It(em) roeloff vander elst heeft gegeve(n) voir hem sijne(n) erfgenamen en(de) naecome/ linghen janne ghijsels en(de) machtelden claus sijnen wijve en(de) hue(re)n nacomelinghe(n)/ een huys alsoet geleghen is inde bieststrate opden hoeck vander bomelporte/ tusschen den selve(n) hoeck en(de) thuys des selfs roelofs aldaer naest geleghe(n)/ met eene(n) stucke hoefs [vanden hove des selfs roelofs] beghynnende van aen den cante van eene(n) vive(re)/ staende neven de(n) goede(n) arndts de zeysemake(re) langs streckende acht(er)w(er)t/ tot aen thuys jans van maerbeke [meerbeke] en(de) neven thoefken des selfs roelofs/ dat hij ald(aer) behouden heeft gelijc st tselve stuck hoefs vanden hoeffken(e)/ des selfs roelofs met zeke(re)n teken(en) en(de) lattengestijpken gescheyden ende/ geteekent is mette(n) nutscape van eenen weghe oft scaelgijken lanx/ aen thoefken des voirscr(even) roeloffs drie voeten breet streckende o(m)me/ den voirscr(even) huyse tot opde helicht van eenre poerten achter weert/ comen(de) metter helicht der selv(er) poerten en(de) alsoe achter ter straten/ uut ter dijlen weert aen en(de) oick weert ane met eene(n) weghe/ gaende vanden huyse des selfs jans tot aen eene heymelicheit ald(aer)/ metten gebruycke der selv(er) heymelicheit staende inden huyse des/ selfs roelofs in deynde vanden hove des voirscr(even) jans welke/ heymelicheit en(de) poirte beyde de voirscr(even) p(ar)tijen tot euwighen daghen/ op hue(re)n gemeynen cost houden sullen Erffelijck te houden en(de) te besitte(n)/ op allen den last en(de) co(m)me(r) daer voe(r) uutgaende te weten drie gulden/ peeters der mu(n)ten ons gened(ichs) h(ere)n en(de) vii pl(a)c(ken) erftchijs te gewoenlijke(n)/ / tijden te betalen Ende voirt aen op eene(n) gulden(en) peete peter der/ mu(n)te(n) ons gened(ichs) h(ere)n [duc(is) p(ro)nu(nc) cur(rentis)] voirscr(even) erflijke rente(n) alle jae(re) xi daghe in/ decembri te betalen de(n) voirscr(even) roelove en(de) sijne(n) naecomelinghen/ Op welken last en(de) comm(er) voir voirscr(even) de voirscr(even) roeloff roeloff/ de jonghe sijn sone en(de) willem van dueren mesmake(re) geloeft/ hebbe(n) den voirscr(even) janne [en(de) sine(n) wijve] de voirscr(even) goede van allen letselen/ en(de) calangie(n) alt(oes) genoech te doene en(de) te warende(re)n ut etc(etera)/ met sulker condicie(n) dat de voirscr(even) jan [gehuyssche(n)] den voirscr(even) peter/ mach lossen wanneer dat hij wilt met xviii gelijken pe(n)ninghe(n)/ en(de) met volle(n) tsijse m(er) eest alsoe dat de selve jan den voirscr(even)/ peeter tusschen dit en(de) sint jansmisse naestcomen(de) lost soe sall/ hij ongehouden sijn van enighen tsijs d(aer) aff te gheve(n) cor(am) pynnock/ winghe dec(embris) xi