Van walterus pyp(er)e/ It(em) het sijn come(n) inden rechte voir meye(r) en(de) scepen(en) van lov(en) inde banck aldair/ henrick vander elst die geleyt es tot den goeden jans van daelhem in deen/ zijde en(de) walterus pype(re) in dande(re) Als van ene(n) dijcke gelege(n) op de velpe/ tot gu(n)ni(n)gen tussche(n) de brugge aldair en(de) [den] bleykersbempt de(n) wec welke(n)/ de voirscr(even) henrick meynde dat die voirscr(even) walterus sculdich wae(re) te v(er)maken(e)/ en(de) te stoppen(e) so wa(n)neer dien uutgebroken [oft gesteken] wae(re) vanden va(n)der velpen/ want dien dijck aent voirhoet [d(er) goede] des voirscr(even) walter(us) gelege(n) wae(re) en(de) dat/ wae(re) hij sculdich te doene na den gebode dat jairlijx compt van wege(n)/ ons gened(ichs) shee(re)n inhouden(de) dat elc voir sijn hoet sijn erve v(er)make(n) soude/ en(de) r(e)pare(re)n de voirscr(even) vliet op dat dwater come(n) mochte tot der/ mole(n) des voirscr(even) jans [en(de) dat walter(us) hem ja(n)ne van daelhem dat geloeft hadde te doene] Seggen(de) voirt dat dien dijck uutgebroke(n)/ was en(de) dat dwater vand(er) ryviere(n) dair doir gynck dweck come(n)/ soude aen de mole(n) jans voirscr(even) en(de) dat dese poente wair ware(n)/ v(er)mat hij hem tot sulker conde(n) dair mede hij lyde(n) mochte inde(n)/ rechte en(de) met den mynste(n) Dair op die voirscr(even) walter(us) antdw(er)de/ seggen(de) dat hem zee(re) vreemde de [gaf] van deser aensprake(n) te hemw(er)t gedaen/ want jan van daelhem den voirscr(even) walteru(m) voir [den rentmeest(er)s van thiene(n) en(de)] de moleslegers/ ons gened(ichs) shee(re)n vande(n) voirscr(even) dijcke in rechte getoge(n) hadde h Aldair/ tvonnis luyde luydde voir den voirscr(even) walter(us) dat alsulke(n) aensp(ra)ke/ als jan voirscr(even) te hemw(er)t gedaen hadde hem den selve(n) walterus/ negheen onstade doen en soude also v(er)re dat noch voir hem hen/ come(n) was Seggen(de) voirs voirt dat den voirscr(even) dijck gelegen wae(re)/ opde st(ra)te aldair en(de) dat den selve(n) dijck den voirscr(even) walter(us) niet toe en/ behoirt mair dat de voirscr(even) jan van d(er) daelhem den voirscr(even) dijck
//
ove sijn diene(re)n en(de) molders der voirscr(even) mole(n) inde(n) name van hem den voirscr(even)/ dijck uutgesteken hadden en(de) weder om v(er)maect ov(er) xxx jaer en(de) daer/in bove(n) en(de) dat die selve diene(re)n allet hout dat hem hen tot/ dien v(er)make(n)ne behoefde gehaelt en(de) hadde(n) opt erve der voirscr(even)/ jans En(de) hoe wale die gebode van ons gened(ichs) shee(re)n [wegen] gelijck jan/j van daelhem voir in sijnre aensprake(n) ruert aldair comen/ sijn so en slaen nochtan die gebode op niemant dan op die ghene/ die in gebreke woirde(n) bevonde(n) van tghene des hen toebehoirde/ te v(er)maken(e) En(de) want na tghene des voirscr(even) es de voirscr(even)/ jan gehoude(n) es inden voirscr(even) dijck te v(er)maken(e) soe hoept die/ voirscr(even) walter(us) wair hij de poente(n) voirscr(even) ghethoene(n) can dat/ hij der aensprake(n) gehoude(n) ongehoude(n) sijn sal De voirscr(even)/ p(ar)tyen wae(re)n gewese(n) tot hue(re)n thonisse Ten dage van thoene(n)/ thoende de voirscr(even) jan dat den dijck voirscr(even) uutgebroken wae(re)/ en(de) dat dwat(er) dwelck tot sijnre mole(n) come(n) soude aldair doir/ sijn(en) loep name thoende voirs voirt dat gebode ons gened(ichs) shee(re)n/ aldair come(n) wae(re)n gelijck hem de voirscr(even) walter(us) oic kende/ Thoende voirt met den moleslegers de welke droege(n) dat jan/ van daelhem en(de) walter(us) voirscr(even) voir hen vande(n) dijcke voirscr(even)/ inden gedinge gestaen hadden En(de) dat sij na aensprake v(er)antdw(er)de(n)/ en(de) thonisse gewese(n) hadden voir een vonnis gelijck die voirscr(even)/ walter(us) in sijne(n) v(er)antdw(er)den geruert hadde Thoende voirt als/ vander geluften dat walter(us) voirscr(even) den jo voirscr(even) janne geloeft/ hadde en(de) toegesegt den voirscr(even) dijck te v(er)maken(e) Eve(n)verre dat den/ dijck des selfs walter(us) erve wae(re) en(de) hij dien datmen bevonde/ dat hij dien sculdich wae(re) te v(er)maken(e) Hopen(de) want hij wael/ ghethoent hadde dat walter(us) gehouden soude sijn den dijck voirscr(even)/ te v(er)maken(e) Hier na thoende walter(us) voirscr(even) allet tghene/ des hij hem v(er)mete(n) hadde met iiii [vive] goede ma(n)ne(n) die den voirscr(even)/ dijck inder mate(n) ghelijck voirscr(even) steet van wege(n) des voirscr(even) jans/ ov(er) xxx jair en(de) dair en bove(n) en(de) oic ov(er) xl jair hadde sien gesien/ en(de) [de twee d(air)af] hulpen v(er)maken Thoende voirt met d met den moleslegers/ gelijck hij hem v(er)mete(n) hadde Na den welke(n) de hee(re)n scepen(en) van/ lov(en) ter manisse(n) smeyers gewese(n) hebbe(n) voir een vonnis na aensp(ra)ke/ v(er)antdw(er)den en(de) thoenisse van beyde(n) p(ar)tyen dat alsulke(n) aensp(ra)ke als/ henrick voirscr(even) tot den voirscr(even) walter(us) w(er)t gedaen heeft den selve(n)/ walter(us) negheen onstade doen en sal noch hem scade Cor(am) lomb(ar)t py(n)noc/ wijtfliet cap(elle)[ma(n)] vynck voshem augusti qui(n)ta/