Item mercelis vand(er) molen die janne den punde(re) bij janne bone vorste(re)/ te loven(en) in sijne vroente aldair hadde doen hachten en(de) houde(n) omme/ tvoldoen van seke(re)n vonnesse(n) den vors(creven) m(er)celise ov(er) den vors(creven) ja(n)ne den/ punde(re) aengewijst sijnde Alse vande(n) voldone van seke(re)n waerscape(n)/ van v oude gr(oten) en(de) v cap(uynen) erfchijs die de selve m(er)celis uut/ sijne(n) goede(n) jege(n) den vors(creven) ja(n)ne gecocht sijnde bove(n) den commer die/ hij hem alsdan noemde bevonden heeft uutgaende en(de) de selve/ mercelijs metten scepen(en) h(ier) nae genoempt inde vors(creven) vroente gegaen/ is Ald(aer) de selve jan de punde(re) niet gevonden en is Also so es/ de vors(creven) vroente bijden vors(creven) m(er) scepen(en) ten v(er)sueke des selfs m(er)celis/ na den rechte vand(er) stat beleidt gewijst p(rese)nt(ibus) velpe wynghe/ jul(ii) xiii/