Va(n) ja(n)ne va(n) hoelair en(de) / h(ere)n gheerde sijne(n) sone / It(em) jan kyelman en(de) peet(er) de becke(re) beide van werchte(re) in p(rese)nc(ia) hebbe(n) geloeft / indivisim dat sij om egheenderande(n) sake(n) noch stucke(n) wille die gesciet / sijn tot opde(n) dach va(n) hede(n) tussche(n) hen in deen zijde h(ere)n gheerde van / hoelair p(re)dicae(re) te loeven(en) en(de) ja(n)ne va(n) hoelair sijne(n) vad(er) in dande(re) / de(n) selve(n) vad(er) en(de) sone ne(m)m(er)meer wangonst hatide vede noch / viantscap doen noch drage(n) en sulle(n) hen crincke(n) noch hind(ere)n aen / lijf oft aen goet nocht oec te ca(m)pe eissche(n) noch hen dage(n) noch / moeye(n) buyte(n) lants bij hen selve(n) oft yem(and) and(er)s in geend(er) / Beken(nende) de vors(creven) jan en(de) peet(er) en(de) elc va(n) hen besund(er)t soe / wair sij h(ier) jege(n) dade(n) dat sijn soude(n) peisbreke en(de) zoe(n)breke / en(de) v(er)buert hebbe(n) huer lijf en(de) goet ond(er) wat h(ere)n oft gerichte / sij bevonde(n) worde(n) Behoudelic (et)c(etera) cor(am) ov(er)winge willemair / augusti iiii[ta] /