Item want meester peet(er) de mera canonc d(er) kerken van sente peet(er)s te loeven(en)/ tande(re)n tijden tegen peet(er)en vanden dale wael en(de) wittelic gecrege(n) en(de) gecocht/ heeft xv vijfthien sist(ere)n rox d(er) maten van mechlen erfs pachts alle jae(re)/ s(en)te andriesmisse apostels te betalen erflic en(de) e(m)mermeer aen en(de) op/ zeke(re) goede en(de) pande den selven peet(ere)n vanden dale toebeh(oerende) te contijke/ te reet [te artslaer] en(de) tande(re)n plaetsen gelegen gelijc de scepen(en) brieve(n) va(n) loven(en)/ d(aer) op gemaect j clarlic inhouden en(de) beg(ri)pen Soe eest dat de vors(creven)/ peet(er) vanden dale in jegewordich(eit) d(er) scepen(en) van loven(en) gestaen heeft/ oppenbarlic bekint en(de) gelijt dat hem vanden vors(creven) meest(ere)n peet(ere)n de/ mera vanden pe(n)ni(n)gen [vander vors(creven) comescap] uut den coepe d(er) vors(creven) rente(n) oft pachte gecomen/ wael en(de) volcomelic voldaen en(de) volgeschiet is Geloven(de) d(aer) o(m)me/ de selve peet(er) vanden dale den vorg(enoemde) meest(ere)n peet(ere)n de mera [vand(er) selv(er) comescap en(de) coepe d(er) vors(creven) renten] vanden/

vors(creven) pe(n)ni(n)gen uut uutsuyne vanden vors(creven) rente(n) gecome(n) ne(m)mermeer/ aen te spreken hem te moeyen noch te vexe(re)n bij hem selve(n) noch/ bij yeman(ne) and(er)s in eghene(n) rechte gheestelic noch weerlic in eniger/ manie(re)n Beken(nende) en(de) v(er)liden(de) voirt de vors(creven) peet(er) vanden dale
//
dat de vors(creven) meest(er) peet(er) de mera boven tvoirs(creven) gelt [de vors(creven) comescap en(de) betalinghe] noch t(er) beden des/ vors(creven) peet(er)s voir hem [den selven peet(er)en] aen de ghene die aende selve [vors(creven)] goede oude(re)n/ tsijs oft renten hadden dan des vors(creven) meest(er) peet(er)s rente es betaelt heeft/ xxix gul(den) peet(er)s d(er) mu(n)ten ons gened(ichs) h(ere)n oft de weerde d(aer) voe(r) en(de) v stuv(er)s/ om deswille datme(n) v(er)huede(n) soude dat de vors(creven) goede niet uutgedaecht/ noch uutgewonne(n) en soude(n) worden gelijc sij begonne(n) wae(re)n metten/ rechte dat d(aer) op gevord(er)t was mids faute(n) van betalinge(n) des oudste(n)/ chijs voirs(creven) cap(elle)[ma(n)] vynck maii iiii[ta]/