Item want henric merselijs van duysborch aengesproken heeft [jame van caudege(m)] van/ sess peeters als van eene(n) panchiere dat hij tege(n) hem gecocht hadde/ dairaff de selve henric kinde gehave(n) te hebben(e) ii peeters in afslaghe/ vanden sessen peeters voirs(creven) Seggen(de) dat heem jan van caudege(m) voirs(creven)/ hem dair aff noch sculdich ware iiii peters ende dat gaff hij den/ voirg(enoemde) janne tot gode en(de) tot sijnd(er) wettig(er) eedt hopen(de) dat hij opde/ aensprake [o(n)schout] doen soude oft betalinge vanden voirs(creven) iiii peters en(de) want/ de voirs(creven) jan van caudege(m) nae dien dat de he(re)n scepen(en) gewesen/ hadden dat hij op daensprake ontschout doen soude oft betalinghe/ inden rechte niet come(n) en is om dat te voldoene den voirs(creven) henr(icke)/ inden rechte tege(n)wordichlijke(n)ste staende en(de) recht voert begerende/ Soe hebben de he(re)n scepen(en) van lov(en) gewijst voir een vonisse soe waer/ de voirs(creven) jan van caudege(m) niet en quame ten opstane smeyers en(de)/ d(er) scepen(en) en(de) sijn onschout dade dat hij gehouden soude sijn den/ voirg(enoemde) he(n)r(icke) m(er)celijs betalinge te doen vanden voirs(creven) iiii peters/ aldair de selve jan niet come(n) en es P(rese)nt(ibus) lombart abs(oloens) pynnock/ wijtfliet pynnoc cap(elle)[ma(n)] vynck voshem oct(obris) xvi/