Item het sijn in rechte voe(r) meye(r) en(de) scepen(en) van loeven(en) henrick van/ overbeke aenlegghe(r) in deen zijde ende reyne(re) vanden hovelde verant/ werde in dande(re) aldair de voirscr(even) henrick aensprack den voirscr(even)/ reyne(re) seggen(de) dat in tijden voirleden corts weghs nae dat jan/ wijlen lobbe aflivich wordden was tsamen vergadert waren tot/ wespelair jan van belanden(en) en(de) henrick van ov(er)beke testamentoirs/ testamenteurs des voirscr(even) wijlen jans lobbe ende reyne(re) vanden/ hoevelde en(de) symon van ov(er)beke die ond(er) hen beyden geleydt/ waren totten goeden des selfs wijlen jans lobbe ald(air) tusschen/ de voirscr(even) testamentoirs en(de) geleydde soe vele sprake gehouden/ was dat reyne(re) voirscr(even) toeseyde en(de) geloefde den voirscr(even)/ henricken van ov(er)beke scadeloes te houden(e) en(de) tontheffen(e) van/ allen scouden die jan wijlen lobbe sculdich bleve(n) was met alle(n)/ laste en(de) co(m)mer daer op gaende Seggen(de) voert dat lijsbeth/ vande(n) berghe wettich wijff henrix van ophem den voirscr(even)/ henricken van ov(er)beke als testamentoir jans wijlen lobbe met/ rechte aengesproken heeft voe(r) den rade der stad van bruessell/ van tsestich gulden rijders die de voirscr(even) jan wijlen lobbe/ ten tijden als hij sterff huer sculdich bleven was van pijnen/ en(de) arbeyde en(de) dat de selve henrick bij terminacien der/ stad van bruessell gecondempneert was der voirscr(even) lijsbette(n)/ te betalen(e) tghene des sij met hue(re)r eedt ten heylighen houde(n)/ soude Dat hue(r) de voirscr(even) wijlen jan van pijne(n) en(de) arbeyde/ sculdich bleven ware en(de) dat de selve lijsbeth hue(r) schout van/ hue(re)n pijne en(de) arbeyde voe(r) den rade der stad van bruessele/ met hue(re)r eedt gegroetsts hadde op tsestich gulden rijders/ met rechte heeft moeten betalen en(de) daer o(m)me te laste/ en(de) te stade gehadt xii rijders en(de) dat alle dese voirscr(even)/ poente(n) waer waren Boet de voirscr(even) henrick dat/ bij te bringen(e) met waerheiden van goeden mannen oft/ c(er)tificacien der stad van bruessele oft met sulker mey/ninghen conden als hem daer toe behoefde en(de) metten/ mynsten Hopen(de) daer o(m)me nae de gelufte die hij biet/ over den voirscr(even) reyne(re) te thoenen(e) en(de) nae dat hij van/ lijsbette(n) met rechte beclomme(n) en(de) verwo(n)nen is en(de) hij de/ voirscr(even) lx rijders met rechte heeft moeten betalen/ en(de) de voirscr(even) stade van xii rijders daer o(m)me heeft/ moeten hebben en(de) lijde(n) dat de voirscr(even) reyne(re) gehouden/ sall sijn hem tontheffen(e) vanden voirscr(even) lx rijders alse
//
vanden princepalen en(de) vanden xii alse vander staden Daer/ op de voirscr(even) reyne(re) antwerde dat henrick sijns vermets/ vander voirscr(even) geluften ne(m)mermeer volcomen en soude Seggen(de)/ dat waer ware dat een dachvaert gehouden en(de) ghe/ raempt was in onsser vrouwen capelle sinte peters te/ loeven(en) alse vand(er) sc wettigher schout die bleven was/ achter den voirscr(even) wijlen janne ald(air) de selve henrick/ van achter tot voe(r) altijt jegewoirdich was met hem/ hebben(de) zegele en(de) brieve(n) jans van belanden(en) sijns medegeselle(n)/ int testamentoirs scap inhouden(de) dat de selve jan van werde(n)/ houden soude tghene dat dair bededingt soude wordde(n)/ en(de) dat ten slote van dier dachvaert gesol gesloten/ was bij expresse (con)sente des voirscr(even) henrix dat arnt/ lobbe ald(air) te hemwaert nam alle wettighe schout ghebleve(n)/ achter de doet jans wijlen lobbe sijns brued(er)s en(de) achter/de doet dat achtervolghen(de) den selve(n) slote de selve/ arndt der voirscr(even) lijsbetten vernueght hadde van/ allet ghene daer inne jan wijlen lobbe ten tijden/ als hij sterff gehoude(n) mocht sijn van pijne(n) en(de) arbeyde/ oft andersins in enigher manie(re)n gelijc hij dat boet te/ doen blijken met scepen(en) brieven en(de) quitancien geschiet/ voe(r) scepen(en) van loeven(en) en(de) boet de selve reyne(re) dese voirscr(even)/ poenten te thoenen(e) mette(n) minsten (et)c(etera) Hopen(de) daer o(m)me/ vand(er) aenspraken ongehouden tsijne Ende beyde p(ar)tije(n) tot/ hue(re)n thoenisse gewesen sijnde Soe pijnde hem de voirscr(even)/ henrick de voirscr(even) gelufte over den voirscr(even) reyne(re) te/ thoenen(e) des hij soe volcomelijcke niet doen en conste/ als hij hem vermeten hadde thoende voert met eenre/ c(er)tificacie der stad van bruessele ghedateert op jair/ van xv xlvi inde maent van junioi hoe dat na dien/ dat henrick van ov(er)beke tot der voirscr(even) lijsbetten weert/ gecondempneert was int ghene des deselve lijsbeth ten/ heylighen houden soude dat jan wijlen lobbe hue(r) van pijne en(de)/ arbeyde sculdich was dat de selve lijsbeth daer nae nam/ bij hue(re)n eede ten heylighen d(air) om gedaen dat de voirscr(even) wijlen/ jan ten tijden als hij sterff huer sculdich was en(de) bleeff de/ somme van v lx rijders der mu(n)ten (et)c(etera) Thoende voert/ met henricke(n) van ophem wettich man en(de) momboir der voirscr(even)/ lijsbette(n) dat hij de voirscr(even) lx rijd(er)s vande(n) voirscr(even) henricke(n)/ ontfanghen hadde Hier nae thoende de voirscr(even) reyne(re)
//
man der voirscr(even) lijsbette(n) dat hij de voirscr(even) lx rijders/

vande(n) voirscr(even) henr(icken) ontfanghe(n) hadde en(de) met meer and(ere)n/

die daer bij waren daer tgelt te twee malen ov(er)gegeve(n)/

en(de) betaelt was Hier nae thoende de voirscr(even) reyne(re) tpoent/ vander dachvaert in onsser vrouwen capelle gehoude(n) sijnde/ in alle der maten hij hem dat vermeten hadde Thoende/ voert met eend(er) quitancie(n) gedaen voe(r) scepen(en) van loeven(en)/ gedateert opt jaer van xlv drie daghe in julio Inhouden(de)/ hoe dat lijsbeth vande(n) berghe quijtgescouden hadde arndde arnde/ lobbe van allen scouden geluften (con)dicien en(de) allen stucken en(de) allen saken/ inde welke de selve aert van weghen jans wijlen lobbe sijns/ brued(er)s totter voirscr(even) lijsbette(n) weert van pijne en(de) arbeide tot/ opden dach toei der quitancie(n) voirscr(even) gehouden mocht sijn in eniger/ manie(re)n Seggen(de) ten lt slote en(de) allegerende op thoenisse des/ voirscr(even) henrix hoe wale de voirscr(even) lijsbeth ten heylighen/ gehouden hadde dat de voirscr(even) wijlen jan ten tijden als hij/ sterff hue(r) sculdich was bleven lx rijders soe en hadde sij/ nochtan inden selve(n) eedt niet gehouden dat hij hue(r) dat/ alnoch ombetaelt uutstaende sculdich was Wantmen ind(er)/ waerheit bevint metter quitan(cien) voirscr(even) die oud(er) is dan/ de t(er)minacie voirscr(even) dat de voirscr(even) lijsbeth bynne(n)/ middelen tijde van hue(re)n pijne(n) en(de) arbeyde betaelt en(de)/ vernueght was Soe hebben de h(ere)n scepen(en) van loeven(en)/ gemaent vande(n) meye(r) gewesen voir een vonnisse nae/ aensprake verantwerden en(de) thoenisse van beyden p(ar)tije(n)/ dat alsulken aensprake als de voirscr(even) henrick ten voirscr(even)/ reyne(re)n weert gedaen heeft den selven henricken gheen/ scade doen en sall noch den selven reyne(re) ons ontstade/ P(rese)nt(ibus) abs(oloens) pynnock witte f(ilio) q(uon)d(am) fr(anconis) winghe willem(air)/(et) hortbeke decembr(is) xii[a]/