs/ noch d(aer) neve(n) geleg(en) It(em) noch van eend(er) steden met huyse(n) hoven/ aende plaetsse te meldert geleg(en) Aldair de voirs(creven) peet(er) sijn voirs(creven) beleit/ dede lesen versuekende inde voirg(eruerde) goede gehoude(n) te worden (et)c(etera) Nae/ welken versueke de voirs(creven) jan sijn aensprake dede met sijne(n) geleverden/ voirsprake seggen(de) hoe dat peeter voirs(creven) en(de) hij twee gebruede(re) wae(re)n/ van wettigen bedde ende dat hue(re)r beid(er) vad(er) en(de) moed(er) aflivich wae(re)n/ worden Mids den welken hem inde voirs(creven) goede en(de) meer ande(re) sijn/ kijnsgedeelte verschene(n) wae(re) Vande(n) welke(n) kinsgedeelte en(de) oic ande(re)n goede(n)/ hij in gedinge gestaen hadde jegen peete(re)n sijne(n) brued(er) voirs(creven) voe(r) scepen(en)/ van haffligem alsoe verre dat uuten hoede van vichte een hoetvo(n)nisse quam/ aende voirs(creven) scepen(en) [Te weten(e)] want peeter gep(rese)nteert hadde janne sijne(n) brueder/ te laten volgen sijn kijnsgedeelte dat [peeter] hij met dier p(rese)ntacien gestaen soude/ Ende woude jan dande(re) goede voird(er) aenspreken dat hij dat doen mochte/ ende met rechte Welken vo(n)nisse acht(er)volgende de selve jan alse/ vande(n) ande(re)n goede(n) den voirg(enoemde) peete(re)n voe(r) de voirscr(even) scepen(en) aengeproke(n)/ heeft ende dat sij jege(n) een alsoe in rechte staende met middele/ van vrienden uuten rechte getogen sijn en(de) hebben hen in vier goede/ manne verbonden Nae den welken een comenscap geschiet is tusschen/ den voirg(enoemde) janne ende peete(re)n Te weten dat jan jegen peete(re)n/ alsoe verre hij inde voirg(eruerde) goede gericht was [de selve goede] al sijn gedeelte gecocht heeft/ voe(r) c rijders en(de) ii Ende des soude jan den proefst van loeve(n) v(er)nuege(n)/ van vi rijders erfliker rinten te quite(n) den d(enier) met xviii Seggen(de) voirt/ dat hij den proefst vanden voirs(creven) vi rijders te vreden geset hadde/ Want hij hem die beset hadde op sijne goede en(de) dat boet hij
//
te thoene(n) mett(er) wet d(aer) voe(r) dat dat geschiet wae(re) Seggen(de) voirt dat/ niet wed(er)staende d(er) come(n)scap voirs(creven) de welke gedaen was des was/ des dondersdaighs nae s(in)[te] m(er)tensdach lestleden een jair de voirs(creven)/ peeter de bladinge vanden voirg(eruerde) goeden te hem w(er)t getoge(n) hadde/ Seggende mede dat ind(er) come(n)scap vuerwerde was dat hem peet(er)/ guedinge doen soude bynne(n) xiiii nachte(n) nae dat de come(n)scap/ toe gegaen was en(de) dat hij die goede suve(re)n soude van alrehande/ chijse rinte(n) en(de) oirlofte die d(aer) te dier tijt op was en(de) dat oec/ peet(er) al alsulke(n) brieve te nieute doen soude als hij op janne/ en(de) sijn goede te dier tijt sprekende hadde Opdoende voirt dat hij/ twee rijders aen peete(re)n sijne(n) brued(er) afgequete(n) hadde den d(enier) met/ xviii en(de) d(aer) voe(r) gegeve(n) in gereeden gelde xv rijders en(de) voe(r)/ tsorplus eene(n) [goeden man als] p(ri)ncipael geset dair peet(er) mede te vreden was/ want hij nyemande als borge neme(n) en woude mair als p(ri)ncipael/ alleene Seggen(de) voirt dat hij den voirs(creven) peete(re)n eene(n) scoutbrief/ bekint hadde den welke(n) geleet was in hande(n) des proefst van loeve(n)/ voirs(creven) Uut welken handen peet(er) den selve(n) brief gecregen hadde/ op condicie oft gelufte dat hij hem d(aer) mede niet behulpe(n) en sal/ het en wae(re) dat hij last oft co(m)mer hadde vande(n) vi rijders voirs(creven)/ ende dat dat alsoe geschiet wae(re) gedroech hij hem totte(n) register/ d(er) scepen(en) van [haffligheem] assche Ende want de voirg(enoemde) peet(er) ne(m)mermeer/ thoene(n) en soude dat hij last oft co(m)mer hadde vande(n) vi rijd(er)s/ voirs(creven) Soe hoepte jan wair hij de voirs(creven) pointen gethoenen coste/ ende ond(er) al dat hij den voirg(enoemde) proefst vande(n) vi rijders v(er)nueght/ hadde ende peete(re)n sijne(n) brued(er) ii rijd(er)s afgequeten hadde en(de)/ dat oec peet(er) de bladinge vande(n) goede(n) getogen hadde dat peeter/ met sijne(n) beleide verdoelt soude sijn ende hem restitucie doen/ vand(er) bladingen en(de) oec vande(n) ii rijders voirs(creven) Want sijn goede/ voe(r) de vi beco(m)mert sijn nae inhout d(er) come(n)scap ende hij niet/ voird(er) gehoude(n) en is dan int vernuegen vanden vi rijders
//
Waer op de vors(creven) peet(er) antworde kinne(n)de dat sij gebr(uedere) wae(re)n/ ende dat sij inden rechte inde banck van hafflighe(m) gestaen/ hadden alsoe verre dat d(aer) af een hoetvo(n)isse quam uuter banck/ van uccle genoech [ludenne] gelijc ind(er) aenspraken geruert is des hij hem/ gedroech aende tenue(re) vande(n) selve(n) vo(n)nisse ende dat sij oec/ dair nae in segge(re)n bleven sijn vier goede manne bleve(n) sijn/welke vier goede manne(n) hen v(er)eenicht hue(re) uutspraken gedaen/ ende dat tusschen hen geschiet es een comenscap vanden/ voirg(eruerde) goeden Te weten dat jan gecocht heeft jegen peete(re)n/[de voirscr(even) goede] sijn gedeelten die hij heeft inde [d(aer) de] voirge(uerde) goede om c rijders/ ende ii s Seggende hoe wale voe(r) de comenscap peet(er) toegeseit hadde/ janne sijne(n) brued(er) te hulpen te comen met erve om den voirs(creven)/ proefst bat te v(er)nuegen vande(n) vi rijders dat nochtan [jan sijn brueder] peeter/ bynne(n) den middelen tijde eer de come(n)scap toeghinc gesproken hadde/ mette(n) proefst en(de) seide dat de proefst met hem wael te vrede(n) was/ en(de) dat d(aer) op doen de come(n)scap voirtginc dat jan den proefst/ vande(n) vi rijders te vreden setten soude ende dat alsulken/ vii rijders als jan aende voirg(eruerde) goede eens wechdragens hadde/ inde voirs(creven) come(n)scap quijtgaen souden en(de) dat jan dit doen soude/ bynne(n) xiiii nachte(n) nae dat de come(n)scap gedaen was Alsoe dat/ peet(er) en(de) sijn goede ongepraemt soude(n) blive(n) ende dat dese pointe(n)/ wair wae(re)n gedroech hij hem totte(n) seggers voirs(creven) oft vor alsulke(n) condi(cien) (et)c(etera)/ Seggen(de) voirt dat de voirg(enoemde) jan niet bethoenen en sal dat hij den/ proefst te vreden geset heeft want hij hem alnoch dwaerscap te/ bruessel niet gedaen en heeft dat hij hem nochtan geloeft/ hadde te doene Voirt is wair dat peeters goede alsoe/ wael gepraemt sijn voe(r) de vi rijders alse des voirs(creven) jans/ want de selve proefst een beleit heeft op alle de goede peeters/ voirs(creven) Dwelc hij hem mids dat hij niet te vreden en is/ vande(n) vi rijders niet overgegeve(n) en [wilt] hueste Ende op tghene/ des jan seghet dat hij de bladinge getoge(n) soude hebben
//
seghet peet(er) dat hij die tot sijne(n) behoef niet getogen en heeft/ mair dat de proefst uut machte van seke(re)n scepen(en) br(ieve) die/ hij d(aer) op heeft spreken(de) [die] heeft doen inne doen Ende alse vande(n)/ scoutbrieve d(aer) uut dbeleit gedaen is seghet peet(er) dat hij dien/ met gheend(er) subtijlheit gecrege(n) en heeft maer met wille en(de)/ consente des voirs(creven) jans om [hem] mede te behulpen alsoe h verre/ hij h last [oft] commer hadde vande(n) vi rijders voirs(creven) Ende want/ de voirg(enoemde) p(roe)fst noch niet te vreden gestelt en wae(re) ende hij/ gepraemt worde gelijc hij boet te thoene(n) soe hoepte hij/ in sijne(n) beleide gehouden te worden Na welker aensprake/ ende verandwerden beyde die voirscr(even) p(ar)tien met vonnis gewese(n)/ waren tot hue(re)n thonisse [vacat]/ Beijde de p(ar)tijen tot hue(re)n thoenisse gewese(n) sijnde ten daghe van/ thoenen thoende de voirs(creven) jan [met scepen(en) van haffligheem dat hij jeghen]dat hij sijne(n) voirg(enoemde) brueder van sijne(n)/ kinsgedeelte en(de) ande(re)n goeden voe(r) scepen(en) van haffligem in gedinge/ gestaen hadde soe verre dat dair een hoetvo(n)nisse begrepen was/ aende banck van uccle uut welker hoetbanck den scepen(en) van hafflige(m)/ gesonden was een bescreve(n) hoetvo(n)nisse dwelc sij aldair deden leesen/ dair af dinhout was gelijc hij in sijnd(er) aenspraken geruert heeft/ Thoende voirt mette(n) selve(n) dat sij jegen malcande(re)n dair nae/ noch in rechte come(n) sijn ende dat sij dair uut getogen sijn/ en(de) dat sij hen verbonden in vier goede manne Thoende voirt/ de comenscap mette(n) seggers welke seggers tuyghden nae inhout/ eend(er) cedullen die ald(air) gelesen was d(aer) af de tenue(re) h(ier) nae/ volght [vacat] Thoende voirt dat/hij den proefst van loeven met [iiii] scepen(en) van [haffligheem en(de) met den me.?] assche dat hij/ den [voirscr(even)] proefst voirs(creven) beset hadde vi rijders erfliker rinten [inde(n) hof] Thoende/ voirt dat peter binne(n) desen middelen tijde niet wed(er)staende der/ comenscap de bladinge vande(n) goede(n) getogen hadde maer/ tot wiens behoef dat was dat en wisten sij niet
//
Thoende voirt met drien goede manne(n) dat hij aen pete(re)n sijne(n)/ brued(er) van desen vi rijders ii twee d(aer) af afgequeten hadde en(de) d(aer) voe(r)/ gegeve(n) xv rijders in gereeden gelde en(de) voe(r) tsorplus dat min/ was dan xxxvi geset ene(n) goede(n) man als p(ri)ncipael dair peeter/ mede te vreden was Thoende voirt metten register d(er) scepen(en) van/[haffligheem] assche dat peet(er)en den voirs(creven) scoutbrief gegeve(n) was op vuerwerde/ en(de) geluften dat hij hem dair mede niet behulpen en soude hij en/ hadde vande(n) voirs(creven) vi rijders co(m)mer last oft scade [vacat]/ Hier naer thoende peet(er) voirg(enoemt) d met scepen(en) van haffleghem dat jan sijn brued(er)/ hem vande(n) goede(n) voirg(eruert) met rechte aengesproke(n) hadde Soe dat de zake d(aer) af ten/ hoede ghinc en(de) dat uute(n) hoede te weten(e) uut(er) banck van uccle den voirs(creven) scepen(en) van/ haffleghem gesonde(n) was een bescr(even) hoetvonnisse dwelc si ald(aer) deden lesen ludende/ dat pet(er) want hij janne sijne(n) brued(er) inde goede gep(rese)nteert hadde sijn kinsgedeelte/ te laten volghen dat hij met dier p(rese)ntacien gestaen soude en(de) woude jan voird(er)/ aenspreken dat hij dat doen mochte mette(n) rechte Thoende voert de voirs(creven) come(n)scap/ ende de manie(re) vander selver comenscap met goede ma(n)nen die dair segge(re)n af geweest/ hadden welke goede ma(n)ne tuyghden nae inhout vander cedulle(n) voir geruert Thoende/ voert met twee scepen(en) van assche ende met den rintmeest(er) shee(re)n van assche dat sij op/ ghiste(re)n wae(re)n bij den proefst voirs(creven) en(de) hadden hem hoe(re)n segghen dat hij noch niet/ te vreden en wae(re) van janne den raet voirg(enoemt) want hij hem vanden vi rijders/ voirs(creven) geloeft hadde te bruessel waerscap te doene Dwelc hij noch niet gedaen en/ hadde hoe wale de voirs(creven) rintmeest(er) vermechticht vande(n) voirg(enoemde) proefst om tvoirs(creven)/ wairscap tontfane dan o(m)me te twee oft te drie reysen te bruessel geweest hadde/ dair hem jan voirs(creven) geloeft hadde jegen te comene en(de) niet en qua(m) uutgescheiden/ opde derde reise Dat de rintmeest(er) in sijn wed(er)come(n) den voirs(creven) janne ontmoette/ hem vraeghde vragende wair om hij tot bruessel niet come(n) en ware om tvors(creven)/ waerscap te doene Waer op hij hem antworde dat hij dwaerscap niet doen en soude/ Dragende dat de vors(creven) proefst weighert den voirg(enoemde) peete(re)n over te ghevene alsulken/ beleit brieve als hij op alle peters goede sprekende heeft ende dat alsoe die goede aenden/ proefst gepraemt bliven Thoende voirt metten register d(er) scepen(en) van hafflighem/ dat de vors(creven) jan hem de voirs(creven) scoutbrief voe(r) scepen(en) van hafflige(m) geconsenteert/ hadde ov(er)gegeve(n) te worden op vuurwerden vuerwerde en(de) gelofte die peeter d(aer)/ af dede hem d(aer) mede niet te behulpene ten wae(re) dat hij last co(m)mer oft/ onlost hadde vanden vi rijders oft d(aer) af gepraemt wae(re) Toende voirt want/ jan voirs(creven) de voirscr(even) goede van hue(re)r getidiger bladinghen niet en ont/ vruchte mair liet die liggen Dat doen de voirscr(even) proefst goede
//
ma(n)ne fant? aenden voirs(creven) janne oft hem gelieve(n) soude de voirs(creven) goede te ont/ vruchtene ende dat de selve proefst nae cleine antworde van hem ghehadt de/ voirg(eruerde) goede dede ontbladen mids machte van seke(re)n scepen(en) brieve(n) van loven(en)/ die hij d(aer) op hadde tot behoef des gheens dien die met rechte souden behoe(re)n/ Item pijnde hem voirt te thoene(n) van zeke(re)n pechtingen d(aer) op de vors(creven) jan dat/ calenge(re)nde dede segghen want tghedinge alleene om den gront wae(re) dat/ hij vander pachtingen niet thoenen en soude Dair op de voirs(creven) peeter antwerde/ want jan selve in sijnen thoenisse vand(er) pachtingen gethoent hadde dat/ hij oec d(aer) af thoenen soude ofte datse de pachtinge souden laten ligghen oft/ scheiden Nae den welken de vors(creven) jan nae seke(re)n vo(n)nissen d(aer) af ghegaen/ de voirs(creven) pachtinge liet ligghen Item vander uutspraken vanden vier/ goede ma(n)nen d(aer) inne sij verbonden wae(re)n thoende hij gelijc de cedulle d(aer) boven/ bescreve(n) dat inhout Na den welken de hee(re)n scepen(en) van loven(en) ter manissen/ smeyers gewijst hebben voir een vonnis na aensprake v(er)antdwerden en(de) thoenisse/ van beyden p(ar)tien dat beyde p(ar)tien malcande(re)n voldoen sullen na dat die waerheit/ gedraghen heeft Cor(am) py(n)noc rijke abs(oloens) witte ov(er)winghe vynck(enbosch) lynt(re) junii/ xvii