Item uut dien dat willem van udekem wonen(de) te bout(er)shem tande(re)n tijde(n)/ voir scepen(en) van loven(en) geloefde henricke van goetsenhove(n) tymm(er)man/ te velle(n) en(de) aftehouwene alsulke xxvi eyken alse de selve henric/ gecocht heeft tegen jonch(e)r(e)n janne van witha(m) hee(re) te bout(er)shem opt/ butselbosch en(de) die den selven henricke te loven(en) te leve(re)n d(aer) af den/ dach van dier leveri(n)gen lange v(er)streken en(de) ov(er)leden is En(de) want/ de selve willem den vors(creven) henricke in afslage vanden vors(creven) eyken/ alnoch luttel oft weynich gelevert heeft Soe eest dat willem/ va(n) udekem de jonghe sone des vors(creven) willems wonen(de) te thienen/ en(de) willem zartels wonen(de) te lo(m)mene(n) in jeg(ewordicheit) d(er) scepen(en) van loven(en)/ gestaen hebben geloeft ongesund(er)t en(de) omv(er)sceiden en(de) elc voir al dat/ sij tsurplus en(de) tgebreck vand(er) leveri(n)ge(n) vanden vors(creven) xxvi eyken/ den vors(creven) henricke [te] leve(re)n sullen te loven(en) opde biest en(de) sond(er) cost/ des vors(creven) henrix ten t(er)mijne(n) h(ier) nae bescr(even) Te wetene iiii eyken/ vijftich keep(er)s iii wijnberch plancken en(de) ii rijtboeme d(aer) af tusscen/ dit en(de) van morgen ov(er) xiiii dagen naestcomen(de) en(de) dand(er) gebreck/ dat alsdan vanden vorg(eruerde) xxvi eyken gebreken sal te leve(re)n te sinxene(n)/ d(aer) naest volgen(de) en(de) telken t(er)mijne als v(er)volghde en(de) telken t(er)mijne/ op eene(n) banduyn van ii rijd(er)s onsen gened(ighen) hee(re) te betalen Ende inde(n)/ gevalle oft de vors(creven) wille(m) van udekem de jonghe en(de) willems/ zartels in ind(er) leveri(n)gen in enige d(er) vors(creven) ii t(er)mijne(n) in gebreke wae(re)n
//
so mach dan t(er) stont de vors(creven) henr(ick) des and(er) daeghs nae dat/ enich vanden vors(creven) t(er)mijne(n) ov(er)leden sal wesen t(er) stont de vors(creven) eyke(n)/ doen halen met yeman(ne) d(aer) mede hem dat gelieve(n) sal vanden welke(n)/ de vors(creven) willem [va(n) udeke(m)] de jonghe en(de) willem zartels gelove(n) den vors(creven)/ henr(icke) de coste en(de) vrachte uut te reiken en(de) te bet(alen) t(er) stont en(de) sond(er)/ v(er)treck als te weten alsoe vele alse de selve eyke(n) den vorg(enoemde)/ henr(icke) gecost sulle(n) hebben gelevert te en(de) gebracht te wordene als/ v(er)volghde schout cor(am) cap(elle)[ma(n)] voshe(m) maii iiii[ta]/