It(em) uut dien dat vrancke helscheviers opde(n) leste(n) dach va(n) rechte aensprac/ wille(m)me berchma(n) alse van vi gul(den) rijd(er)s inde welke de selve wille(m) gehoude(n)/ was aenden vorg(enoemde) vrancken d(aer) af de(n) betaeldach ov(er)lede(n) was so de selve/ vrancke meynde en(de) de vors(creven) wille(m) d(aer) op antwerde dat de(n) betaeldach/ ierst diene(n) soude op sinxene(n) naestcom(ende) vande(n) welke(n) hij boet sine(n) eedt te/ doene nae den welke(n) de h(ere)n scepen(en) va(n) loven(en) gemae(n)t vande(n) meye(r)/ wijsde(n) voir een vonnisse so waer de vors(creven) wille(m) sine(n) eedt dede gelijc/ hij gebode(n) hadde dat de vors(creven) vrancke noch te vroech op wae(re) Soe/ es op heden come(n) de vors(creven) vrancke als opde(n) naeste(n) dach va(n) rechte/ opdoende so wair wille(m) niet en quame en(de) sine(n) eedt dade alsoe hij/ gebode(n) hadde dat hij de(n) selve(n) wille(m)me v(er)reict soude hebbe(n) Soe hebbe(n)/ de selve h(ere)n scepen(en) van lov(en) gewijst so wair de vors(creven) wille(m) berchma(n) niet/ en quame ten opstane smeyers en(de) d(er) scep(enen) niet en quame en(de) sine(n) eedt dade/ so hij gebode(n) hadde dat de vors(creven) vranc aende(n) vors(creven) wille(m)me sine(n)/ vors(creven) eisch v(er)reict sal hebbe(n) p(rese)nt(ibus) lomb(ar)t wijtfliet pynnoc cap(elle)[ma(n)]/ vync voshe(m) fer(ia) v[ta] p(ost) q(uas)i mo(do)/