Item want h(er)henric van diest ridde(re) he(re) tot ryvie(re)n anthonijs/ thonijs en(de) joffr(ouwe) barbe(re) weduwe jans wijlen tays die nae den/ rechte d(er) stad van loven(en) come(n) en(de) geleit zijn tot den lande van/ wesemale jonch(ere)n jans va(n) wesemale (et)c(etera) met alle(n) sine(n) toebehoirte(n)/ Op heden hadden doen inscrive(n) eene(n) yegeliken die hem tot den/ voirscr(even) lande oft tot des daer toebehoerde rechts v(er)mete(n) woude/ En(de) aldair niema(n)t en qua(m) da(n) jan calab(er) die met middelle over/ hadde ten selve(n) rechte seke(re) scepen(en) brieve spreken(de) van c en(de) xx boend(er)/ bosch gelege(n) tot wesemale die h(er)henric voirscr(even) ene(n) t(er)mijn van xii/ jae(re)n ingaende tot alreheyleghemisse int jair xxxix voir seke(re)/ zu(m)me van gelde gelijck die scepen(en) brieve va(n) loven(en) daer op ge/ maect dat begripe(n) verpacht heeft meynen(de) de selve jan calab(er)/ want h(er)henric voirscr(even) dat v(er)pachte(n) selve gedae(n) hadde ende/ nad dat hij tot den selven bossche geleyt was dat de selve/ h(er)henric verdoelt soude sijn aen de jaerschae(re)n va(n) dese(n) bossche/ Soe hebben de hee(re)n scepen(en) va(n) loven(en) gewijst voir een vo(n)nisse/ dat me(n) den voirscr(even) h(er)henricke(n) anthonise en(de) joffr(ouwe) barberen/ houden sal in hue(re)n beleyde alsoe v(er)re dat noch voir de/ hee(re)n come(n) es behoudelike(n) dat h(er)henrick aen tv(er)cope(n) vande(n)/ vors(creven) bossche den t(er)mijn inden brieve(n) begrepe(n) verdoelt es/ Cor(am) lomb(ar)t abs(oloens) wijtfliet pynnock cap(elle)[ma(n)] oct(obris) xxiii/